كعدت الصبح ههه عود صباحيه عرسي على صوت إيناس
غسلت وجهي ولميت شعري وطلعت شفت ام حيدر صبحت عليها
جابر /جووووود جوددددد.
ركضت كتلها هااا
جابر/وسم مره ثانيه تكليلي نعم مو هااا لو ابوج حاير يداين فلوس وماعلمج
نزلت راسي ودمعتي بعيني
جابر/روحي جيبي استكان جاي واذا تأخرتي اطيح حضج
رحت ابجي وكفت على الطباخ اااي ياجود شنو ضاميلج بعد
رحت انطيته الچاي وكلهم كاعدين ردت اروح صاحني
جابر /تعالي فركيلي رجلي
ذلني بطلبه دنكت ولزمت رجله وايناس تباوعلي وتضحك
ام حيدر/ابو شذى خطيه تصرف هيج وياها
جابر/ههه منو الخطيه تره هاي الكدامج اشتريتها بفلوسي
جود اسمع وابجي بعدين جتي ام حيدر كومتني واخذتني لغرفتها حظنتني واني نهديت من اليجي وهي تصبر بيه
نمت على رجليها وغفيت كعدت على صوت شذى تكلي ماما تريدج
الصبر يامحمد
نزلت شفتها كاشخه وهو لابس دشداشه
ايناس/شوفي لج اني وجابر رايحه مشوار وراجعين ارجع الكه البيت نضيف لا اخلي جابر يصرف وياج وتباوعله وهو غمزلها وضحكو ثنينهم اني مافتهمت
المهم طلع وبعدين انضف ساعتين انهد حيلي وشذى ولاحتى تساعدني بس تكول منا وصخ بعده ومنا نضفي عدل عبالك هي مره ابويه مو اني
كملت اخيرا سبحت ورجعو جابر وايناس ضايجه ماعرف شبيها
ام حيدر/خير شبيج ايناس
ايناس/ماكو شي يله اني رايحه لغرفتي (بنتره)
ام حيدر/جابر شبيها مرتك
جابر/طلعت حامل وهي متريد
ام حيدر/لااله الا الله شنو متريد اكو ناس ميته على الضنه وهاي ضايجه
جابر /رادت تسقطه بس كتلها شو عنده خدامه وهي تربي
ام حيدر/منو الخدامه ماعدنه خدم احنه
جابر/شنو نسيتي جود مشتريها وهي تربى الطفل
جود..... وكفت الغصه بلعومي يعني كل شويه منطيني لقب حسبي الله على السبب
سويتلهم عشا واجو أهلها لايناس شفتها تسولف ويه امها واني حتى بالعرس ماخلاني اسلم عليها
وهي بالقصد كل شويه دزني جود ميي جود قهوه جود حلويات ماخلتني كاعده
وشذى اخذت بنات خالها وصعدت فوك اني تعبت ام حيدر كالت صعدي هم أهلها هي تخدمهم
صعدت بالصدفه سمعت حجي شذى ويه بنت خالها اسمها نجود
نجود/ولج لا تستحين عادي
شذى/ولج خاف ابويه لو امي يعرفون
نجود/ومنين مثلا يعرفون انتي بس حاجي خطيه الولد صارله سنه يركض وراج
دكو وفتحو سبيكر ويحجون ويه ولد حجي مقرف عفتهم واني استغفرت الله ورحت امكاني صليت ونمت
ومرت الايام واني من عذاب لعذاب بحيث حتى أهل جابر كلهم مايحترموني ماعدا ام حيدر وابنها مره شفته وهم سافر كدام الكل يذلني ويسمعني حجي يغث واني اكول حسبي الله ونعم الوكيل
وكليوم اشوف شذى تخابر الولد وتفتح كامرا وياهم ويحجون حجي مينلبس علي ثوب
الا فديوم صادف جابر هستوه راجع من الدوام سويتله غده وهو صعد فوك دائما يصعد يم طيوره منسمع العياط وشذى تصيح واسمع جابر يضرب بيها ويسب بيها
إيناس تصيح شكو لتضربها
جابر /ولج بنتج السا........ سمعتها تحجي ويه ولد
إيناس نصدمت وضربتها راشدي
شذى/بابا والله معليه هاي جود هي كلتلي خابري ومعليج بابوج
باوعلي جابر واني ضليت اطكطك من الخوف اجه لزمني من شعري كله وكع بيده والحزام والكيبل مال شاحنه واشوف إيناس وشذى يباوعلي بشماته واني اطلب الغوث جوه ايده شكد حاولت ام حيدر تخلصني من ايده ماكدرت لان جان مثل الثور الهايج واني اكله والله معليه اقسم بالله معليه
جابر/ولج بنت الكلب فوك ما ابوج ذبج مثل الك....... عندج سوالف المكسره ولج بنتي اشرف منج ومن ابوج السكير ولج اني اشت يتج بفلوسي بفلوسي اني ياحيوانه اليوم محد يخلصج من ايدي
