اسلام صحبتي المابتفارقني نهائي ابتدت تتغير معاي 💔ماعارفة لشنو، بس ابتديت احس بيها لما جات واحدة اسمها افنان، جات متحولة من مدرسة تانية😣، البنت طيبة وظريفة اول ماجات كنا في حصة أستاذة هدية، الكانت بتدرسنا جغرافيا، دخلت وانااستغربت منها، لفت الفصل كلو وسلمت على أي زول في يدو😂💔، ماعارفتها شلاقة ولا هبالة، المهم ماعلينا بيها، اول ماختارت تقعد قعدت جنبنا اناواسلام، الفصل كان مليان شديد، وهي ماعايزة تقعد وراء براها😴، يلا جرت ليها درج وقعدت جمبنا، وشغالة تتبسم، العرفتو منها أنهم جايين من السعودية، وقبل ماتجي مدرستنا كانت بتقرا في مدرسة تانية بس ماعجبتها وجات متحولة😳، كانت هادية شديد مابتتكلم مع زول الا يتكلم معاها، وبحكم انها جديدة وكدا وماعندها أصحاب تقعد معاهم، قعدت جمبنا اناواسلام، كانت بتطلع معانا الفطور ومباريانا المدرسة كلها، 💔انا كنت بغير منها لاني ماعايزة يكون في زول يشاركني اسلام، كنت بحس انو صداقتنا كدا حلوة انا وهي برانا، اتفأجات بي انهم بطلعو من الفصل مع بعض، ومن دون مايقولو لي ارح معانا، ويمشو يفطرو ويجو، افتش المدرسة كلها وماالقاهم، اضطر اقعد براي💔💔لاني ماكنت مقربة لي زول في المدرسة غير اسلام، كنت برتاح معاها شديد، ولما يرحعو الفصل زي الكأنو ماعملو شي مابسألهم حتى كنتو وين ولشنو ماتنظروني ولاهم حتى بعتذرو لي، 😤ابتديت اغير زيادة كنت عايزة اتكلم مع اسلام اكتر من مرة واوريها انو هي صحبتي انا وبس وماعايزاها تصاحب افنان دي وبتاع، بس كل مرة كنت بتراجع وبقول انامالي احتمال قرارا كدا انا مابقدر امنعا كمان، 😣انصدمت اكتر لما لقيتها دخلت جمعية المسرح والموسيقى واحنا كنا مخططين سوا ندخل جمعية الرسم في المدرسة، بس عشان افنان اختارت الجمعية ديك هي كمان تبعتهااليوم داك زعلت شديد 💔، وماتكلمت معاها تاني لي نهاية اليوم، ولاانتطرتها مشيت البيت برأي، ولا حاولت افهم منها لشنو غيرت رأيها، بمرور الزمن افنان ابتدت تتداخل ف البنات وبقي عندها أصحاب غير اسلام منهم كانت مريم اللهي عدوتنا اللدود 😳استغربت كيف اسلام مبارياها بعد ماكنا بنكرها، كان عندها صحبة اسمها وعد وسلمى كمان، يلا هم كدا كون ليهم شلة فيها خمسة بنات وانا كنت سادستهم، استسلمت للأمر الواقع وبقيت بمشي معاهم💔،بس ماكنت مرتاحة خالص، بحس نفسي غريبة وحتى اسلام بقت ماتتكلم معاي كتير، ونستها كلها مع افنان، انا عادي اليوم كلو اقعد معاهم واكون ساكتة، وكنت بجبر نفسي امشي معاهم واعمل الحاجات الهم عايزنا عشان مااكون برأي، 😶، كنت بتمنى اسلام ترجع معاي زي الاول بس للأسف ماحصل كدا.بس بقت تتغير زيادة ولو غبت ماتسأل عني، كنت قعدة ابكي شديد، لانو دي ماصحبتي الزمان وهي اتغيرت على فجأة💔بعد ماجات افنان 😣، المهم قررت اني خلاص تاني مااباريهم ولاامشي معاهم، وبالفعل بقيت بقعد برأي، حتى لما يقولو لي ارح معانا بقيت بقول ليهم ماعايزة امشي، 💔صحبتهم وعد لما. شافتني اتغيرت كدا وانو انا وإسلام بقينا مابمشي مع بعض، جاتني يوم بعد الحصة وسألني، وطوالي وزينها انو لسلام براها اتغيرت على، اقترحت علينا او نتصالح ونرجع زي ماكنا أبيت ف البداية، بس تاني قلت م مشكلة اديها فرصة تاني.
