ترتيل الصخر

البارت الخامس

ترتيل الصخر
.. ليان سعيد
حسيت بالسلاح عله راسي
وشخص حجه
جان صوته بيه بحه رجوليه
كال
نزل سلاحك يله و
منو انته وشعدك هنا ها
جان موجهه السلاح ع راسي من وره
ماحجيت شي ضليت ساكته
جر السلاح من عندي وكال دور وجههك يله
درت وجهي عليه مجان طالع من وجهي شي غير عيوني
جان شخص ضخم الجسم وطويل
اعيونه حاده وبيعه غضب اول مره اشوف هيج شي حسيت اني اعرف هاي العيون
صفت بعيونه رجعني من صفنتي وهو يحاول ينزع اللثام من وجهي دفعته بقوه وركضت صوب البستان
لحكتي جرني من ايدي ضربته عله بطنه بلايد الثانيه
بس بدون فايده
جن ضربتي ولا اثرت بيه

اباوع لعيونه حمر من العصبيه والغضب
صحت بيه عوفني شتريد مني
ومنو سمحلك تدخل هنا ها
بحركه سريعه جرني عليه ولو اديه وره ضهري حيل
اتأذيت
جان كاض اديه بيد وحد والايد الثانيه
حطه عله لثامي لحاطته عله وجهي ميله عن وجهي
صفن بوجهي وتحولت نضرته من العصبيه لشي ثاني
مع انو ماكو ضوه بس ضوه القمر
حجه
منو انتي وشتسوين هنا وشعدج شايله اسلاح ها
حاول اسحب اديه منه بس بدون فايده جان جسمه ضخم ضعت جواه
عاينت بوجه ورفعه حاجبي وحجيت
وانته شلك دخل
منو انته
حته تحجي وياي هيج
ومنو سمحلك تدخل كاع الشيخ جاسم
حسيت اعضام ايدي راح تتكسر
ماجان عندي غير حل رفسته عله بطنه برجلي حيل بسرعه ورجعت مره ثانيه ضوبته برجله
وركضت ع فرستي
صعدت عليه بسرعه
عفته وصلت للبيت ونزلت لكيت ابوي بالديوان رحت عليه وسلمت
حج ه ابوي ها بويه
كتله كلشي تم بويه
علمتهم درس ماينسوه
وبعد مستحيل ايفكرون ايعيدونه
حجه ابوي
عفيه عليج بويه ماخاب ضني بيج
ترباتك يبوي
عفت ابوي ومشيت رحت لغرفتي
دخلت سبحت ونشفت شعري لبست ملابس نوم
وذبيت روحي عله الفراش اخذني التفكير بيه وبعيونه هاي العيون شايفته احسهه مو غريبه عليه
بس منو هذه وشعده هنا ضل اسلاحي عنده
اوووف
جانت الافكار شاغله بالي الئ ان نمت

كعد الصبح ع صوت المنبهه
كمت بدلت وتوجهت للمستشفى
رحت كعدت بمكتبي

اشويه واجت الممرضه دكتوره بسرعه

طالبينج بالطوارئ
رحت بسرعه
لكيت امريه تبجي يم باب الطوارئ
شافتني واجتني  بسرعه وحجت
دكتوره فدوه اروحلج
ابتي والله ماعندي غيره بس هوه الله يخليج
ساعديه
حجيت
لاتخافين خاله
دخلت بسرعه
ولد شاب بعده
مسوي حادث مال سياره وعداخله كزازه قريبه للكليه
جان موقعه حرج
كتلهم حضرو للعمليات بسرعه وجهزولي دم للمريض
دخلت لغرفه العمليات
وره ساعات كملت العمليه الحمد لله وجانت ناجحه
طلعت من غرفه العمليات
لاكتني  امه
ها دكتوره ابني اشلونه
كتلهه الحمد لله اتجاوز مرحله الخطر جانت العمليه ناجحه
حضنتني المره وهيه تبجي
الله يخليج يمه مشكوره
كتله هذه واجبي خاله
عفته ورحت لغرفتي
دخلت حسيت نفسي كلش تعبانه وراسي حيطك
شويه ودخل دكتور عماد
حجيت بكلبي هيه جانت عايزه استغفر الله

حجه
عفيه عليج هم شيخه وهم دكتوره ناجحه

ماحجيت شي مالي خلكه
عفته وطلعه اخذت غراضي
ورحت لسيارتي
صعدت وسقتهه وصلت للبيت

اول مادخلت لكيت ابوي وخواتي كاعد يتغدون سلمت عليهم
وكعدت وياهم اكلت وصعدت لغرفتي سبحت وذبيت نفسي ع الجربايه ميته تعب
كعدت بالثمانيه باليل

كمت لبست تراك  ولفيت شعري كعكه جان كلش طويل يوصل لفخذي واسود

نزلت جوه لكيتهم محضرين الاكل وجاي يتعشون
سلمت عليهم

ردو السلام
كعدنه تنعشه

خلصنه كعدنه انه وابوي وخواتي
سمعت مرت عمج رافد متجاوزه عليج بالكلام
وانه تدري مو من عوايدج ما تاخذين حكج من احد

ماله داعي اتجادل ويه ناس ماتسوه
عفتهم ورحت لغرفتي بدلت ملابي واخذت لثامي ونزلت

رحت لفرستي لبوه صعدت عليهه
ورحت صوب البستان جات ادنيه ليل والهوه بارد
كلش حلو
ضليت هواي عله فرستي
وصلت للشط نزلت
كعدت ع الصخره ااي دايمن اكعد عليه
جنت دايمن اكعد واشكي تعبي يم الشط واحس براحهه كلش جبيره

غمضت اعيوني واخذتني ذكرياتي
لمره من جان عمري عشر سنوات
جنت توني طالعه من المدرسه واتأخر عليه اليوم
مجاني فكلت خلي اروح لوحدي  جان البيت قريت ع المدرسه

رحت جاي امشي واندعمت بولد مادري بيه ضل يصيح عليه
اشبيج وثول ما تشوفين

ضليت ابجي كتله شبيك مادري بيك
دفعني كلي
توخري
طحت بالكاع
وكبل لا اكوم
رفعت شوفي وشفت صخر نايم ع الولد ويكتل بيه
ويصيح عليه
وللك حقير اشلون تمد ايدك عليهه
اجو العالم وجروه منه بالكوه
كام وكف جرني من ايدي ويمشي بيه وعيونه حمر هاي عادته من ايعصب بسرعه ايصيرت حمر وهنه لونههن عسلي ايصيرن ايخوفن
تشويه وكف وصاح بيه ليش انه شنو كايلج مو كايل لا تطلعين
من باب المدرسه انه اجي واخذج  هااااا
اشلون بيج انتي تردين اتموتيني
ضليت ابجي حيل واشهك
فدوه صخر لا تزعل
والله اتأخرت عليه وخفت ابقه وادنيه حاره
جنت اشهك واجي شاف ضل ايعاين بوجهي اشويه وهدأ
يله كافي لا تبجين
وبعد يا ويلج اذا تجين لوحدج مفهوم
اااي مفهوم بعد والله ماطلع اله تجي انته
رجع بيه الوكت

اريد الخنكه تطلع من صدري

كلما احاول انسه بس مااكد مايطلع من بالي
ليش هيج سوه بيه
.
ليش عافني
ليش تركني انسانه بله روح
جنت
مغمضه اعيوني
اشويه وسمعه احد حجه

شتسوين هنا
انتي منو
درت وجهي
وجان........

مع السلامه
لا تنسون التصويت