#الخائنه 4
نور: وصلت للحوش بعد ماغيرت وكلت وقعمزت تتفرج ع تلفاز وصلتها رساله من رقم مجهول (نصيحه ليك ي نور تفسخي خطوبتك من رامي لأنه انسان مايصلحش بيك وانتي لو مش راح تسمعي نصيحتي اتصلي بيا ونتلاقو وتشوفي الأدله بعينك......😮😮😮...منو هادي ومن وين طلعتلي اححيييه عليا لوو يطلع كلامها حق....وطلعت تجري لدرا لوفاء
نور: بصوت يرعش.....شوفي شوفي
وفاء:وهبا تقرا وتبلع في ريقها.....فووتها هادي اكيد وحده حاطه عينها عليه وتبي تخطفه منك
نور: بهي وعلاش قتلي لو تبي تشوفي ادله عادي يعني هيا متأكده من الدوه الي تقول فاها
وفاء:تي لالا هيا اكيد ناويتلك الشر وتبي اطيحك في مشكله ي غبو
نور: اممممم ايي ممكن بس ممكن لا
وفاء: يعني انتي بتخاطري بروحك
نور: بعد شوية تفكير: لا اكيد
وفاء: مالا خلاص حطي رقمها في الرفض وانسي الموضوع كله
نور: هزت براسها لكن منستش الرساله لن طلعت......
🔥مـــــــــــــيُـــــــــــــلـــٰــــــــووو حــٰــــــــــسـٰــــــــــن🔥
🔥مـــــــــــــيُـــــــــــــلـــٰــــــــووو حــٰــــــــــسـٰــــــــــن🔥
انس: ياكل في شيبس.....خيرك قارنهم
عدي: فكني اننسسس مش ناقصك بالله فكني
انس: شن رايك في نكته هكي تغيررلك جووك
الياس: كيف طالع من الحمام يسمع فيهم .....مره في واحد كلا صدر دجاج نخنق بالستياان
انس: وكككك وككك 😂😂😂.....زيدني وحده
عدي: توا بالله هادي حاجه اضحك وله انتا مداير مسابقه مع الضحك
انس: بهي شن رايك تسمع هادي
عدي: فنص فيه وكيف بينوض
الياس: والله ع خاطر التفنيصه هادي لما تسمع نكته...مره في صيني فنص فيه مرته عيونه نشركو
انس: أوووو وبداا ينقزز من الضحك 😂😂😂😂
الياس:😂😂😂
عدي: قصدي انتم ديما هكي وله فتره وتم
انس: بالنسبه ليا ديما هكي اما الياس منعرفش 😂😂
الياس: وانتا خيركك متكنطي تبي حاجه واجعاتك حاجه احكي رانا تريس ونعجبوك
عدي: اي عندي موضوع لكن مش توا نحكوو فيه مازال
الياس: براحتك المهم فضفض واحكي خويا مدسش في قلبك
انس:😂😂😂
الياس: دف انس من ع كرسي.....وانتا ي راجل متسكرش فمك
انس: يقاوم ينووض يي يي
عدي: مفضاني حتا انا قعد معاكم والله
الياس: فاتح الثلاجه ويتفرج ......ترا قولو علاش سمو البيض بيض
انس:😂😂😂....علاش
الياس: ع خاطر لونه ابيض
انس: غلط في حتا احمر
الياس:😂😂😂....لالا ع خاطر الدجاجه تبيض 😂😂
انس:😂😂😂
الياس: بهي قوول علاش سمو الحليب حليب
انس:😂😂 علاش
الياس:ع خاطر المعز تحلب 😂😂😂
انس:بهي علاش سموك الياس
الياس: لانه اليأس في حياتي حتا ربي عطاني زوز صحاب واحد بارد وواحد نكد
انس والياس: بدو يتطايحو ع بعض من الضحك 😂😂😂
عدي:🤦♂️🤦♂️
بيان: قدررت تتصل بي خالتهاا وتسألها ع تفاصيل رامي بالكامل السكنه والقب وهككي باش تبحث في النت ع اسمه وتقدر توصل لصووره بسهوله وبعد ماسكرت من خالتها حطت الاسم في النت وفعلا لقت الايميل وخدت جميع صوره ودزتهم لي عدي كلهم
أنت تقرأ
الخائنة ( روايات ليبية )
Romanceالخيانة عندما تكون مقصودة تكون خطيئة و لكن ؟ قصص حب يقف امامها عائق يوقفها رواية من داخل المجتمع الليبي 💔
