كما تدين تدان الحلقه 5
جي شرطي من وراء الولد وشد يد الولد يلي فيها السلاح وقعد الولد يقاوم لحد ما طلعت طلقه
طاحت نور وطاح فوقها الولد والناس يلي في الكليه كلللها هربت وتعيط
قصي:نووووور....ومشالها يجري والشرطه إلتمت عليهم
جي قصي قام الولد وجو الشرطه رفعوه لان الولد كان مصاب
قصي:يشوف في الدم ع بطن نور
قصي:نوور نور انتي معاي
نور:اه معاك مفيا شي
قصي:خليك متتحركيش لين تجي الاسعاف
الشرطي:تحسي بي حاجه يا بنتي انتي مصابه ؟!
نور:لا مفيا شي الحمد الله
الشرطي:شد يد نور ونوضها من ع الارض ...تفضلي معانا ع التحقيق
نور:بس انا مدخلي في شي 😰
الشرطي:عارف بس لازم ناخدو افادتك
نور:اااها
قصي:تمام نحنا جايين وراكم هيا نور
الشرطي:حضرتك منو؟
قصي:خطيبها
نور:😨
الشرطي:تمام بس متعطلوش
قصي:حاضر
نور:ركبت مع قصي وانا مش مصدقه يلي صاار
قصي:ركب السياره ...ها شنو تحسي في روحك
نور:الحمد الله بخير
قصي:توا نمشو للمركز بعدين ساهل
روايات بنووتة الشيخ
الشرطي:يعني انتي مليكش اي علاق بيه
نور:رلا نعرفه اصلا
الشرطي:تمام تقدري تتفضلي والحمد الله ع سلامتك
نور:سلمك ...وطلعت
قصي:هي تعالي
نور:لا عادي نروح بروحي صحيت نبيش نتاعبك اكتر من هكي
قصي:شنو تقولي انتي مفيش تعب في الموضوع يلا تعالي
نور:في سرها افهم ياحمار نبيش نتعلق بيك ...ركبت في السياره وقلبي بيطلع مني خايفه حد يشوفي
في الطريق:-
قصي:لازم اديري بالك ع روحك كووويس يعني تخيلي صارلك شي اليوم
نور:الحمد الله اني طلعت منها بخير
قصي:ديري بالك يا مشفشفه
نور:وين ماشي انت مش طريق حوشنا هاذا
قصي:اي بنرفعك لي محل صاحبي تغيري حوايجك وبعدين لمطعم صاحبي التاني تتغدي وتنسي يلي صار ونروح بيك
نور:بس كيف هكي يشوفني حد وانت عارف ان .....
قصي:عارف عارف اسكتي وخلي كل شي علياا
نور:به ...وقعدت ساكته واااك عليا نشوف فيه كيف محلاه يسوق وشعره يقتتل والسياره كلها ريحته
قصي:الووو
بسام:نعم
قصي:من فيه في محل انور
بسام:تلقا السكالي معكس علاش
قصي:تمام طير مش وقتك
امجد((السكالي)):الووو
قصي:وين
امجد:في المحل
امجد:تواااا توا تطلع تصكر المحل لا النص جايب معاي زبون ومنبي حد يخش للمحل ويشوفه
امجد:ههههه شنو امالا جايب معاك حاجه حلوه معنديش سرير في محلي ره
قصي:سكاالي بلا خرا دير يلي نقولك عليك
امجد:تم برو مدور شي
قصي:خيرك ساكته
نور:ولا شي شنو بنقول 😂
قصي:ههههه به يا ختشه به وهااادا المحل استني لين نفتحلك الباب ...نزل قصي واستنا لين محدش جنب المحل ونزل نور
