تركوني اهلي

احب اعرف علئ نفسي اني رواء من ناصريه حاليآ عمري 29 سنه بس راح ارجع الكم بحياتي او قصتي احجيها الكم عائلتنه متكونه من حنان الام _ جعفر الاب _ مروه اختي الجبيره عمرها 25 سنه اهواي تجي عليها ناس تتقدم الها بس هيه مجانت اتوافق ابد
اني طفله عمري 9 سنوات اجه صديق بابا اتقدم الاختي مروه بس هيه ماقبلت او بابا اصر علها كلش اتوافق بس هيه جانت رافضه رفض قطعي يعني الموضوع منتهي عدها او مجانت رايده الزواج

الاب _ انتي الازم اتوافقين شنو السباب الي يخليج اترافضين

مروه _ هاي حياتي بابا الله يخليك لا تجبرني علئ الزواج اني مامستعده الزواج صدكني ماكدر افهمني

الاب _ ماشي اني ماراح اضغط عليج ولا اجبرج بس لا تحاجيني ابد

مروه _ الله يخليك بابا لا تسوي هيج لا تزعل ماكدر علئ زعلك

الاب _ انتي اختاري لو زعلي لو اتوافقين

الام _ ابو مروه مايصير هيج ياعيني لا تجبرها شنو متضايقين من الكمتهاا

الاب _ مامتضايق من الكمتها بس هيه مو زغيره عمرها 20 سنه او الولد ابن صديقي بس هوه ال اهله او موضف وين تلكه هيج قسمه

الام _ ميخالف دشوفها مامستعده خليها علئ راحتها ماعدنه بس ذني البنات ماريد نكسر بخاطرهن

الاب _ ماشي الي اتشوفينه

الام _ مشكور ياابو بيتي تسلملي

رواء
_ سكت ابويه او سد الموضوع بقئ زعلان منها كم يوم بس راضته ونتها الموضوع رسمي عد حياتنه عادي وطبيعيه اني صرت ب ثالث متوسط او من ذيج السنه بده القهر والضيم ماما راجعت اهواي دكتورات علمود ايصير عدها طفل او ولد بس مصار بابا جان كلش ضايج او يكلها من حقي ايصير عدني ولد يحمل اسمي انا البنات ماديماتلي كلمن البيت زوجها او ماكدر ابقه هيج بس هوه عمره مافتح طاري الزواج وياها او يزوج عليها صح جان بنفسه يصير عنده ولد بس ماكسر بخاطرها بيوم اختي هم جانت رافضه الزواج او بقت مازوجت طبعا ابويه عنده شركة ايراد او تصدير يعني عدنه وحالتنه الماديه الحمدالله كلش زينه ابويه فتح مشروع ازغير ابغداد او متوقع هل مشروع راح ايطك بهل سرعه او يكبر

الاب _ ام مروه اعيوني اني فتحت شركه ازغيره بغداد او متوقعته هل مشروع راح يكبر هيج او صار كلش مستواه عالي احنه لازم انشيل البغداد حتئ ادير شغلي اهناك حتئ لو فتره قصيره علئ ماضبط اموري ماكدر اخليكم اهنا اخاف عليكم هذا طريق هم اني ماكدر اروح وجي

الام _ بس اهنا اهلنه او ناسنه اشلون اتريدنه نترك كلشي او نروح

الاب _ كتلج فتره ونجي بس اضبط اموري

الام والبنات دوامهن اشلون

الاب _ معليج اني انقلهن او اكمل كلشي او اني مشتري بيت او مكمل حتئ الاثاث مالته حبيت اسويه الكم مفاجاه يعني تاخذون بس ملابسكم