سمعونا زغروطة ( روايات ليبية )

حلقة 1❤️ ( البداية )

حكاية #سمعونا_زغروطة
( خيال مقتبس من الواقع )
للكاتبة : #منى_المجبري
الرواية بلهجة الليبية
✨ ( البداية ) ✨

المقدمه

بسم الله الرحمن الرحيم

امم اكيد استغربتو من الاسم كيف سمعونا زغروطه؟ كيف مامعروف عندنا نزغرتو في الافراح والمناسبات المهمه😂💖 وكذالك ه يدير حسين ، اه اوك عرفت اكيد تقولو كيف يقول هكي ؟ تمام ه نقوللكم بس مش توا ه نخرب عليكم القصه لو قلتها، القصه كوميدي وكيف مامعروف على منى المجبري في كل روايه لازم نصائح وعبر وحكم وكذالك هذِ الروايه لاتخلو من الارشادات والحاجات المهمه الى تساعدنا في حياتنا
اليوميه ❤ والحق حبيت انطلعكم من جو الحجر ونغيرلكم جوكم هيا نبدو مع بعضنا🔥💖

*منى المجبري

البطله : اسمها غرور مواليد 1992 شعرها طويل يوصل لى نهاية ظهرها لونه اصفر وكيرلى اعيونها اكبار لونهن بني متوسطه الطول والحجم وبيضه اللون ملامحها طفوليه زي حركاتها بِ الضبط ، متخرجه من إدارة أعمال ودلوعه ومتمرده لى أبعد الحدود🔥

والدها: حسين تاجر معروف ، جوهه خيال بكل ومدلع بنته لين مخربها
والدتها: نوريه دكتورة باطنه شخصيتها حاده شويا ومع ذالك مترفضش اي طلب لى بنتها
بنت خالتها: مرام مواليد 1994 عايشه مع خالتها لان هلها كلهم توفو في حادث وتعتبر غرور اختها وحسين باتها ونوريه امها ، قصيره شعرها اقصير اعيونها سود وشعرها اسود ملامحها حاده، وعكس غرور وديما تضحك وبرونزيه اللون 💖متخرجه من طب قسم تحاليل
خالتها رهف: تحب غرور بشكل مش طبيعي وأكثر شخص غرور تاخذ في ناصئحها وديما تحب السفر والطلوع 💖

اهم الشخصيات وكل شخص يطلع ه نعرفكم عليه💖
//////////////////
الكاتبه : منى المجبري
_________________

فتحت نوريه باب الدار وقعدت تستغفر زي كل يوم 😂

نوريه : نوضن تحشمن الظهر اذن
غرور بِ نعاس: الاسطوانه المتعوده كل يوم نفس القصه خطينا ابليز
نوريه : هكي اخرتها تردي عليا معش في حشم
مرام بِ همس : ايووه علينا توا تزعل نوضي راضيها
غرور بِ ارهاق : امبه
مرام : بطلى دلع كبدي فاجت منك راه
غرور بِ اهبال : نوضي سرحيها مدام فاجت زي الخراره😂
نوريه : في خراره غير فمك
مرام: ايوا اقوي عليهم خالتي
غرور: مرااام😒
مرام بِ ضحكه : خلاص سكتت والله

ناضت غرور وحضنت امها وباست راسها

غرور: مامي الجميله مزلتي زعلانه
نوريه بِ شهقه : حي على الهلات مش قتلك معش تسهري انا
غرور: كلهم يسهرو جت عليا انا

على خشت حسين

حسين : اوو عندنا بطريق ومحد قالى

كلهم شافو بِ استغراب وبِ لقطه غبيه شافو للدار يدورو في البطريق😂🤦‍♀️