وبالفعل فسحة الفطور مشينا قعدنا تحت الشجرة، كنا انا ووعد وسلمي، افنان وإسلام ماكانو في مشو يفطرو، ماادو الموضوع أهمية، وماجو للمكان القررنا نتجمع فيهو😣😶الا مشت سلمي لقتهم قاعدين ف الفصل ونادتهم، المهم جو بس حسيت بي اسلام باردة شديد في تعاملهامعاي، في النهاية اتصافحنا واعتذر لي، قلبي اطمأن حبة❤️حسيت انو خلاص رجعنا ومستحيل تتغير علي تاني، بس للأسف حصل زي كل مرة، ماشة مع افنان اليوم كلو، وتجيني نهاية اليوم عشان ترجع البيت سوا، لانو افنان ماتمشي بي شارعنا، زعلت اكتر لاني وثقت فيها وظنيت انها رجعت زي زمان بس الظاهر انو كان قصدها تكون عادية معاي، سلام وعليكم وكدا، وبالفعل كانت بتجي الدرج تسلم على وتقعد، ومازي زمان تحكي لي اي حاجة بتحصل معاها ❤️💔ومابتسألني حصل معاي شنو، جريت درجي من جنبهم ومشيت قعدت في آخر الفصل براي😔، ماحاولت تتكلم معاي، ولاحتى تحنسي عشان ارجع، بدل دا جابت درج وعد وقعدتا جنبهم، لماا في يوم اتناقشنا في حصة التاريخ استاة عالية سألتنا من سؤال وبس جاوبت غلط قعدو بضحكو فيني😭، اتغظت شديد وحمرت ليهم😤، بعد انتهت المحاضرة اتشاكلت معاهم ودي كان أول مرة اتشاكل فيها مع اسلام، وحسيت انو العملتو دا كان صاح لأنهم براهم بدو، 💔اسلام كان بالنسبة ليها عادي، لما واجهتها تاني قالت لي انتي براك اتغيرت، وماعارفة بتغيري من افنان لشنو، وهي صحبتي زي ماانت صحبتي💔ماف داعي الأنانية، ولو ماعايزة تكوني صحبتنا انتي حرة😴، قعدت ابكي قدامهم وماقدرت اتمالك نفسي، لأول مرة أظهر ضعيفة قدام زول، مااشتغلت بي شديد، خلتني وطلعت من االفصل😥شلت شنطتي وطلعت طوالي ع البيت، وطول الطريق افكر فيها، بس وصلت البيت صارة وشي، اتلقتني حنين، سألتني اناببكي لشنو، طوالي حكيت ليها عن اسلام😥وأنها اتغيرت على، قعدت ابكي، ومشيت غرفتي وقفات الباب علي💔، وكنت كل مرة بفكر فيها والسبب الخلاها تتخلى عني غلبني النعاس ونمت،.صحيت الصباح عادي بس متصايفة💔وقررت اتعود على حياتي من دون اسلام، احتمال هي مامناسبة ولاحتى صحبة ممكن اتكل عليها، وانو العايزك، بعمل اي حاجة عشان يكون معاك، حسيت بأني وحيدة وماعندي زول امشي معاهو، 💔بقيت بمشي ف المدرسة برأي ، وبتجاهل اسلام، الموضوع كان صعب ف البداية بس مع مرور الزمن اتعودت، وبقو مابفرق معاي، كنت بكون متضايقة في المدرسة، بس لمارجع البيت واشوف دلال كنت بفرح شديد♥️، ومعظم أوقاتي كنت بقضيها مع حنين، فسحة الفطور امشي ليها ف الفصل واحوم معاها، صحبانا الأجداد كانو طيبين شديد، عكس الكنت مصاحباهم زمان، 😴كنت كدا بالعافية اقضي يومي، ومن يوم شكلتي مع اسلام قررت انو مااخلي حاجة تأثر فيني واي حاجة مابستاهل اني ازعل عشانها مااشتغل بيها، 😴بكفي اني اركز على قرايتي وبس، امااسلام كانت عادي مع افنان وبقية الشلة وانا بقيت قاعدة ف اخر الفصل براي😔، يطلعو سوا ويدخلو سوا وانا ماهمي ولاكن بشتغل بيهم، آخر السنة خلاص والامتحانات كبست ماكنت قاريه اي شي😥، كنت خايفة شديد وباقي ع الامتحانات اسبوع، 😂زمان كنت بقرا اول بي اول، بس الصراحة بعد مشكلتي مع اسلام اتدهورت قرايتي حبة😳انتبهت