غرام الغيث

البارت الرابع

مساء الخير
غرام الغيث                (للكاتبة البياتية )
البارت الرابع

غرام
..  رحت بدلت لبست برمودة قصيرة   لونها دم الغزال 
حميت الصاج بلكباسة
وصبيت المقبلات  وحطيت اللبن
كملت الصاج و قطعتا
صحت الولد  اجوي بلشنة ندغدة وكيان يحجيلنة على سفرتة
واحنة كل واحد يحجي  عن يومة

كملنة غدة ولميت المواعين وعزلت الميز
صاحني كنان رحتلة

غرام .. ها كناني رايد شي
كنان .. غرام هاية الاشياء الي ردتيهن
غرام .. ياا والله نسيتهن مشكور تعبتك
كنان .. لج غبية تعبج راحة
غرام.. يعني غبية وتعبج راحة اثبت على شي
كنان .. يلة ولي اريد انطمر
غرام .. اولا لتكول ولي  ثانيا كول انام مو انطمر
كنان .. ي ي بس روحي
غرام .. راح اروح وانتة حاجي الحب براحتك
راح اروح وبراحتك اتغزل
كنان .. ولج وشمر الكوشة
غرام .. شلت الكوشة ورجعتها علي  باي يحلوو

رحت الغرفتي فتحت السبلت
حتة تبرد الغرفة وانجطلت بفراشي ولزمت الفون اكلب بي
اتصلت علية انس مكالمة جماعية سولفت وية البنات شوية ونمت

كعدت الساعة بالاربعة كمت بدلت
لبست   جينز اسود مشكك و قميص فيروزي ابو اللفة من الصدر
و شوز رياضى حليبي
وشال جرجيت حليبي و جنطة سودة

كيان وكنان متحضرين  
كيان لابس جينز حبري وتشيرت تسود
و شوز اسود نضاراتة ميستغني عنهن والسلاح بخصرة

كنان  لابس جينز اسود وتشيرت اصفر و
شوز اسود وحافاتة اصفر والنضارات 
طلعنة ركبنة بسيارة كيان
رحنة لبيت جدوو 

وصلنة   الكل مجتمعين
صار الوقت اعرفكم على عمامي
عندي سبع عمام
يي لتنصدمون
سبعة بعين العدوو
اول واحد عموو جواد عمي الجبير
عندة اربع ولد وبنتين
الولد اياد  عمرة 32  متزوج  ضابط
ومرتة اسمها حلا عندة ولد واحد  عمرر

والثاني  خالد  عمرة 30  خاطب  مهندس معماري
خطيبتة حلووة  وحبابة
اسمها سما  

الثالث  جياد  هذا ضلعي  عمرة 27 
شقاوجي وعندة الدنية ضحك
حديقة  بس بالاحداث الجاية  يعشك الاخ
وينجرح  ( هو هذا الحب بس شلعان كلب    نصيحة من الكاتبة  الى  استاذ جيادد😂😂)
الاخ جياد صيدلاني

الرابع   هذا بزر الكعدة مال العائلة
جلال عمرة 18 سنة  سادس اعدادي
المدلل

اما البنات
الجبيرة نور  عمره33  متزوجة
وعدهاا مشعوذين

والثانية  رهف  تدرس هندسة ميكانيك
ضمن مجموعتنة (  للنميمة والغيبة )

عمي الثاني  مجيد عندة  ولد ثنين
عمر وعمار

عمر عمرة  29  ضابط كارة جنس جواء
     (بس طبعا مو احنة 😂😂)

   عمار  عمرة 26  دكتور
    (   كذلك ضمن شلتنة الشبابية 😏😏)

الابن الثالث هو بابا

عمي الرابع عمو  سليم

عندة  3  بنات

منسة  الجبيرة والهادئة الخجولة عمرة 25
صيدلانية

ودق  الثانية  الجريئة   عمره 23
تحليلات

امااا الاخيرة وبزر الكعدة  رحمة  عمرة 18
هية وجلال اصغر اثنين
واعتقد مكبلين  بعد ما ادري

عمي الخامس عمو  مقداد عندة  

احمد عمرة 24 
محامي

و شوك  عمرها 21 
.  تدرس  لغات

ويبقون ضلوعتي الاثنين عمامي
عماد و  فؤاد
عمرهم 32    ضباط استخبارات
ما مزوجين ولا مكبلين

بنات اسفة و الله البارت  قصير بس البارحة واليوم الكهرباء  مكطوعة  قبل شوية اجت كوة كتبت لان البارحة شحن الفون قليل خفت  ينغلق
ويروح البارت

انشاء الله باجر اعوضكم

وصدك اشكركم من كل كلبي  كثرانة المتابعات
والتصويتات بعد ما اوقف القصة

😄😄😀😀

باييي