هدية الشيخ حسين

البارت الثاني

هلاوو شلونكم يلا نبدي البارت
💝💝💝💝💝💝💝💝💝💝
دارين:بعد ما قررو الكعدة تصير يوم الثلاثاء يعني عكب باجر  جنت افكر وكاعدة بغرفتي اجة علي كلي كومي تعشي كتلة اجيت ونزلت وكلت هللوو

بابا :هلة بحبيت كلبي

ماما :نحن هناا ابو امير 😡😡

بابا :بس لا تغارين من دارين 😂😂

دارين :فديت الي تغار 😅😅

بابا :يلة اكلو بلا صوت

دارين : كمنة ناكل بدون صوت كملنة اكل اني رحت اغسل المواعين  وهمة راح كل واحد لغرفتة كمات المواعين مسحت المطبخ وكنست البيت يعني خلصت شغل اابيت بل ليل وصعد لغرفتي طبيت سبحت و نمت ع الجرباية كمت افكر بلي راح يصير وخايفة و مادري شوكت غفيت  اجت  ماما الصبح مامة تكعدني

ماما :يلة ماما حبيبتي راح يروح الدوام عليج

دارين:ما اروح مابية حيل والله كلشي ما عندي اليوم

ماما:اوك ع راحتج

دارين :رجعت نمت وكعدت الساعة 12 ومر روتين عادي وباجر يوم الكعدة 

££££££££££££££££££££££
نروح لبطلنة 😉😉

حسين :بعد ما خابرني ابو ابو امير رحت للبيت و تعشيت وصعدت سبحت  و كذلك عرك اني وفاطمة علي يبجي وهية لازمة تليفونة يارب شوكت تحس بابنها المهم بعد العرك يلة عافت  التليفون وراح العلي وبعدهة ضليت افكر بل كعدة وما ادري شوكت غفيت 😴😴 كعدت الساعة 7:30  ومر يومي عادي بين الديوان والبيت

دارين : يوم الكعدة كعدت من الصبح لانو حتصير الكعدة بل بيت مالتنة نضفت الديوان ومسحتة وعطرتة و طلعت وبعدين اجة شيخ عشيرتنة الي هوة (بطلنة ) واجو الناس وكامو شي تصيح ع شي وبعدني ورة ثلاث ساعات انحلت المشكلة انو اهل الولد ينطون مبلغ النة لانو همة تحارشو بينة وهمات دكونة

حسين :اليوم كعدة مال  ابو امير كعدت من النوم رحت سبحت ولبست واتجهت لبغداد ودخلنة ع بيت ابو امير الساعة 11الصبح وبعدين اجو اهل الولد والي صار فوك 👆 ونحلت راحو اهل الولد

ابو امير :ابو علي اني عندي هدية الك وانشالله ما ترفضهة

حسين : لا انشالله ما ارفضهة ما عاش الي يرفض هديتك ابو امير اني الهدية والله

ابو امير :راح انطيك وحيدتي انشالله ما ترفض بنتي دارين هدية الك

حسين :ابو امير خلاني بموقف كلش محرج ما عرفت شنو اكلة بس قبلت  كتلة ابو امير انشالله الاسبوع الجاي اني اجيك طالبهة ع سنة الله ورسولة

ابو امير :انشالله ابو علي ع راحتك

حسين : يلة ابو امير احنة نترخص

ابو امير :ابو علي خليك اليوم عدنة

حسين :والله يا ابو امير ما اكدر لازم اروح للبيت ما اكدر اعزفهم وحدهم ولازم احضر للمشية يلة مع السلامة ابو امير

ابو امير :الله وياك ابو علي توصل بل السلامة

حسين :طلعت من بيت ابو امير وركبت بل سيارة واتجهت للناصرية ورة ساعتين يلة وصلت دخلت للبيت لكيت امي و لمى السلام عليكم شلونج يمة

ام حسين :وعليكم السلام هلة يمة شلونك يبعد بيتي

لمى :هلة حسين شلونك خوية و حضنتة

حسين :بخير يمة حضر نفسكم الاسبوع الجاي خطبتي

ام حسين :صدك يمة كللووشش بل عافية يمة

حسين :شبيج يمة قابل اول مرة ازوج

ام حسين : لا يمة بس غير افرحلك  بس من هاي جنتي الجديدة

حسين :يمة بت ابو امير

ام حسين :هذا  الي اليوم رحت للكعدة مالتة

حسين :اي يمة هداني بنتة خلاني بموقف محرج ما كدرت اكلة لا

ام حسين :انشالله تطلع احسن من هاي الي عندك كلشي ما تسويلك

حسين :انشالله يلة يمة اني اترخص اريد اسبح وانام تعبان

ام حسين :مرخوص يمة
¶¶¶¶¶¶¶¶¶¶¶¶¶¶¶¶¶¶¶¶¶

دارين :بعد ما راحة وخلصت المشكلة اجة بابا كلي بابا ;دارين تعاي احجي وياج ولا تقاطعيني

دارين :انشالله بابا

ابو دارين :بابا اني هديتج للشيخ 

دارين : مثل الواحد و ضربو مية راشدي بدموع 😭😭 بابا انتة شلون انطيتني الة
ما اريد اتزوج

ابو دارين :بابا حبيبتي انطيتج لزينت الزلم والله هو خوش رجال وناس كلهة تحبة بنيتي اربد مصلحتج واني ما دايملج حبيبتي لا تكسيرين خاطري الاسبوع الجاي المشية

دارين :هاهية بابا الي تشوفة هو الصح يلة باي اني نعست ولازم انام صعدت لفرفتي ودموعي كامن ينزلن عبالك شلال ليش هيج ياربي فدوة اروحلك اريدك ادليني ع الطريق الصح كمت تزضيت واجيت صليت و كمات و قريت قران شوية ارتاحيت وتمددت ع الجرباية وكمت افكر بل مستقبل مالتي تعبت من التفكير ونمت 😴😴

ولهنا ينهي البارت اتمنة عجبكم ولاتنسون التصويت اهم شي
وتابعو الصفحة مالتي
واهم شي التعليقات مالتكم اليوم البارت 663 كلمة يلة باي احبكم كومة كومة 😗😘😗😘😗😗😘😍😍😍😍