#ليتك_تستحقني 💔
بقلم الكاتبه
🔥مــــــيــــمـــــي الــشـــيــــخــــي 🔥
الحلقه التالته وما قبل الاخيرة🔥🔥
نزلوا الملثمين وفتحوا بابي مسكني من الجاكيت
مثلم :تعال معانا
امال : سيبوني لاااااا سيبني يا حقير سيبني لاااااا
مسره كانت اتنفس بسرعه :سيبوها
الملثم رفع المسدس :ولا حركه ردي مكانك
صباني قدام السياره
روشن السياره انفتح تفاجأت كان يحى
يحى : عطيني الأوراق خير ما نصفيكم توا
امال :سيبني يا واطي
يحى : اقسم بالله كان ما جبتي الأوراق نقتلك عارفهم قعدات عندك وين ما تمشي معاك عاطيهم ليا خير ما نقتلكم
امال ساكته
يحى بعصبيه وصوت عالي :ويييين الأوراق
امال بخوف : في الشنطه
شارو لصاحبه بمعنى جيب الشنطه
فتحها وطلع الأوراق
يحى يبحت في الأوراق :نحبك بعد تقعدي موطيعه، هيا اقلبي وجهك
عديت جري للسياره ولعتها وطلعت جري نين تبعدت بعدها وقفت السياره نشوف البنات
امال: بنات شن صارلكم كويسين
صمود تبكي :مسره مش قادره اتنفس شيلينا للمستشفى بسرعه
امال :حاضر
مسره قعدت تشاور على شنطتها
امال :كنك شن فيك
مسره بصوت يدوب طالع :أءء اادووا
صمود :دواها في الشنطه
طلعت الدواء وعطيته لها
امال :من عندها امية
رغد تبكي :خوذي
عطيتها الدوا وفتحت رواشن السياره عشان تتنفس
بعدها بنص ساعه
ردلها النفس بالتدريج
امال :كيف حالك
مسره بصوت تاعب: كويسه
امال :نشيلك للمستشفى
مسره : لالا ما فيش داعي
قعدت اتنفس بسرعه كأنها كانت تجري استغربت البنت كنها ولعت السياره وطلعت
صمود :شن يبوا الناس هذيما
امال بتوتر : كانوا يبيوا فلوس خذوا من شنطي
صمود شبه اقتعنت
رغد كانت فرحانه من اللي صار
وصلت رغد للحوش الأول وبعدها عديت لحوشنا حوش مسره بعيد و ماحبيتش نشيلها وهيا بالحالة هذي
كنت نحكي معاها وهيا في عالم تاني مره مره ترد عليا
امال :وصلنا هيا انزلوا
مسره بصوت تاعب : مش قادره نصبي
صمود : توا نجي نساعدك
سكرت السياره نزلت الحاجات الي فيها وعديت فتحت الباب وصمود كانت تساند في مسره
كانوا كلهم مقمعزين
خشيت انا السلام عليكم
كلهم :وعليكم السلام
بعدها خشت صمود وكانت سانده اللي كانت شبه فاتحه عيونها
سميرة :بسم الله كنها البنت
كرم بخوف : شن صار وكنها مسره
امال :اهدي يا ماما
ما في شن صارلها هبوط بس
صمود بحتت فيها امال شاروت بمعنى اسكتي
امال : هيا صمود نسندوا البنت ترتاح شويه
كرم بقلق :باهي شيلوها للمستشفي
مسره بصوت تاعب :مافيش داعي
ركبنا بيها فوق قمعزتها على السرير
امال :انتي كويسه
مسره شاورت براسها بمعنى اي
صمود : ليش ماقلتيش على اللي صارلنا
امال : تو تصير مشكله هكي خير وانتو ما حد يقول منكم عاللي صار
أنت تقرأ
ليتك تستحقني ( روايات ليبية )
Romanceعندما تكتشفي انك اخترتي الشخص الغلط و للاسف لا يمكن الرجوع ؟ فما الحل ؟ رواية من داخل المجتمع الليبي 🔥 تلخص الكاتبة القصة في 4 حلقات ❤️
