بنات هذا عقاب الحلقه الاخييير ع خاطر طويله منزلتش كامله
وفاتو الايام والشهور وعنود بطنها بدت تكبر وشكلها بدي يتغير بدت دبدوبه وياسين خايف علاها من نسمه الهواء
وفي يوم من الايام
عنود; راقده وتشخر لين حست بمغصه ناضت قعدت اتئن
ياسين: سمعها وناض،،قرب منها خيرك شن في
عنود: بدت تعرق، ،منندريش من الصبح المغصه هادي تجي وتمشي بس تو قويه هلبا
ياسين: بلع ريقه، صب طاسه اميه ومدلها
عنود: شربت اميه،تالمت قعدت حاطه ايدها ع بطنها ومسكره عيونها ناديلي حناي معش نقدر
ياسين: خاف طلع من الغرفه طول اتجه لي غرفه خديجه فيقها وجي معاها
خديجه; خشت لقت عنود تتالم، بسم الله خيرك
عنود: تتالم اممممم، حناي وجع مش طبيعي بكل
ياسين: ارتبك،قعد ماشي وجاي ومش عارف شن ايدير
خديجه:قربت منها شبحت فيها وشهقت،انتي في حالات وضع
عنود: خافت وبدت تبكي،
ياسين:ذاد خاف وارتبك قرب من عنود قعد شاد ايدها ويرجف
خديجه: ناضت نوض وقته الكلام اهوا برا ولع السياره نوووض
ياسين: شاد ايد عنود اللي تتالم من الوجع،،ومش مركز لكلام حناه
عنود: بصوت عالي ،،ووووووووه علياااااااا ووووووه
خديجه: خودي نفس واهدي، ياسين نووض
ياسين: ناض يجري ولع السياره
خديجه: لبستها عبايه ورفعت شنطه البيبي وعنود قلبتها عياطاتت لين نوضت عبد المعز ورنده 😁💔
ياسين: دخلها السياره ويسوق بسرعه جنونيه وكل مره يشبح في عنود
عنود: ووووه عليا بنموووت، كله منا هوووا حنااااي اااااااه وبدت تبكي
باسين; حس كانه حد صب عليا ميه ساخنه😁
خديجه: وحدي الله يابنتي عيب الكلام اهوا
عنود: تخبط في السياره وتتلوه، هوووا حنااااي اني بنموووت بسبببه كلللله مناا ووووه عليا
وصلو لي المستشفي ودخلوها لي كشك الولاده طول
بعد ساعه♥✨
ياسين: ماشي وجاي ف الممر مش قادر يقعد ويدعي بصوت مسموع
خديجه: 😒تعالا اقعد تو اتنوض بسلامه ان شاء الله
ياسين: عيونه دمعو،حناي كيف عطلو هكي
خديجه: 😒هادي ولاده شن تحسابها خمس دقايق وتطلع وبعد تالي متعرفش تستر روحك طالع هكي
