ترتيل الصخر

البارت السابع

# ترتيل الصخر

#ليان سعيد

حسيت احد كض ايدي

التفتت جان شفته كاض ايدي
اتفاجأت اشلون يتجرأ
صحيح انه خجوله وهادئه عكس اختي نهئ
بس اذا احد عاول يتعرضلي لا ما اسكت

خزرته و

نترتت ايدي منه حيل
وحجيت اشلون اتكض ايدي ها واحس
شفته عكد حاجيه ومبين عصب
وحجه
هذه موبايلج نسيتي
شبيج ايكول متحارش بيج
ترت ماميت اكض ايدج انه

احس وجهي صار احمر من الفشله
عافني ومشه
رحت بسرعه طلعت من بيتهم
وصلت البيتنه دخلت الغرفتي وانه ادردم
هسه انه شبيه اكلت الولد حاصل فاصل
والله عيب

باجر لازم اعتذر منه
بس هوه ليش كض ايدي جان يكدر ايكول معقوله متعمد

اوووو هسه خي ولي
اشويه ودخلت نهى
كالت اشبيج وجهج احمر
حجيت اله كلشي
كالت
عليمن تعتذرين مايستاهلون نعتذر منهم
خلت وطلعت
هيه حيل اتضوج من عمامي
هيه وترتيل
لان عافونه
بس همه جانو ازغاز يعني شيسوون غير ويه اهلهم
اوووف

ترتيل
رحت لدوامي مثل كل يوم شغل وتعب
رجعت للبيت الضهر
رحت اتغديت وسبحت ونمت كعدت باليل ب٧ونص

رحت اتعشيت انه وبوي ونهى وسهئ
حجه ابوي
كال ترتيل الليله عدنه كعده ناس جاين من ابعيد
حجيت
هذه هو بويه
ابدل ملابسي واجي انروح
خلصنه عشه
صعدت لغرفتي بدلت ملابسي ونزلت
رحنه انه وابوي للديوان

سلمنه عليهم جانو هواي معكلين وشباب
كعدنه انه وابوي
الناس تعرفنه انو وبوي وتعرف حنكته وكمتنه بهاي
الامور ف اجو علينه
حجه ابوي
اتفضو
حجه واحد من الطرفين
شيخ جاسم احنه ما ترضه اله الدم بالدم انريد كتاب ابنه
ابنه ازغيرون شني عمره ١٣ سنه يندعم بالسياره
حجه الطرف الثاني
والله ابي مجان متقصد ابنكم اجه يركض ع الشارع العام واندعم هذه قضاء الله وانه رجال مريض ماعندي غير هذه الوليد عله خمس بنات وهوه ايكد عليهن
انه اترجاك شيخ جاسم الكالي حل مالي من بعد الله غيرك
حجوه اهل الولد الميت احنه انريد دمه

التف اليه ابوي
وبعيونه ايكلي ها ترتيل

انه اسمعهم واحاول الكالي حل
حجه ابوي
تره هوه الساب مانه متقصد يدكم ابنكم بالسياره وهوه حادث وصار وهذه قضاء رب العالمين

حجين من رحصتم
اريد احجي شي
انتم تعرفون انو الشاب مجان متقصد يكتل ابنكم

حجه واحد منهم جاخوش ابدال دمه انريد فصليه
حجه ابو الشاب
والله معندي هنه ازغار بناتي كلهن اكبر وحده عمره ١٣
شنو ذنبهه اتروح فصليه بعدهي طفله الله يخليكم
حجه واحد من اهل الولد
لو فصليه لو ١٠٠ مليون

انه عصبت بس مبينت لان حرام البنيه اتروح فصليه و100مليون اهواي وهو مبين ماعنده عله كد حاله ومريض
حجيت
صلو عله النبي
اللهم صلي علئ نمحمد وال محمد
سالفه الفصليه شيلوهه
والفلوس هواي خلوهن 50مليون حته يكدر يدبرهن
وانتم اتعرفوه هوه فقير وماعنده بس هل ولد معيش عائله وابو رجال مريض

بعد حجي وياهم وافقو
وخلصت الكعده
التفت اليه ابوي وعله وجهه نضره افتخار
انو رباه وتعبه ما ضاع بنتهه
جان بالكعده كاعد عمي رافد وبس معصب ويخوزر
جنه مراضي عله كعدتي هنا
اتشكر من عدنه ابو الشاب وجه عليه
كال بويه مشكوره لولاج جان راح وليدي
عاشت تربيت ابوج
كتله لاعمي لاتشكرني هذه واجبي
سلمو وراحو

