ندخل ليكوم نيشان لمهم سميتي هبة عمري 16 سنة شعري قهوي فاتح واصل حتا لمسعودة و حبس عينيا كبار قهويين فاتحين و فمي منفوخ و غوز فورمتي عادية ما رقيقة ماغليضة و قصيرة لدرجة فقدت الامل انني غادي نطوال في يوم ما عندي اب حدودي و لكن كايضحك بعد المرات سميتو ادريس و ماماتي واخا كاتعصبني بعد المرات و لكن كاتبغي ليا لخير سميتها فاطمة عندي زوج خواتات عزيزة بنت طويلا و صابغة شعرها مخطوبة عندها 30 سنة ة كوثر ولدات ولدها و ساكنة ف لندن عندها 28 سنة مريضة نفسيا ماعرفتش علاش على حسب ماكاتقول ليا الواليدة راه بابا و ماما تفارقو و عاش ضروف خايبة انا ماكنت كانتمنا ليها هاد المرض النفسي غير انا كاتجيني كايعطيوها كل الاهتمام و انا كانشكي عليهوم تايقولو ليا راه نتي غير كاتفلاي لمهم انا الهدف ديالي الوحيد نبعد عليهوم كانفكر نهرب بلوطو بحكم بابا كايعلمني نسوق منين كانت عندي 12 سنة و لكن ماكانش دايمن كايعلمني غير بعد المرات ولكن باش زعما نسوووك بزاف لا مانقدرش لمهم دابا انا كاندوي معاكوم و كالسة كانوجد داكشي لي غادي ندي معايا للهروب ماضحكوش على الفكرة الصبيانية ديالي و لكن انا عييت من هاد التصرف ديالهم اتجاهي لمهم باش نقوليكم واحد المعلومة انا كانسكن فسلا و لكن عندنا دار فالخميسات فالعروبية و انا باغا نهرب ب لوطو ديال الخوادرية
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
حيت هيا اصلا كاتخلي عندي سوارت ديال لوطو يعني ساهلة نهرب بيها فليل صافي ساليت توجاد و مشيت بدلت حوايجي و نعست 🦄اصبحنا و اصبح الملك لله🦄 صبح صباح نايضة حتا لجوج خديت ربعة ديال البيجامات و 20 سليب و 20 سوتيان و فوطات 34 باكية ديال الفوطات الصحية و خديت 6 دلقبيات كوحل و 6 تاع سراول كوحل مفضفضين و 4 ديال السبرديلات كحلة كايتشابهو و خديت ثلاثة دلبسات عاديات لولة كاتتكون من قبية ميني فونطخ فموطارد و سروال بيض وسبرديلا بيضة فيها زواقات فالموطارد و لبسة ثانية تيشورطة ف لكحل و ميني فونطخ و سروال غسكري مقطع و سبرديلا كحلة و لبسة ثانية طريكو كمام فالكري و سروال فالكري و ميني بوط فالبيض و خديت 12 لتقشيرة بيضة 10 كوحل و 7 كريين وزوج تقاشر سخان لا يجيني لبرد ف لوطو و ديت معايا شي 9000 درهم جمعتها من الخلصة لي كايعطيني لواليد كولا شهر و سرقت للوالدو و ختي شي ذهب بقوت ما ذهب كثير غادي يشري ليا دار و يبقى لخير فرحت فرحة ديال العمر حيت و اخيرا غادي نستاقر و خديت اهم حاجة لبيسي و طابليط ديالي و تيليفوني و حيدت نمرة لا يتبعوني بيها و ركبت نمرة جديدة و خديت شارجور و 2 ليزيات خفتهوم لا يخصرو ليا و خديت واحد لعيبة كاتركبيها مع لموطور ديال لوطو كايخدم ليك ضو و كاتقدري تبرونشي فيها اي حاجو مثلا شارجور و لا شي حاجة و مشطة و شي لاستيكات و خديت روايح و خديت مونطووات و كاشكولات و شي ذهب ديالي لي جاني كادو و خبيت لي فاليز من مورا دار فواحد القنيتة و طلعت بقيت كانطيليشارجي لفيديوات ديال كيفاش نسوك و داكشي لمهم ساليت نضت دوشت آخر تدويشة ليا فهاد الدار و هزيت حوايج من ماريو ديالي لي غادي نلبس حطيتهوم من تحت المخدة