رفي الآخر اني أشد حيلي واجتهد وبعد دا، بالفعل عصرت على نفسي، وبقيت اليوم كلو بقرا، 😂ولاباخد نفس، كنت عايزة اثبت لي اسلام انو عادي لو هي خلتني انا اواصل حياتي وماحتفرق معاي في حاجة، بالفعل وبفضل الله ماكنت متوقعة، وجيت التانية على مستوى الفصل، وفت اسلام😳كلهم كانو مهجومين، 😂وانا زاتي الصراحة كنت مخلوعة، ياربي كيف فتا اسلام، بس سبب واضح اسلام من اليوم داك زادت المعاملة الكعبة، وبقت تغير مني شديد، وابتدت قصة جديدة، قصت اتنين كانو أصحاب وبقو يغيرو من بعض، اسلام بقت للسلام لايحزنون معاي ذنست حتى انو كان عندها صحبة اسمها شهد، 😂ولاباركت لي حتى، 👈بهناك ف بيت عمي عمو خالد الموضوع كان عكس وبس دخلت البيت كان عمو قاعد برا وريتو النتيجة وكان فرحان شديد اني جبت التانية دخل يدو في جيبو، وطوالي طلع لي حلاوة النجاح، 😂كنت مبسوطة شديد، وحسيت بالفخر اكتر وكمان حسيت اني بقيت قوية، وماف حاجة ممكن تأثر فيني الإسلام لاغيرا، جات دلال حضنتها وقعدت اضحك، هي زاتا انبسطت لي شديد، بس بالمقابل، 😘شالت مني قروش من الأدنى ليها عمو خالد😂😂💔، هشام جاء داخل وبعاين كدا يمين شمال، وقال في شنو الحاصل شنو، وانتي ياشهل بتصحكي مالك الحاصل شنو، طوالي حمرت ليهو لانو كان لئيم معاي، 😏ومارديت عليهو، عمو طوالي كامو اني جبت التانية، شلت قروشي ونتبجتي ودخلت غرفتي ومارقفت اتكلم معاهو ولانتظرتو عشان يبارك لي، ♥️😤😂💔.
هشام كان غياظ شديد💔😂مابرتاح الا ينكت على، العصر كنت قاعدة ف الحوش العب مع دلال طوالي جاء وقال لي قومي اعمل لي شاي، أبيت وقلت ليهو انتي مابتعرف تعمل شاي براك، قعدت اتشاكل ماهو، بس شكلو كان جادي شديد، صوتي علا عليهو، وهو بدور كان مصر اني اقوم اعمل الشاي، 💔😔، مرت عمي كانت مدلعاهو شديد لانو ولدا الوحيد وكدا، سمعتو بتكلم معاي طوالي جاتني ونهرتني، قالت لي هلي اللعب دا انتي شافعة يابت وقومي سوى ليهو الشاي، لما نهرتني عيوني طوالي دمعو وخليت دلال تكمل لعب ومشيت ع المطبخ، مرت عمو طلعت، ولادل كانت بتلعب برة براها، بعد خلصت الشاي، هشام كان معاهو أصحاب في الديوان رسلت دلال عشان تناديهو، وبالفعل جاء عشان يشيل الشاي، 💔😔لقى عيوني محمرة ، قعد يعاين لي، قال لي مبروك النجاح ياشهد، قلت لي الله يبارك فيك، وقام طلع، 😴جاء راجع تاني وقعد يعاين لي، اعتذر لي عن الحصل معاي قبيل وقال لي والله ماكنت عايز الموضوع يصل لي كدا معليش لانو امي كوركت فيك ونهرتك💔😴قلت ليهو م مشكلة انا مازعلت انا زاتي غلطت وسامحتك ياهسام، شال لشاي وطلع،رجعت لي دلال عشان اكمل لعب معاها، جحسبت بيها متضايقة سألتها مالك يادلال، جات قعدت جمبي وقالت لي، شهود 😔😴انا بكرهه مرت عمي دي هي لشنو بتعاملك كدا، ارح نمشي لخالتو نقعد معاها، هي شكلها ماعايز انا، 😥😳حضنتها وقلت ليها لالا دلال اناغلطت والله لاني رفعت صوتي على هشام ماكان مفروض اعمل كدا، وبعدين حنين ممنحنة الشهادة ومرت عمو اشتغلت كتير ف البيت وماف زول حيعمل ليهو الشاي💔، وانا قاعدة ساي، كان ممكن اجهزو ليهو ونجي نكمل لعب، دلال ابتسمت وبقت تعاين لي وقالت لي انابحبك شديد ياشهد ♥️.
