كما تدين تدان الحلقه 3
سعاد:افتحي بلا دراما زايده متحشميناش قدام الناااااس
نورس:نسرين نسررررين به ردي علينا ع الاقل
سميره:بنيتي استهدى بالله وافتحي الدار بالله عليك الناس يستنو
سعاد:نورس تغطي بشير بيخش
نورس:به
طق طق طق
بشير:نسرين افتحي بلا عار قدام النااااس نسرررين
نسرين:فاقده الوعي ومتعلم بي شي
بشير:افتتتتتحي 😡😡😡😡
سميره:اهدا يا ولدي اهدا الناس تسمع فينا
بشير:وخري يا امي من ع الباب
سعاد:شنو بدير
بشير:تي وخرووو
سميره:به😰
بشير:طفففف كسر الباب
سميره&سعاد&نورس&بشير :😨😨😨😨
سميره:ياحشمتي قداااااام الناس😱😱😱😱😱يا حي عليااا
نورس:واخذه حبوب ياعمتي 😨😨
بشير:شششنو هكي كيف😨😨
سعاد:ياعارنا قدام الناس في الحفله ياعااااارنا
بشير:قام نسرين بي الڤيلو وبي كل شي ورفعها المستشفى والحفله التغت وطبعا كذبو ع الناس والعريس ع اساس انها فقدت الوعي ومعش ناضت
نورس:ياااارب صبرنا ياااارب مفيها شي
سعاد:ها الحقيره خربت العرس حسبي الله عليها
نورس:ضمي فمك انتي مش وقتها دوتك
سميره:اسكتي انتي وياها مش وقتكم
بشير:متكنططططي وواقف بروحه 😡😡وربي غير تنوض بسسس
نسرين:فتحت عيوني للحضات وحسيت روحي خلاص رح نسيب الدنيا هيا بيلي فيها رح نسيب كل الناس يلي قست عليا في حياتي رح نسيب كل حده وقفت معاه وموقفش معاي غمضت عيوني وانا مش مسامحه اي شخص دمرني ولا وجعني وبذات قصي
الدكتور:السلام عليكم
سميره:طمنا يا ولدي الله يربحك
الدكتور:اسف درنا يلي علينا درنا غسيل معده وكل شي بس للاسف الدواء كان قوي عليها هلبا البقيه في حياتكم
سميره:😨😨😱بنيتي ووه عليااااا بنتي لااااا😭😭😭😭😭😭😭يااااربي
سعاد:😳😳توفت
نورس:حضنت سميره...😭😭😭ياعمتي الله يرحمها اصبري
سميره:😭😭😭😭
بشير:مصدوووم ومش عارف يفكر 😳😳😳😨
روايات بنووتة الشيخ
نسرين توفت وامها في هستيريا وكانت وفاتها فجأه كلهم حاسين روحهم في حلم عريس نسرين نفس القصه مش مصدق وبدت طبعا قصة نسرين حديث الناس وكيف ماتت في يوم حفلتها
قصي:ههههه ريتها تي والله لبستها تقول جايه من صدى الملاعب
بسام:😂😂
قصي:شني هادم عرسهم متمش؟؟
بسام:ع نسرين تقصد
قصي:اي النم الخيمه ليها قرن شكلهم مصدقو افتكو منها
بسام:تي توفت يا راجل عرس شنو تحكي عليه
قصي:😳😳تسهوك
بسام:اقسم بالله زي منحكيلك توفت يوم عرسها خوتها نزبطهم بشير وخالد وحمزه
قصي:شنو سبب وفاتها؟
بسام:كل واحد يقول في كلام واحد يقول نتحرت واحد يقول ازمه قلبيه وماشيه والله شكلها نتحرت ع خاطرك يا قصي
قصي:مصدوم هه تي لالا عاد مش لهدرجه
بسام:هي خلي ننزل انا نتلاقو غضوا اخطم عليا بكري
قصي:تمام ....حطيت بسام في حوشهم ومشيت درست ع البحر وانا مش مصدددق يلي قاعد يصير فتحت ماسنجر وسمعت التسجيل 💔💔وجعتني بس انا مضربتهاش ع يدها وقتلها اقتلي روحك انا مدخليش فيها حذفت التسجيل وروحت للحوش وخليت روحي عادي جدا
بعد مرور شهر:-
في الكفيتيريا تبع الجامعه
قصي:ترا قهوا يا صليح
صلاح:تمام
نور:قهوه وبريوش لو سمحت 😊
صلاح:حاضر
قصي:قعد يشوف لي نور من فوق لا لوطه
صلاح:تفضل قصي
قصي:منوور ...وقعد واقف يستنا في بسام
صلاح:تفضلي حسابك 8جني
نور:فتحت شنطتها بس ملقتش فلوسها كاملات ...😰خوي الغي البريوش بناخد قهوا بس
قصي:يشوف فيها
صلاح:توا جايه تقولي الغي النم مدايره ع خاطرك تي شنو الناس هيا ...ويلي في الكافيتيريا كلهم قعدو يشبحو لي نور
نور: ارتبكت وتحشمت حستهاا في كبدها 💔💔خذت القهوا وطلعت ودموعها في عيونها طلعت قعمزت ع كرسي وتبكي بعد شوي حست بي حد قعمز جنبها
نور:رفعت عيونها وكانت تبكي
قصي:تبارك الله 😳😳😳...عيونها كباااار ولونهم مفهمتش ازرق ولا اخضر ورموشها تبارك الرحمن
نور:منو انت
قصي:تفضلي نسيتي البريوش جبتهولك
نور:بس انا مشريتاش
قصي:به انا عطيتهولك هديه
نور:لالا صحيت بارك الله فيك
قصي:لا هادي هديه ولازم تقبليها حتا الرسول قبلها الهديه كيف انتي متقبليهاش
نور:اوكي صحيت ❤️
قصي:سلمك انتي من الدفعه الجديده
نور:اي
قصي:شنو تخصصك
نور:تقنيه طبيه
قصي:اهااا به كويس زيني صار
نور:😊😊
قصي:سنو اسمك
نور😊
وانا قصي
نور:عاشت الاسامي توا لازم نمشي شكرا ع كل شي
قصي:ولا يهمك نور نتلاقو
نور:سلام
انا اسمي نور من طرابلس مواليد93انا من عائله فقيره ووحيدت امي وبوي طبعا نخدم ونقرا لان مفيش حد يصرف ع قرايتي امي تخدم في مصنع مكرونه بس بابا مقعد ليه توا 4سنين مواصفاتي قمحيه وطولي متوسط عيوني كبار لونهم بين الاخضر والازرق طبعا بابا اسمر شوي وماما بيضه وعيونها ملونات وانا جيت خليط 😂....يتبع
