هلوز شلونكم
مريم❤
اني مريم عمري ٣٣ سنه
من جان عمري ١٥ سنه احب اغني وصوتي حلو
شاركت بنشاطات تلفزيونية
ونجحت وفزت بسفرة للبنان
ورحت وقدمت اداء حلو
ورجعت فطلبوني شركات وحفلات
وتصوير وذاع صيتي بالعراق
حته تركت المدرسة وبلشت ادرس موسيقى دراسة خاصة والحمد لله نجحت وتوفقت وكل هذا
حققته بدعم اهلي
بابا دائما جان يشجعني وماما هم
بابا كلش متفاهم اما ماما مو كلش
يعني نوعا ما قاسية تحبني بس تشد علية علمود اكون قوية دائما
المهم من صار عمري ٢٥ سنه بالتحديد انتقلت
للعيش باربيل بحكم شغلي واهلي ابغداد بقوا
عندي اثنين اخوان
واخت وحدة
قليل اتواصل ويه اهلي صرت لان طول الوقت شغل
وملتهية ومالحق على اي شي كلها ركض بركض
تعودت اتحمل مسؤلية نفسي رغم شي صعب كلش بس اني سباعية
إلياس
هلو اني الياس عمري ٣٧ سنه
اني قصتي قصة تزوجت عمري ١٩ سنه
وعندي ثنين اولاد بينار وئالان
اني كردي من شمال العراق
بس من اول سنه تزوجت بلشت مشاكل وية زوجتي وكل يوم تزيد المشاكل بسبب
الغيرة والمقارنه والحجي الزايد
المراة طلعت تختلف عن ما جنت اتوقع
مع العلم هم من بيئتي وهم كردية مثلي مع هذا
متفاهمنه
اني كلش هادئ وهي كلش هوسة
المهم ثنينا اطباعنا عكس بعض
من اني صغير احب اعزف واتعلمت وحققت طموحي
بهذا المجال بعد تعب سنين
المهم شغلت نفسي بشغلي وحفلاتي
والتهيت حته ابتعد عن زوجتي الي ماتهنيت وياها بزواجي والمشكلة انه صار عدنه اطفال
بقيت اتهرب من البيت بحجة الشغل والاصدقاء
وبعدين تطور شغلي وكمت اسافر محافظات ودول
وبداخل القصة راح تعرفون تفاصيل اكثر
وصنا مرحلة بقيت سنتين مسافر بين عمان ولبنان
وسوريا وهجرت زوجتي لان مكمت اطيقها
وفجأة صار شغل ورجعت للعراق
وصارت حفلة بسليمانية عيد راس السنه
أنت تقرأ
هارموني قلبين
Romanceقصة واقعية تتحدث عن بنت كانت تعمل مطربة وتتزوج شخص موسيقي وعازف تابعوا القصة وراح تعرفون اكثر احداث وتفاصيل القصة صارت بالعراق الاحداث مابين بغداد واربيل وتركيا
