نخلو الابطال يحكيو شويا بزايد عليا انا😂😂
ايمان تحكي:
نكرهو منحملوش و جامي رح يجي نهار نحبو اصلا شهرين و نرجع لدارنا هذا اصلا اذا قبلوني و ميحسبونيش هربت ربي يجيبهالك يا وجه الزبل
سييت الڨنادر لي جابهم يفتقو و جاوني قدقد حطيتهم في الخزانة و شفت هاذوك لي شورت كنت نتمنا نلبسهم زربت قفلت الباب بالمفتاح رحت عملت دوش رجعت نفحفح بريحة الفريز و لبست وحدة جاتني تفتق احم احم نشكر في روحي
شيحت شعري و خليتو مسيب دخلت في الفراش نرقد اما عطشت بغيت نشرب و خفت يكون الوحش برا و يشوفني بلا خيمار شفت الساعة لقيتها 2 مستحيل يكون نايض و غدوة يخدم لبست شلاكتي هبطت على طراف صباعي رحت شربت و كليت شوي قعدت في الصالون نتفرج زمان جاني سطر في كرشي تفكرت مدام غوج وقتها جاتني البكية ملقيتش وش ندير عييت نمشي لحقت للدوش (منين ندور نلقا دوش 😂) دخلت ملقيت والو قعدت و بقيت نأن شي من الوجيعة و شي من زهري بقيت غير نبكي
امير يحكي
خلصت الخدمة لقيتها 2 تاع الليل عملت دوش تكيت و تفكرت هذيك الفرخة شتعمل زعمة تكون رقدت أكيد ش رح تعمل في هذا الوقت هبط للكوزينة شربت و زمان سمعت صوت بكا من الدوش لي جنب الصالون حليتو بلعقل تصدمت من المنظر السخانة طلعت كانت قاعدة و حاكمة رجليها لابسة شورت و رجليها باينين بويض يشهو و شعرها الاكحل طايح على وجها خرجت بومبة فيقتني من سرحتي كي زاد صوتها خفت عليها رحت عندها وقت شافتني تفجعت وقاتلي بصوت مبحوح :شتعمل هنا روح خليني و دز فيا حكمتها من كتفها قتلها مش وقتو دك اني راجلك شبيك فهمني
نشوف فيها حاشمة على لخر و خايفة و درت لقيت قدامها دم عرفت لي جاتها العادة قتلها شبيك حاجة نورمال علاه حاشمة هك قوم معايا نديك لشمبرتك بدل البس حاجة دفيك و اهبط نعملك تيزانة دارتلي براسها باهي راحت و بقيت نثبت معاها وش لابسة كانت بالحق تهبل مع شعرها لي يلحق لظهرها و هاديك البيجامة زادت فيها نص الفرخة شعلتلي ناري
ايمان تحكي
كنت نبكي في الدوش جا هو خفت و حشمت كي شافني هكاك سألني وش بيا جبدتو عليا انا شد فيا شاف الدم قدامي و نا يا ارض انشقي و ابلعيني قالي روح لشمبرتك بدل البس حاجة دفيك نعملك تيزانة الحق شوكاني طلعت بسيف لبست بيجامة تاع شتا روز بيبي و لميت شعري و هبطت لقيتو عملي تيزانة شوكاتني افعالو بالحق قعدت شربتها بسيف تحت تهديداتو عطاني لي بوند مجيت نديها معندو بسيف قالي لي منحشمش انا مرتو و نورمال حاجة تاع ربي ديتها طلعت درتها فحفحت روحي بالروايح تمديت اما السطر عامل عمايلو مقدرتش زمان نسمع الباب تحل جا زربت شفت فيه قتلو شبغيت قدم عندي وقعد قالي عمبالي المرا في هذ الفترة تبغي الدفا جبدني عندو تكا و تكاني جمبو حط يدو على كرشي حكمتني رعشة حط رجليه بين رجليا جيت نحكي سكتي ببوسة على رقبتبي تشوكيت قالي تزيدي كلمة نزيدلك وحدة حبست وقالي حبسي ماترعشي مدرت والو حشمني السخطة بدات تديني عيني رقدت
أنت تقرأ
بَريِئَةٌ غَيَرَتْ حَياَتيِ||Innocent changed my life||
Paranormalإيٰمان الفتاة الجميلة ذات المشاعر الرقيقة والمحبة للخير، والتي تعيش مع عائلتها بشكل طبيعي الى ان تلتقي به ،أمير صاحب القلب المظلم ،والذي لايعرف ماهو الحب ،فتتقاطع طرقهما معا لتبدأ قصة حب إثنان من الناس اللذان من المستحيل ان يلتقيا جنبا الى جنب في هذ...