كنت عارفة انو مرت عمي ماعايز انا وتعماها معاي كعب بالأخص انا، بس ماكنت عايزة دلال تتدخل في مواضيع الناس الكبار والحاجة دي تأثر فيها، عشان كدا بقيت ابرر ليها انو مرت
عشان كدا بقيت ابرر ليها انو مرت عمي كان كلامها صاح وأنها ماغلطت، 💔قعدت العب مع دلال وكنت زعلانة شديد من هشام ومن مرت عمو، بس كنت داسة حزني 💔، عشان عمو مايسألني وتقوم المشكلة تكبر، ماكنت عايزاهو يعرف لاني متأكدة انو حيشاكل عشان عشان عمل معاي كدا وهو مابرضا فيني خالص، قعدت كم يوم ماكنت بتكلم مع هشام وحتى لو جاء لقاني قاعدة 💔، طوالي بقوم واخلي ليهو المكان، هو زاتو كان عارف انو غلط في حقي وانو هو السبب ف انو مرت عمي تعمل معاي كدا، بس اتجاهلتو وحاولت اشغل نفسي بأني اجهز دلال لتخريج 😴، لانو دي كانت آخر سنة ليها في الروضة والسنة الجاية حتمشي المدرسة 🙃، وهي كانت مبسوطة شديد😂💔،
قبل ماتختار طريقك ابقى واثق من رفيقك♥️
اختار الصحبة الصاح الممكن تقيف معاك وتسندك♥️المستعدة تواجة معاك ظروف الحياة وتبقى الثبات 😴، صاحب ماممكن يتخلى عنك بي اتفهه الأسباب، مستعد يطلع ليك عذر من ماف، عشان صداقتكم تستمر، مستعد يصبر عليك في اسؤا حالاتك، لحدي ماطلع بيك لبر الأمان، ❤️صاحب تلقائيا لما تنفسن تلقاهمو نفسن معاك حتى من غير مايعرف السبب، مستعدة يضحي عشانك ويعمل اي حاجة عشان يسعدك، اللي لما تضحك هو ياداب ينبسط ويحس انو كدا ارتاح، صاحب يفهمك حتى قبل ماتتكلم معاهو، يعرف نفسيتك كن ملامح وشك، ويفهمك ع الطايرة، لما تلقى النوعية دي اتأكد فعلا انو انت عندك اصحاب♥️غير كدا حيكون مجرد ناس عابرين في حياتك، بس حيكسرو خاطرك ومستحيل في يوم تنسى العملو هو فيك، حيبقو ليك مجرد ذكرى مؤلمة مااكتر، 💔تندم لأنك اتعرفت عليهم، وقضيت ولو ثانية معاهم.وبالنسبة لي اسلام كانت من النوعية دي بس للأسف الظاهر اني ماكنت كفاية عشان كدا بقت تفتش اصحاب غيري واتخلت عن صداقتنا، والحياة بقت تواجهني من الجهتين، من جهه اسلام ومرة تانية من مرت عمي إلهي كمان كانت تتعمد تشاكلني وتطلعني كعبة في أي موقف💔
3
