زعما تقدوا تجاوبوا على لاسئلة لي راهي تحت 🙂
_______________
مساء🍃
وردية
جوايه ستة تاع لعشية كي بدات السخانة تهبط ،هنا فالدوار نخرجوا و نقعدوا بين عجايز و نساء و دراري صغار
كل وحدا واش ندير لي تخدم صوف بالقرداش و لي تفتل الطعام ، ولي تعجن و لي تخدم فالزيتون ،و لي تطرز ،ولي تدير الصوف (😂 كثرت بزاف 😂 علابالي )
يعني فهموتي جو هايل يخرجوا الماكلة انا أصلا كلما نحاول كاش وصفة نخرجهالهم للعجايز تاع دشرة يذوقوا و يعطوني رايهم
اذا كانت وصفتي بنينة 😂 يقولولي يماك عاوناتك مي كي متكونش شابة يعطوني نصائح باش متزيدش تخسرلي
كنا قاعدين كامل متجامعين ليوم سارة هي لي طيبت كنا قاعدين نعلقوا على الماكلة تاعها الصعلوكة راهي تتعلم طيب واقيل حلبة نتزوج و تخليني وحدي 🙁
درت نتفقد روزا بسك مام هي تخرج تقعد مع لبنات حتى لمحت خالتي الجوهر 🙂 يمامي هاذي المرأة معلاباليش علاش نحبها من عند ربي
رتاحلها قللبي و كذا :) مع انو شكلها شوية يخوف تلبس جبب تاع دار (تاع عجايز و ندير فونارة و تلبس سناسل و كذا ) مي ناس قاع تتفاهم معاهم حبيت فهمي نتبسم معاها كي البهلولة 😂
،حتى حسيت بحاجة دخلت في روبتي و قرضتني فالركبة تاعي
ياربييي اعععععع نضت نضبح بصوت تاع المعزة الجذاب ،ياربيييي
دخلتلي نحلة فالجبة تاعي و قرصتني نضت نصوطي و ندير حركات غريبة
و سارة نسقسي فيا و انا نقولها نحلة نحلة
سارة:ياربيي اهدري و شبي جدك و واش من نحلة انطقي
وردية:نحلتني قرصة
سارة:اه ؟
وردية:قرصتني نحلة فرجلي
سارة:منين دخلت هاذي
ودرية:ايييي
خالتي لجوهر:ياطفلة و شبيك ؟
وردية:قرصتني نحلة
خالتي لجوهر:😂 يخاه نحلو دارت فيك قاع هاذ الشي
وردية:اعععع مانيش قادرة نمشي يا رجلي دك تنقطع
خالتي لجوهر :اصبري اصبري نعيط ليوسف يطلعلك لدار ديريلها شوية خل ولا جافيل تروحلك
وردية:يماما رجلي راح تروح نولي نمشي بالكروسة
سارة:صدعتيلي راسي و ديجا هاذي نحلة كيفاه دخلتلك فالجبة
وردية:سارة ! حق ربي دك ندور عليك نخرج فيك زعافي حبسي جياحة !
أنت تقرأ
رْجَعْتْ لْلْدَشْرٓةَ﴿ اللهجة الحزائرية﴾
Fantastique_قد تكون حياتنا مختلفة الا ان قلبنا ققر ان يجتنع ...قرر ان يبقى معكَ انت ...لحسن الحظ اننا التقينا _انا احببتكي ....من يظن انا كل هذا بدا بخدعة ...من يظن ان كل هذا يبدا بمشكلة حقا احببت هذه المرة
