وقفنا المره اللي فاتت ع أن مامت نور قالت لـ نور اي علاقتك بـ محمد.
نور بصدمه: محمد... محمد مين؟!
مامت نور: مصممه أنك تكدبي عليا يعني؟
نور بتوتر وخوف: أكدب في اي؟ أنا مش فاهمه حاجه من اللي أنتي بتقوليها يـ ماما.
مامت نور بحنيه: أقعدي يـ نور عاوزه أتكلم معاكي شوية.
نور بخوف: حاضر.
وقعدت نور قدام مامتها.
وبدأت مامتها في الكلام.
مامت نور: بصي يـ نور أنا عرفت موضوع محمد ومتقوليش محمد مين، لأني قرأت الدفتر بتاعك وعرفت كل حاجه.. هو أنتي معتقده أن أنا مش بحبك.؟! ليه كده يـ نور هو أنا أه كنت بزعق فيكي بس كل ده علشان تكوني أحسن واحده بس اللي مكنتش أعرفه أني هخليكي تفكري أن أحنا مش بنحبك.
نور: لا يـ ماما أنا بحبكم والله بس كنت مفكره أن أنتوا اللي مش بتحبوني علشان يعني حضرتك كنتي عالطول بتزعقي ومش بتخليني أقعد معاكوا وكده.
مامت نور: أنا آسفة يروحي أني كنت بعملك كده، ها بقا قوليلي ليه عملتي كده؟!
نور بأسف: أنا بحبه يـ ماما، محمد جه في وقت أنا كنت تعبانه فيه وهو جه وبقا جمبي
مامت نور: يعني أفهم من كده أنك حبتيه علشان أهتمامه بس؟!
نور بسرعه: لا أنا بحبه هو، أنا بجد بحبه مش علشان أهتمامه بس لا بحب كل حاجه فيه.
مامت نور: بس أنتي مش عارفه أن ده غلط وحرام.
نور بحزن: عارفة بس مش بايدي أني أبعد عنه، مش هعرف، هتعب.
مامت نور: أنتي عاوزه راضي ربنا عنك ولا مش عاوزه؟!
نور: عاوزه طبعا هو فيه حد مش بيكون عاوز ربنا يرضي عنه.!
مامت نور: طب ازاي أنتي عاوزه وفي نفس الوقت بتعملي الغلط ده.!
نور: ربنا عارف اللي في قلبي وأكيد حاسس بيا.
مامت نور: ربنا عالم بـ قلوبنا وكل حاجه بس ليه أحنا نعمل الغلط ونقول أن ربنا عالم بـ قلوبنا.!!
مش خايفه من عقاب ربنا؟! مش خايفه أنك تدخلي النار؟
نور: بس ربنا غفور رحيم
مامت نور: ربنا غفور رحيم اه بس متنسيش برضوه أنه شديد العقاب.
بصي يـ نور أنتي لسه صغيره والوقت لسه قدامك كبير ليه تتعبي قلبك وتفكيرك من دلوقتي، ليه متصبريش لحد اما يجي الوقت المناسب.
نور: بس
مامت نور: مفيش بس أبدأ من دلوقتي أعملي ليه بلوك من كل حاجه ومتكلمهوش ولا تقوليله أنك هتبعدي لانك لو عملتي كده مش هتقدري تبعدي وهترجعي من الاول، ماشي يـ نور.
نور: حاضر يـ ماما.
ومسكت نور الفون وعملت بلوك لـ محمد من كل حاجه.
نور: أنا بحبك أووي يـ ماما.
مامت نور: وأنا كمان بحبك بس اوعديني انك متخبيش حاجه عني، تعالي قوليلي وأنا هتكلم معاكي براحه فيها.
نور بإبتسامة: حاضر يـ ماما.
مامت نور: طيب أنا هخرج وأنتي نامي بقا.. تصبحي ع خير.
نور: وأنتي من أهل الخير.
بعد خروج مامت نور قامت نور وصلت وفضلت تدعي ربنا أن يغفرلها وبعدها مسكت الدفتر وبدأت تكتب.
«ماما عرفت بس مكنتش متوقعه أنها تتكلم معايا كده، بس هي عندها حق في كل كلمه هي قالتها، صح أنا بحب محمد بس بحب ربنا أكتر منه وعاوزه رضي ربنا عني. »
********************
مي: نور مالك كده فيه اي بقالك يومين مش كويسة؟
نور: سبته
مي: وأنت عمله كل ده في نفسك علشان سبتيه؟!
نور: لا أنا فرحانة بـ الخطوه دي ومبسوطه أني بعدت علشان أرجع تاني لـ ربنا بس أنا كارهه نفسي اوي ومستحقره نفسي بعد كل اللي عملته ده، تعرفي بفتكره بس اول اما بفتكره بقعد أستغفر ربنا كتير واصلي وادعي أن ربنا أنه يجعله من نصيبي.
مي: طب ده كويس يروحي، وصدقيني ربنا هيجبر قلبك.
نور: متأكده من كده ومعنديش شك والله، بس خايفه لـ اضعف تاني وأكلمه.
مي: لا أنتي قويه وهتقدري تعدي كل ده، ومين عارف يـ ستي يمكن محمد يجي يتقدملك وتكونوا مع بعض بس في الحلال.
نور: تفتكري.!!
مي: خليكي واثقه، أنتي بعدتي عن حاجه بتحبيها علشان رضي ربنا عنك والجنه فأكيد ربنا هيعوضك خير.
نور: ان شاء الله، ربنا يديمك في حياتي يـ مي.
مي: ويديمك في حياتي روحي.
********************
عدي 4 سنين وحياه نور أتغيرت نهائي وبقت موظبه ع الصلاه والقرأن ووظبت ع قرأ صوره البقره يوميا لان صوره البقره ليها مفعول جميل.
********************
دخلت مامت نور عليها الغرفه.
مامت نور: عامله اى يـ حبيبتي؟
نور: الحمدلله يـ ماما
مامت نور: الحمدلله، مش ناويه بقا
نور بأستغراب: مش ناويه اي؟!
مامت نور: تفرحيني بيكي وتوافقي ع العرسان.
لا يأتي رد من نور.
مامت نور: لسه بتفكري فيه وبتحبيه.
نور: صدقيني يـ ماما أنا مكلمتهوش نهائي من أخر مره بس أنا كنت عالطول بدعي أنه يكون من نصيبي، وغصب عني مش قادرة انسي ولا أبطل احبه.
مامت نور: بس هتفضلي تستنيه كتير كده.! يبنتي فيه ناس كتير بتقدم ليكي.
نور: أنا واثقه من ربنا يـ ماما وأنا دعيت كتير، ادعيلي أنتي بس.
مامت نور: ربنا يريح قلبك يا رب.
وخرجت مامت نور من الغرفه وقامت نور بفتح الدفتر وبدأت تكتب فيه كالعادتها.
«ربنا هيستجاب لـ دعائي أنا متأكده. »
يتبع..
