وردية:
_نضت صباح كي العادة على السردوك ....رحت غسلت وجهي ملليح بالصابون ...لبست جبة تاع دار ....ضفرت شعري الجميل ...لي بلا ليسور ولا حتى سشوار :) (قاعدة نزوخ) لبست بليغة و درت فونارة فوق راسي بحيث شعري ميبانش
جبدت البيدون لي حنعمر فيه الحليب و اتجهت للمزرعة باينة هوما قاع يرقدوا و انا نحلب..بسك متنطحنيش ...هبطت لعند اابقرات و بديت نهدر معاها هاذ البقرة ركبتلي الجنون ...غير انا لي تحب نحلبها لي يجي ليها تضربوا ...
وردية:ايه نتي كولي و اشربي و ديري لحليب
و انا نحلبك كل صباح
البقرة:موووووو
وردية:ديري ديري مووو كون جيت في بلاصة جدي نبيعك نجيب فيك 80 مليون ياجدك 80
البقرة:مووووو
وردية: زيدي زعفي ياوحد البقرة
البقرة:مووووو
وردية:هاه كولي روحك ياوحد المصفارة حاسبة روحك
رفدت البيدونات تاع الحليب و طلعتهم للدار درتهم في قرعات و حطيتهم في لفريجيدار ....
هبكت نجيب بيضات من عند الجاج ...عفلتهم كي حطيتلهم ياكلوا و رحت جبدت البيضاء
طريق كاملة و انا نقصر مع القطة تاعي ...
و طلعت للدار شللتهم و درتلهم حاجات يشربوا بيهم قهوة و طيبت الحليب طلعت ننوض سارة
سارة:اممم جيتي
وردية:وي ...هيا نوضي نروحوا نجيبوا الليم
سارة:صحا راني جاية ...
رحت للحمام بدلت هاذوك لحوايج ... عاودت غسلت و درت فونارة وحدوخرا ....هنا فالدوار نلبسوا فونارة و جبب تاع دار ...
خرجت لقيتهم كامل فوق الطابلة ...شوف كي تجي في الماكلة كيفاه يهجموا ....
رحت عيطت لسارة كانت لبست و شربت قهوة ...
وردية:سارة جيبي معاك هاذيك السلة الكبيرة
سارة: وي جبتها
رحنا نحوا الياسمين و نعتني بالورد تاعي ....
حنا فالجنانات تاعنا عندنا كل بلاصة و واش فيها كاين الجيهة تاع الشجر تاع الفاكيا و تاع الخضرة و تاع الورد لي نحبهااااا
سارة:وردية
وردية:وي
سارة:اسمعي عندي وحد لخبر
وردية:😂 نموت و نعرف منين تجيبيهم
سارة:سر المهنة يازين
وردية:😂 هاي بدات
سارة:تشفاي يوسف
وردية:شكون؟
سارة:لي حكموا مجيد خوك لكبير كي كنا صغار يسرق من الجنان تاع التشينا
وضربوا
وردية:نسيتوا
أنت تقرأ
رْجَعْتْ لْلْدَشْرٓةَ﴿ اللهجة الحزائرية﴾
Paranormal_قد تكون حياتنا مختلفة الا ان قلبنا ققر ان يجتنع ...قرر ان يبقى معكَ انت ...لحسن الحظ اننا التقينا _انا احببتكي ....من يظن انا كل هذا بدا بخدعة ...من يظن ان كل هذا يبدا بمشكلة حقا احببت هذه المرة
