وقفنا المره اللي فاتت ع أن مامت نور شافت المذاكرة بتاعتها وعرفت كل حاجه وقررت انها هتكلم محمد بس فكرت انها متعرفش رقمه بس قالت"لما نور تيجي هحاول أخد الفون منها واجيب رقمه واكلمه"
********************
نور: مي متزعليش منى علشان الطريقه اللي كلمتك بيها
مي: مش زعلانه منك بس انا خايفه عليكي مش أكتر.
نور: متخفيش انا كويسه
مي: امم ماشي، بس شكلك فيه حاجه؟
نور بحزن: إمبارح كلمت محمد بطريقه مش كويسه واتعصبت عليه وقفلنا مع بعض ولحد دلوقتي مكلمنيش ولا بعتلي حتي رساله واحده
مي: متزعليش لو بجد بيحبك زي ما أنتي بتقولي هيكلمك.
نور: يوه بقا علفكره محمد بيحبني
مي: ماشي، يلا أنا همشي
نور: وأنا كمان سلام
مي: سلام.
وذهبت كل منهما الي البيت.
********************
نور: السلام عليكم
مامت نور: وعليكم السلام، خلصتي دروسك؟
نور: اه خلصت
مامت نور: طيب ادخلي غيري هدومك وتعالي علشان تأكلي معانا
نور: حاضر
وذهبت نور الي غرفتها حتي تغير هدومها وبعدها تذهب حتي تأكل.
********************
ابو نور: عامله اي يـ نور؟
نور: تمام الحمدلله يـ بابا
ابو نور: والمذاكره؟
نور: كويسه الحمدلله
مامت نور: طب انا الحمدلله شبعت.
وذهبت الي غرفة نور ومسكت الفون ووجدت رقم محمد وسجلته ع هاتفها وخرجت بعدها من الغرفه قبل أن يأتي أحد ويعرف.
مامت نور لـ ابو نور: انا خارجه هروح اجيب شويه حاجات من تحت
ابو نور: طيب متتأخريش
مامت نور وهي تذهب: حاضر.
********************
مامت نور مسكت الفون ورنت ع محمد وانتظرت الرد وبعد ثواني جالها الرد.
محمد: الو
مامت نور: محمد معايا؟!
محمد باستغراب: ايوا مين حضرتك؟
مامت نور: انا مامت نور
محمد بصدمه: نور.!!
مامت نور: ايوا نور اي مش عارفها؟!
محمد: لا عارفها
مامت نور: طب اسمع الكلمتين اللي هقولهم دول
محمد: اتفضلي
مامت نور: تبعد عن نور واياك تكلمها تاني مفهوم
محمد بصدمه: بس أنا بحبها
مامت نور: لو والله وأنا المفروض اصدقك دلوقتي صح؟
محمد: بس أنا مش بكدب ع حضرتك أنا بجد بحب نور وعاوز اتقدم ليها
مامت نور: بدام بتحبها مجتش تتقدم ليها زي ما أنت بتقول ليه؟ اقولك أنا علشان أنت بس بتلعب وبعد شويه هتزهق وتبعد عنها.
محمد: مستحيل أعمل كده انا والله بحبها وعاوز اتقدم ليها بس أنا لسه في اولي جامعه وشغلي ع قدي وأكيد حضرتك مش هتوافقي دلوقتي
مامت نور: اه فقولت اكلمها من وراه اهلها صح؟
محمد: أنا طلبت من نور قبل كده أنها تجيب رقم حضرتك او رقم باباها بس هي كانت خايفه لـ تبعدوني عنها
مامت نور: اهو أنا عرفت وهبعدك عنها بجد بقا، بص يـ ابني انا مستعده اوفق أنك تيجي تتقدم دلوقتي ومش هقول لا ولا أنا ولا باباها اما كلام في التليفون من غير اي صله ده اللي ارفضه تماما مفهوم.
محمد: يعني؟
مامت نور: يعني أنت من دلوقتي تعمل لـ نور بلوك من كل حاجه ولا تكلمها حتي ولو عاوز تتقدم الباب مفتوح تعال واتقدم وساعتها يـ سيدي انا اللي هوافق تمام غير كده لا، ونور حسابها معايا بعدين
محمد: بس صدقيني أنا كنت بكلمها بس علشان أنا بحبها
مامت نور: بتحبها؟! اللي بيحب حد بيخاف عليه من أقل حاجه بس أنت مش بتخاف عليها عارف ليه لانك لو بتحبها مكنتش كلمتها من غير علاقه خطوبه او جواز، كده حرام أنت بـ ايدك هتدخلها النار وهتخلي ربنا غاضب عليها، لان حرام الكلام مع الشباب عموما هتقولي أحنا كلامنا عادى هقولك لا الكلام بيبدأ بـ ازيك واخبارك وبعدين هيطور شويه شويه ويبقا أنا بفرح لما أكلمك وشويه شويه هيكون أنا بحبك وكل ده بتأخدوا عليه ذنوب وأنتوا فاكرين أنه كلام عادي ادخل البيت من بابه واللي فيه الخير يقدمه ربنا.
محمد: حاضر والله بس ممكن طلب!؟
مامت نور: اتفضل
محمد: ممكن متعمليش حاجه مع نور صدقيني هي ملهاش ذنب
مامت نور: نور غلطت بس الغلط عليا وأكيد هكلمها براحه.
محمد: تمام شكرا.
وقفل محمد مع مامت نور.
********************
روحت مامت نور البيت ودخلت لـ نور الاوضه وقالتلها.
مامت نور: نور اي علاقتك بـ محمد.
نور بصدمه:...
يتبع..
