نزلت مثل الخبله جوووه شفت إيناس كاعده تتريك
جود/وينه وينه
ايناس/شبيچ تخبلتي منوه
جود/صلاح وينه عفيه وينه كعدت الصبح ماكو
إيناس تشرب چاي وتحجي/ليش جابر ماكلج
جود/شيكول احجي وينه
ايناس/لتعيطين جابر ودا لميتم لان اني ماحب الجهال
جود فتحت عيوني على وسعهن/شنووو الله اكبر عليكم عززا بعينج مو ام ولج لو خالته اني اربي ماعندي مشكله ليش دائما مامكتوبلي الفرح حسبي الله ونعم الوكيل بيج
صعدت فوك ابجي واشهك على صلاح والله جنت حاسبته مثل ابني اوووف والله مشتاقتلج والله البارحه جنت منومته بحضني اخخ ياربي ليش ميحبو لان اني حبيته كمت ابوس بهدومه واتذكر من جنت اناغي واشربه ممه واضحك اذا كام يضحك
س/شنو سبب إهمال إيناس لشذى وكرهه لصلاح؟؟؟؟؟
إيناس
مرحبا يمكم كلكم كرهتوني مثل ما جود كرهتني
اني إيناس محمد من عمري 19سنه تزوجت جابر وفرحت لان تزوجت لان شفت عنده فلوس وبيت وسياره
اني من عائله فقيره وبلكوه نحصل الكمه امي مخلفه4بنات و4ولد
استغربتو مووو طبعا امي عندها حجايه تكول(يجي ويجيب رزقه ويا) بس احنا من حاله سوء إلى أسوء ابويه جان قاسي جدا تخيلو يحركنا ويضربنا بالصوندا والكيبل ومن يضرب يفقد عقله وخاصتا اني لان اني الجبيره من خواتي وأخويه علاء الأكبر مني يضربنا ضرب كلش هواي بحيث تكرمون نذب من راسي دم
جنت اغار من لبس البنات ومن حتى القراصه اليلبسنها ومن جنطهن
مره طلبت من ابويه طاك كلي امشي ولج منيلي ابويه صح ميسكر بس مايشتغل تخيلو العالم يمنون علينا من ين ونا الشغله وابويه يكيف
جوابي لكرهي للأطفال انو صارت بيه حاله نفسيه خاف يجي يوم ورجلي يضرب جهالي بحيث من الضرب الشفته من ابويه اتوسل بأمي متخلف بس هي تكول لايمه اخلف بلكي ينعدل بس ماشفت مع الأسف بي تحسن
من تزوجت جابر بعدها الخوفه الجهال بيه بحيث من حبلت بشذى كمت املخ بروحي ردت اشرب حبوب إسقاط وره ماطلع جابر لدوامه شربت وحده وبدت الألم عندي كلت اتوجع هل ساعه ولا كل العمر ماتحملت كمت اصيح جتي خلود(ام حيدر) كامت تلطم خابرت جابر اجه معصب ودوني للمستشفى وره ساعتين صحيت فرحت راح الطفل هسه تكولون ماكو هيج شي بس حقكم انتو ماعشتو العشته اني من ليالي الرعب والألم والضرب بس ختفت فرحتي والدكتوره دتحجي ويه جابر تكول بلكوه نقذنه الجنين لان جانت َاخذه حبوب مو اصليه ديرو بالكم عليها طلعوني جابر ضربني راجدي وكلي تديرين بالج على البطنج لااموتج وخله خلود وابنها 24ساعه عينهم عليها مرت الشهور و بيت بشهري واني ابجي خاف يكتلها
جبت بنيه وزاد الطين بله لان البنيه ضعيفه مو مثل الولد قوي ويتحمل
سموها شذى على اسم تم جابر كلت بلكي يحبها مثل ميحب امه بس صح ميكتلها بس مداير بال عليها واني كمت اخذ. احتياطي لا ابتلى كمت اشتري ذهب وهدوم تجنن واسافر ولااسال على شذى لان يم اختي ام نجود ربتها ويه نجود وخالد ابنها واني ادز فلوس هواي لأهلي بحيث صارو حالتهم كلش زينه وخو اتي تزوجن احسن القسمه واخواني تزوجو ماعدا اخواني الاثنين لان بعدهم واحد اعداديه وواحد اول كليه
صاحبت صديقات واتفاخر كبالهن بالذهب والملابس حتى جابر نسيته
بيوم اجه جابر كلي حتزوج تخبلت لان اني صدك حبيته من فاتت جود للبيت نصدمت بعمرها بعدين عاد شعور الغضب والحقد والغيره كمت من يهينها جابر افرح الافديوم كمت احس بأعراض الحمل خفت لااحبل ويكتله جابر وثدك طلعت حامل كرهته قبل لااشوفه لان حيعيد عيشه خاله علاء اخويه من جبته ماردت اشوفه بسرعه نطو لجود كلت هل اضرب عصفورين بحجر هم اخلص من البلوه وأودى للميتم واحرك كلب جود بلكوه قنعته لجابر كتله مو تريد تذلها وتقهرها لجود سوي الكلتلك علي وصدك كعد من الصبح قبل لاتكعد ام حيدر وجود أخذه وودا للميتم وصدك نزلت من كتلها ودوا للميتم تخبلت وصعدت فوك اجه جابر كتله كامت تغلط عليه صعد كتلها كتله تسوه عمرها
جود
اجه جابر كتلني حيل تأذيت بلكوه خلصوني من ايده ادعي عليهم واحد واحد بكلبي نذليت هواي حتى مخابره على اهلي ميخلوني شذى هل كبرها عدها تلفون واني لا
تابعو الاحداث بالبارت المقبل💕