ضل يضربني حتى راسي نركع بالمحجر مال درج ونزف دم دخت وهو وين يله عافني اجه جرني وصعدني بالمخزن وقفل عليه الباب واني اون كرهت ابويه لان داين علمود السم مالته وكرهت ضعف امي وكرهت عمامي ضليت اكول حسبي الله ونعم الوكيل البكدي هسه شابعه دلال من امها وابوها
ماحسيت الا وجهه الفجر على صوت الله اكبر الله اكبر
ضلت دموعي تجري واشكي لرب العالمين حالي واشهك اسمع صوت ام حيدر وره الباب ماكدر اجاوبه لان ضربني على وجهي واحس حلكي مبنج ماكدر احجي
بقيت يوم كامل بالمخزن واسمع صوت جوه اجتي ام حيدر فتحت الباب بسرعه جتي عليه
ام حيدر/عمت عيني عليج يمه كافي لاتبجين ربج ميقبل بالضلم كومي بنتي وياي كومي بالكوه كمت وياها خطيه حتى هي سبحتني وراسي ماوكف دم لان جان الدرج حديد وهو ركعه حيل
مشطتلي على كيفها جابت المعقم بدت تداوي جروحي ودموعي بعيوني كملت جابتلي اكل اكلت شويه وصليت وتمددت هي ضلت أقره قرآن وتمسح براسي صوتها كلش حلو غفيت من الوجع
كعدت لكيتها تخابر ابنها كملت
جود/خاله
ام حيدر/عيوني يمه شلون صرتي
جود/الحمدلله خاله اريد مي
ام حيدر /ايي يمه
جابتلي كلاص مي شربته
جود /خاله منو جوه
ام حيدر/اخت إيناس وبنتها
جود/خاله حكلج على شغله
ام حيدر /كولي يمه ليش تبجين
جود حجيتلها على كلشي من سمعته وحتى الحجي الحجو وهي صافنه
ام حيدر/حسبي الله ونعم الوكيل عليها شلون شمرتج بجذبه مو صوجها ماخذه طبع امها الحيه كافي يمه لتبجين عوفيها الله ياخذ حقج وماربك بضلام للعبيد
بهل أثناء فات جابر كمت ارجف
جابر /هي انتي تعالي
كمت وراه دخلني للصاله شفت رجال تقريبا بعمره بس شنو من فتت كصني كص بنضراته الغريبه
واكو كلاص مكسور وبي لون غريب عرفته شرب لان ريحته ابد مو طيبه
كلي كنسي رحت جبت المكناسه كنسته ولميته
من كبر لف هيج رجوله خلاني افوت على رجال غريب بس عرفته بعدين هذا يصير ابن عمه
سولفت لخاله كالت يمه ديري بالج منه اسمه عصام تره عيونه زايخه وميت بنيه ضاحك عليها
خفت منه كملت العشه وخاله كالت روحي غسلي وارتاحي رحت دغسل وجان اشوف عصام ردت انهزم بس هو لزمني وكلي
عصام/اطلكي من جابر واني اتزوجج واعيشج ملكه والله عجبتيني
عفته وركضت للغرفه يالهي خلصني من هل بيت
مرت الايام والشهور وصارلي 7اشهر يم جابر واهاينه وقرب موعد ولاده إيناس وهي ماطايقه روحها هسه غير نفتهم ليش كارهه هذا الطفل حتى ماجهزت هدوم للطفل راحت ام حيدر اشترتله بالليل كامت تعيط ودوها المستشفى جابت ولد فدوه بسرعه سمو صلاح اجوي للبيت هي راحت لغرفتها وجابر شايل الطفل
جابر/تعالي لج هذا الولد انتي تعتنين بي خووش ماجايبج هيج اتفرج على طولج حال حال المربيه والخدامه
انطتني الطفل وعافني كمت ابجي والطفل هم بجه باوعت علي شكد حلو بس صغيروني طبعا اذا إيناس جانو يتوسلون بيها تاكل وهي تكول بلكي يموت ببطني رحت لغرفتي واسكت بي انطيته ممه وأم حيدر تساعدني
نمت بالليل كعدت على صوته يبجي فزيت لكيته ناط من البجي
بسرعه انطيته ممه هم بجه غيرتله الحفاظه يله سكت اباوع على عيونه سود ومكحله فات لكلبي بغض النظر منو ابو وأمه بس طفل هو شنو ذنبه
مرت الايام وصلاح كلش تعلقت بي وصار عمري 14سنه بس بقت اهاين جابر وايناس كما هي سافرو هم واني وأم حيدر بقينا بالبيت اجو من أربيل متونسين وشذى عود تغورني بالملابس والغراض اني اسوي روحي مامهتمه بس من فتت للغرفه شبعت بجي إلى. منه اني اضل هيج صرلي سنه ونص محد من اهلي اتصل بيه واطمن عليه
وجمله جابر حفظتها(اني مشتريها بفلوسي)
الا فديوم كعدت لكيت صلاح ماكو تخبلت ياربي وين راح عبالك اني وامه
نزلت لايناس
جود/اااايناس صلاح وين
ايناس/ليش متدرين
جود/شنو احجي
إيناس........
جود انصدمت وكمت ابجي حسبي الله عليج شلون انتي ام
عفتها وصعدت وكلبي مثل النار واشم بهدومه
