حكاية #سمعونا_زغروطة
( خيال مقتبس من الواقع )
للكاتبة : #منى_المجبري
الرواية بلهجة الليبية
✨ ( النهاية ) ✨
Part 2
_________________
بعد مرور اسبوع
حولت مرام الجبس ، وردت اكراعها زي قبل ،
كان حسين مقعمز يتفرج على الTv ، جاته غرور
غرور : بابا السمح
حسين : خير ان شاءالله
غرور وتسبل في عيونها: زعلت مني
حسين بِ صبر : لالا بس يابنتي العمر يجري وه يفوتك قطار الزواج
غرور بِ اهبال ؛ منحبش القطارات ومش مستواى نركب قطار
حسين : ها شن مالا مستواك يا انسه غرور
غرور بِ تعالى: نركب طياره انا منحبش مرطزة القطار 😂
حسين بِ ضحكه : امتى تعقلى يا بنت🤦♀️
غرور : بعد نزوجك
حسين : ههههههه اسكتي راه تسمعك نوريه
غرور: ايوا هك ديما اضحك
حسين : نبيك تكوني احسن بنت وكل حاجه ندير فيها لِ مصلحتك صدقيني
غرور بِ برائه : اها عارفه
حضنها حسين وفجأه تطلع مرام
مرام وهيا قالبه وجهها😂: خوانين والى خان ياناوي على النسيان هجرني بِ كلامه وخان واحضان وحب من ورايا اه وكمان غرام 💃😂.
حسين بِ ضحكه : تعالى مكانك في الحفظ والصون
ابتسمت مرام وانضمت إلى الحضن الأسري😂💖
مرام بِ احراج : نبي نفتح معاك موضوع
حسين: احكي نسمع فيك
مرام وخدودها انحمرن😂: في واحد يبي يقابلك بكرا
حسين بِ فرحه : مشاءالله واخيرا بِ نفرح بِ وحده منكن
غرور : يا خاينه وانا آخر من يعلم
مرام: لا والله توا كيف قالها ليا وقلت نقوللكم طول
غرور بِ ضحكه : حي على الطماطمه الحمره😂
حطت مرام ايديها على اخدودها وضحكت 💖
____________________
ثاني يوم
جاء الدكتور الى متقدم لِ مرام وهدرز مع حسين واعجبه واتفقو على موعد الخطوبه بعد اسبوعين
مرام : فرحانننههه
غرور: دوم ان شاءالله
مرام : غرور شوفيلك حد ازوجيه راه ه تكسدي بعدي
غرور بِ تفكير : كيف يعني
مرام : انا ه نزوج ونسافر مع راجلى ونجيب اطفال وانتِ حياتك تقعد زي ماهيا وانا مش معاك وطبعك الحاد معندكش حتى صحبات شن بِ اديري
غرور بِ حده : به حطي السانك في فمك وسكري عليه اوك😒
مرام: كلام الحق وجاع
غرور: وضربت الشبشب لذاعه 🙂 تبي تجربيها شكلك
مرام بِ ضحكه : هههههه لالا ارجوك 😂
قطعت عليهن خشت نوريه
نوريه : نوضي انتِ وياها ولد خالتى ولده جاينا
غرور بِ برود: وعليش جاي بسس وقت حد يجي لِ حد في هل حمو
نوريه : بعد يجيك في حوشك هذك الساعه تكلمي
مرام : ادهكي عليها على قولت نانسي عجرم الليبيه😂
غرور: يا باردهه😒😂
نوريه : نوضن هيا رتبن المطبخ وسيقن الحمامات(يكرم القارى)
مرام؛ حاضر
أنت تقرأ
سمعونا زغروطة ( روايات ليبية )
Storie d'amoreللكاتبة : #منى_المجبري غرور بنت اسم علي مسمى لا تأمن بلحب ابدا دائما يكون امامها الحب و تتهرب منه و لكن في لحظة يتغير كل شي ؟ تخلص الكاتبة القصة في حلقتين طويلتين ❤️ . رواية ضمن مسابقة #نساء_من_ذهب انتاج MBC LIBYA 🇱🇾