اجه عمي رافد صوبنه
كال
جاسم انته اشلون اتخلي ترتيل هنا
هيه مره
ومكانه بالمطبخ
عصبت من حجيه
حجه ابوي

ومنو كلك بنتي ماتعرف بالمطبخ بنتي علمته كلشي
وهيه ترتبت ديوان من هيه وزغيره

عفتهم وطلعت من زغري عمي رافد هيج مايحبي
وصلت لغرفتي نمت للصبح جان يوم متعب اهواي

مضى تقريبا شهر
عله حياتي عادي كله كاضيته بين المستشفئ والديوان وكيعان ابوي
احتي سهى جانت اتروح العمامي علمود ايدرسه قاسم بس مره مارحت للمستشفى
ومن اجت جان وجهه احمر
سألته كالت مابيه شي

وهذه الرجال الي شفته يم الشط بعد مابين

كعدت اليوم الصبح

مثل كل يوم
بدلت ملابس الدوام لبست بنطرون كابوي وقميص طويل يوصل للركبه
نزلت جوه
كعدنه نتريكت
ابوي حجه
بويه اليوم عمامج مسوين عزيمه
بمناسبه رجوع صخر
احس انعصر كلبي
صخر بعد كل هل اسنين
ترتيل لاتهتمين صخر مات بالنسبه الج ماتت

حجه ابوي
صاله شهر بالسفر عنده مهمه واليوم رجع
وانتي لازم نجين انتي وخواتج
حجيت
مع اني مااريد اروح
بس ما اكدر اعترض ع كلام ابوي
كتله هذهو بويه
عفيه عليج بنتي
طلعت للدوام

سهى
من بعد الموقف المحرج الي صار بيني وبين قاسم
قررت اعتذر منه
مهمه ايكون هوه ابن عمي
ثاني يوم
رحت الهم دكيت الباب طلعت اخته جنه
كلش حبابه سلمت عليه وكالت دخلي هسه اصيحلج قاسم
دخلت كعدت بلاستقبال
اشويه واجت كالت ايكول قاسم خل تجي للغرفه
اندرسه هناك
كتله اوك
دلتني عله غرفته كالت انه رايحه
راحت وانه دخلت لغرفته
جانت حلوه تركيه لونه كريمي
ضليته اباوعله َ
انتبهت عليه كاعد عله جربايه وصافن عليه
دنكت خجلت هوه كال
كربي رحت كعدت يمه عله الجربايه كال فتحي كتابج خل نبدي فتحت الكتاب وكام يدرسني جان مركز يشرح
رفعت شوفي انتبهت عليه كلش حلوو شكله
شعره جوزي
ولحيته محدده وشكره اعيونه عسلي فاتح جسمه مبين رياضي معضل وطويل شكله كلش مرتب
رفع اعيونه باوعلي صفن بعيوني

نزلت اعيوني بسرعه رجع يشرح خلص كال فا فهمتي كتله هاا اي فهمت
بكلبي هوه والواحد ايعاين عله الكتاب لو عله الجكليته الجدامه
يا ولج سهى صاير متستحين عيب هههه
كلي ها وين صفنتي
كتله ها لا هيج
المهم انه حبيت اعتذر منك عله سالفه امسج مجان لازم احجي هيج كال
مصار شي
عفته ومشيت رجعت لبيتنه
مر شهر كامل وهوه ايدرسني جان كلش محترم وياي بس تراه ماعرف إفسرهه من بعدين عليه
ًالى أن اجه آخر يوم
وخلصت الماده كله
كال هسه خلصت الماده كله وانه ريد اكمل رساله الماستر مالتي
كتله اي خلصت الحمد لله
ردت اطلع جان يكمش ايدي ويسحبني إله جيمي طخ بصدره دكان كلبي زادت اجي وجب كب نار من الخجل
مد ايده عله حصري وكمشني

كال سهى اااانه كبل ميكمل كلامه
صحت بيه ميل عني شبيك
ها ماتستحي ماعندك غيره انه مو عرضك اشلون اتكضني هيج
حسين عصب حيل اعيونه صارت حمر
وووو
مع السلامه لاتنسون التصويت فدوه