Ayoko ng ganito, yung hindi ko maintindihan yung sarili ko kung ano ba talaga yung gusto ko. Ang hirap timbangin kung saan ko ba dapat ilugar yung sarili ko.
Nakakapagod.
Nakakabaliw mag-isip ng mag-isip.
Nakakatulala.
Nakakadismaya.
Ang daming nagsasabing magaling naman o matalino ako, pero hindi, madami lang siguro akong alam pero hindi ako magaling, believe me.
I'm a jack of all trades but a master of NONE.
Kung papipiliin nga ako ngayon sa ilang bagay na ginagawa ko, hindi ko alam kung anong isasagot ko. Hindi ba pwedeng lahat nalang gusto ko? Hindi ba pwedeng lahat kunin ko? Ang hirap hirap laging maniguro. Ang hirap pumili ng tama para walang pagsisihan sa dulo.
Pero..
Hindi ko inakalang dadating ang panahon, walang pagdadalawang isip. Naging sigurado ako. Pakiramdam ko kahit anong problema o larangan, magiging tama ang desisyon ko.
Noong dumating siya.