و لبست بيجامتي و هبطت كانبوس فيهوم واخا هوكاك غادي نتوحشهوم بزاف بقيت كانتسنا بفارغ الصبر باش ينعسو و نمشي فحالي دارزت عدة ساعات مشيت عنقتهوم كاملين و حتا هوما دورو معايا بصريف لواليد عطاني 600 درهم حيت اصلا فلوس شهريتي هادو و ختي عطاتني 300 درهم اما لوالدة ماخديتش من عندها لفلوس حيت اصلا عارفاها غير كاتعدي و صافي و غادي تخصها شحال من حاجة طلعت لبيتي من بعد ماخليتهوم ف سابع نومة لبست حوايجي عبارة على سالوبيط جينز كولو مقطع من رجلين(و لكن كيوت)و تريكو بيض و سبرديلا بيضة و من فوقو تجاكيطة ديال تجين و صايبت شعري بوكلي ببلاك و بابيليز خديت لبيجامة لي حيدت و بلاك و بابيليز خشيتهوم ف ساشية و حطيت ليهوم رسالة لي كتبت فوق طبلة و خديت سوارت و شي قراعي دلموناضا و لما و شي شيبسات بقيت غادا مشيت من مرا دار هزيت لباليزات كانو شي 4 وحدة كبيرة و وحدة متوسطة و وحدة قبل لمتوسطو و حدة صغيرة و صاك فيه بابيليز و داك تخربيق و ساشية فيها القص مشيت للكراج خديت طوموبيل ضيماريت و انا فبالي حاجة وحدة هيا غادي نخرج برا لمدينا هزيت تيلي و صونيت على واحد دري كايبيع لبيرميات و الوراق ديال لوطو و لاكارط ناسيونال انا:الو العشي وجدتي ليا داكشي لي قلت ايمن:اه وجدو دوزي عليا راني فجردة لكبيرة د خميسات انا:شكراا امانتك وصلات ايمن:وي وي وصلات سربي راه قتلني لبرد انا:واهاهيا جايا مشيت خديت من عندو داكشي لي بغيت و شديت طريق لكازا على اساس سميتي الهام و عمري 18 سنة لمهم بقيت غادا و انا نلقا واحد الكسيدا و ناس دايرين بيها وقفت لوطو فجنب طريق و غادا بكامل اناقتي طليت على لوطو من السهل بنادم يخرج منها شيت كفضت على دراعي و كانحاول نخرج الشاب من لداخل بقيت كانحاول معاه حتا خرجتو و لقيت عندو ضربات قوية ف راسو و سخفان كان قوي البنية و زعر و طويييل لابس كوستيم فالكحل جبت علبة الاسعافات من لوطو و بقيت كانداوي ليه الجروح و خيطت ليه راسو و لويت ليه الفاصمة انا متاكدة كاتقولو كي كاتعرف هاد البرهوشة دير هادشي كامل انا راه كنت كانتفرج ف تعقيم ديال الجرح و تعلمت بزاف ديال الحوايج حيت كنت متاكدة انه شي نهار غادي نهرب و نحتاجهم لمهم شفتو بقا كاينوض جبت ليه الما الشاب:اااه راسي انا:بشوية عليك راه جرحك باقي جديد الشاب:مالي اش وقع ليا و انا جرح انا:كنت دايزة و انا نلقاك مقلوبا بيك لوطو و خرجتك الشاب:ااه شكرا و نتي باقا صغيرة كي كاتعرفي تسوكي و ديري هاد الاعمال الرجالية انا:سر المهنة هاكا تيلي ديالك صوني على عائلتك تجي عندك انا تابعاني طريق طويلة و خاصني نتسابق مع الوقت الشاب:شكرا هاكي نمرتي الى بغيتي شي حاجة انا على رهن الاشارة انا:باي ركبت فلوطو و بقيت غادا البوليسي لي كايشوف فيا كايشوف فيا بنضرة اعجاب رغم كبر السن لمهم وصلت لكازا و دخلت للفايس الجديد لي درتو و بلوكي الفايس القديم ديالي باش مايوصلوش ليا لمهم دخلت بقيت كانهضر فواحد الكروب كازاوي بقيت كانقلب على شي سكنة ماتفوتش 25 مليون و لقيتها جات فواحد الحي شعبي قلت هانيا ماشي موشكيل مشيت بعت الذهب جاتني 60 مليون الله الله صافي ترفحت ......
