بسم الله قبل ما نبدا ..
الرواية دي قيد الكتابة يعني اول ما الكاتبة تنزل انا بانزل باذن الله تعالى ..
فما تسالوا عن الباقي ..
قراءة ممتعة
ــــــــــــــــــــــــــــــــــــــــ
قمته اخدته دش و صليت وجيت نازله قلته لماما اعملي لي قهوه مصدعه💔 قالت لي حاضر 💕 مشت عملتها لي وجابتها وانا بشرب فيها مها اتصلت علي اتونسنا كده كنته دايره احكي ليها لكن سكتهه بحكم انو اتكلمت معاي انا ف امكن حاجه صعبه شويه سكته ع كده و بعدها قفلته منها مشيت غرفتي مهاب دق لي قال لي نادر قال لي الليله حنه اختو وعزمني ف داير اكلمك عشان اسوقك معاي " نادر اخو نهي وصاحب مهاب اخوي 💕" قلته ليه لالا انا بطلع بدري شويه عشان نجهز نهي وكده انت بتطلع متاخر قال لي طيب يلا .. طلع واليوم مشي بتفاصيل عاديه جدا لم جاء المغرب قمته صليت و اخدته دش وجيت طلعته فستان اسود من فوق ضيق ومن تحت واسع شويه هادي ومن الرقبه فيه شغل بالدهبي رفعته شعري كعكه لفوق واكسسوار بسيط بالدهبي والزمام الدهبي يسو كده👋🏻وشبط دهبي عالي 😹😹♥♥ ومكياج خفيف و نزلته لماما وودعتها ومشيت ركبته ترحال وانا ماشه جاني مسج من رقم نهي القبيل " جايه!! انا مستنيك " رديت ليها ااي جايه يلا وصلته المكان ونزلته بتاع الترحال راجل كبير كده قال لي "يابتي الجابك المكان ده شنو!! ده مكان م كويس والناس بشهدو ليه انو مكان كعب وانتي بت براك خلي بالك من نفسك وحافظي ع روحك" طبعا كلام الراجل خوفني خوفي قربته ارجع 💔 لكن قلته مستحيل نهي تطلب مني نتلاقي في مكان زي ده اذا مافي شي مهم رديت ليه حاضر يا عمو وشكرا ليك هو مشي وانا مسكته جوالي بقيت اتصل ع الرقم م بترد بعد مسافه حسيت بزول واقف وراي لم اتلفته حسيت بانو لاقيتو في مكان م غريب علي !! لكن ده منو ووين!! فجاه فتح خشمو قال لي بحبك طبعا قربته اقوم جاريه من الخلعه والخوف😭😭💔 قلته ليه انت منو !! وداير مني شنو!! قال لي ااا اانا انا اسمي مُعتز و لاقيتك امبارح لم جيتي لنهي وحبيتك يااااا طبعا بقيت برجف لانو شكلو كده م طبيعي قلته ليه طيب وين نهي!! قال لي مااف انا الرسلته ليك لانو بحبك قلته ليه يعني حبيتني في اليوم ده بس !! قال لي اا ااي ليه انتي ماقادره تصدقي انو حبيتك يااه وبقا يقرب مني وانا هبطه خلاص😹♥😭 وحسيت برجولي ساحت والله 😭😭😹♥ قمت جاريه طوالي بالشبط العالي داك ثلاثه مرات كنته ح اقع لكن الله ستر بس😭😭 وانا جاريه شفته عربيه وقفت وفيها زول طوالي فتحته الباب وركبته😹😹😭 وكمان حلاة امنته الباب وانا بتلفت قلته للولد اتحرك سرعه قال لي انتي منو !! وامشي وين
انا: يااه اتحرك سريع قبل يجي اسه انا م ناقصه جن والله " ده كلو وانا م شفته وشو😹😹♥ وبتلفت بفتش في المجنون داك كمان😹😹♥"
#ابقوا_بعافيه💛
اتفاعلوا 💛
