استحشتك ❤️( روايات ليبية )

حلقة 2🔥

روايةه: استحشتك

‎بقلم فاطمه سالم

‎الحلقةه: تانيه

.......

‎بعد ربطت الاحداث ببعضها بجد وبكل معنى الكلمه "هزلت ".... معاش عرفت شن نحكي او شنو نقول...

‎بديت نخطط ومش مع الابله نهائي لدرجه ان كملت اربع حصص واني قاعده ما طلعتش ولا كتاب للماده ولا حتى انتبهت

...

‎جتني بلقيس...

‎بلقيس: هيا نوضي

‎اني: وين!؟

‎بلقيس: عنجد وين تي نوضي هيا استراحه

‎اني نصدمت: تبصري؟

‎بلقيس: ياعيني حتى العقل رايح 😂

‎اني تعصبت: اووفف بلقيييس مش وقتكك بكل ره

‎بلقيس: تي باهي هيا نوضي

‎اني: مش طالعه كان بتطلعي اطلعي

‎بلقيس: اوك باي الحق فيا اني مش فيك

‎اني: اطلعي وصكري الباب مش وقتك وربي

‎طلعت وصرفقت الباب بقوه قوتها.... واني ولا كأني اتكيت على مقـعد وعندي نيه ان نكسر دنيا كلها على رغم هدوء تصرفاتي الا ان حيلي نهد هد قعدت ناكل في ضوافري ونفكر من يساعدني!!!؟

‎بلقيس؟"دهبوره تعرفش تصرف "! 

‎حياة؟  " حساسه بكل وخوافه "!

‎سرور؟ " مطرشقه وفضاحه "!

‎عواطف؟  " ولا ممكن نوثق فيها "💔

‎سلام!  "سـلااام؟؟؟؟ "

‎نتفضت وقعدت نقول زعما نتفق اني وسلام عليه!

‎زعما ما تخدلنيش!؟

‎زعما تكون قد مسؤوليه!؟؟

‎اممممم سلام امرها مشكوك فيه بسسس امري وامرها متشابه ومن نفس شخص ياحسرةه 😏💔

‎امممم؟؟؟؟ قعدت نفكر نكلمها ونعبى عليها او لا!

‎-اي!

‎بس كان تخدلني!؟

‎لااا

‎بس هي ح تفهمني!؟؟

‎-اي

‎بس هي خدلتني 💔!

‎-لا

‎قعدت نبرم في دوامه بين "اي و لا ".... بس لالالالا لان هي خدلتني عشان نفسها!.... يعني انانيه!.... وبسبب ارحومه شاد عليها صور!.... اخخخ حتى اني غبيةه كـيف اصلا نرجع نوثق في حد ونـأمن نفسي عليه!!!  " نهيت موضوع سلام من بالي "