رانيا و ريان🖤حب رغم المشاكل 😍🦄❣( باللهجة الجزائرية )

القبول 💖

نور:داكور خفي رانيا 👌
عيطتلو :
انا:الو
هو:وي رانيا كيفاه ؟
انا:وشنو
هو:نتي عيطتي ماشي انا دونك كيفاه قبلتي و لا نن
رانيا بغات تلعبلو على المورال و يزعف اومبعد تفرحو 😂
انا:واش نقبل ؟على واش تهدر ؟
هو: اسمعي ما تتمسخريش رانيا مانيش قادر !
كوبا في وجهها و رانيا قاسها الحال و كي قالت لنور قالتلها بلي غلطتك نتي علاش حبيتي تزعفيه؟انا: هكدا قولت بلاك نزعفو اومبعد نفرحو هكا باش ماننساش اليوم لي حانقبل نكون معاه (شفتو تخمام الخرا !😂😂، تحية لينا الشكوبستانية خاطيناا الرومانسية خخخخ)نور:بعتيلو ميساج يالجايحة !!انا:اوك بلا ماتزيدي عليها ماقتلتوش فهمتي ديجا مانحبش نوعلي يزعف بالخف تقول بنت في عمرها 4 سنين ربي يكون معايا ، نور:حمارة نتي ! ازربي مديلو ميساج ڨوليلو اسمحلي أنا حبيت نلعبلك على المورال و نزيد نفرحك اني قبلت ! انا:اهاه تقول هي لي دومونداها حتى الميساج و ضروري شانكتب خخخخ صحا نور ليزوم 😂😍 نور:شفتي شحال نخمم على صاحبتي ماشي كيما نتي خرجت معا واحد يوم غدوا ڨتلك واش نڨولو و كيفاش نحكيو بديتي تخراي عليا حتى زعفتو بسبتك خلاني و مازلني مادرتش تاويل لروحي 😣 واقيلا حانبور في الدار ونبقا طول حياتي نقشر الثوم ونلبس في بليغة خويااا انا:توحشتيه؟نور:ايه و مبعد واش تديري ليا بب تقدري تديري فيا مزية كان ترجعيه معايا 😊انا:حبيبتي سقسيتك برك ماتقلقيش كي ندير حل لتوقيف العلاقة بيني و بين ريان ساهلة معاك . نور :منيتك ! انا:اه لالا منيتك انتي 😂ديجا بعتتلو ميساج خلينا من الحب جبدي تيليفونك نديرو فوتوات . نور :صحا ليزوم اسمحيلي نسيت تيليفوني. انا:اه عاودي برك !نور:نسيتو قتلك . انا:يخي يخي ليلونات فوق راسك ما نستيهمش .نور:درتها بلعاني عمبالي تخليصيلي ليسباس ! انا: والله ما تحشمي! اشفاي عليها . نور:معليش نشفالها ، خلينا نديرو ببورتابلك 😌
لعبنا و ضحكنا و ڨصرنا مبعد رحنا للدار غير وصلت شفت معا الساعة لقيتها الثمانية و نص تع الليل !! ايماااااا وجعتيي
يمما:نتي بنت !ماتنسايش روحك هدرة الناس ماترحمش !
انا:اوكي ماما حبا نصارحك
يما:ايه انعم
انا:كيفاش باغية ترحمني هدرة الناس و نتي مارحمتينيش بالبليغة !
خلصت برك حتى حسيت روحي دخت بواحد الكف ثلاثي الابعاد هداك تاع الهنودا خخخخ
يما:نتي جايحة بنات قدك عندهوم لعقل و يخممو فلاvونير ديالهوم !
انا:ماتخافيش عليا انا مدوختهم ملي كنا فالسيام
يما:باينة ، ربي يكون مع حلالك
رحت للشومبرة نحيت حوايجي لبست شورت قصيير و بودي حتى نسمع يما تعيطلي باش ناكل و غير نضت وصلني ميساج قلت كي نعمر كرشي نولي نقراه مالازمش ننساو قالت الشكوبستانية يوما ما : علا جال كرشي نخلي عرشي و أضافت : كرشي فوق كلشي 😂 هيهيهي