معلومات

الجزء الأول

*والذين إذا فعلوا فاحشه او ظلموا أنفسهم ذكروا الله فستغفروا لذنوبهم ومن يغفر الذنوب إلا الله ولم يصروا علي ما فعلوا وهو يعلمون، أولئك لهم جنات تجري من تحتها الأنهار خالدين فيها ونعم أجر العاملين*
كل سنه وانتم طيبين رمضان فضله أسبوع تقريبا.. وقبل ما ندخل رمضان عاوزين ندخل رمضان وإحنا قلبنا أبيض ونضيف و نقابل وجه كريم يكرمنا بكرمه ويرفع عنا الوباء والبلاء ده.. لذلك النهارده ومع أول رجوع ليا في الكتابه مرة تاني لازم أبدأ بالتوبة لله سبحانه وتعالى بحيث نبدأ كلنا على نضيف..
التوبة.. لازم نعرف ماهية التوبة.. ايه هي التوبة وبتتصلى ليه؟
-التوبة هى الرجوع إلي الله وترك الذنب والفحشاء ووعد إلي الله ألا نعود الذنب مره ثانية.. وتُصلى كي نقتلع عن الذنب و ليغفر الله لنا هذا الذنب.

*وتوبوا إلى الله جميعا أيها المؤمنون لعلكم تفلحون*
دلوقتي أحنا عرفنا ما هي التوبة وليه بتتصلي.. نعرف دلوقتي بقي هي بتتصلى ازاى..!
- صلاة التوبة أو صلاة الأستغفار لكى تُصلى.. يلزم الوضوء وضوء تام و صلاة ركعتين كأي ركعتين فيهما يدعو التائب الله على أن لا يعود للذنب مرة أخري ويدعو الله ليغفر له.

وعلشان كده طالما هنصلي صلاة التوبة لازم يكون فيه شروط التوبة أصلا.. فالشروط هى..
١- أن يقلع التائب عن الذنب.. يعني منرجعش نعمل الذنب تاني.
٢- أن يندم علي ما فات وفعل.. إننا نندم من جوانا إننا عملنا الذنب والجرم ده في حق الله وهو يرانا وجعلنا الله اهون الناظرين لنا.
٣-أن يعزم علي عدم العوده.. انو ميرجعش تاني للذنب مره تاني.
٤- لو كان التائب العباد له حق عنده يلزم أن يردها.. زى السارق  كده لازم يرجع كل حاجه سرقها لأصحابها مره تاني.
إذا ديه كده كل شروط التوبه.. طب وأنا بصلي الركعتين أقول ايه لله عز وجل.. أدعي أي دعاء عاوزه وقول ((اللهم أنت ربي وأنا عبدك خلقتني وأنا عبدك وأنا علي عهدك ووعدك ما استطعت أعوذ بك من شر ما صنعت أبوء لك بنعمتك وابوء لك بذنبى فغفرلي فإنه لا يغفر الذنوب إلا أنت)) او قول،، ((ربنا ظلمنا أنفسنا وإن لم تغفر لنا وترحمنا لتكونن من الخاسرين)) وأي دعاء تحبه قوله واطلب العفو والمغفره من الله وأن الله ياخد بأيدك ويقويك إنك تنتصر عن الذنب.

طب تمام عندي دلوقتي سؤال.. هي ليها وقت معين؟
- الجمهور من الأئمة قالو لا ملهاش وقت معين إلا أبو حنيفه قال بلاش الصلاة بعد الفجر حتي طلوع الشمس و من بعد صلاه العصر حتي غروب الشمس.

طب أنا دلوقتي ندمت و قومت عملت شروط التوبة وصليت إيه فضل التوبة ديه يعني هتعملى ايه ف ىحياتي؟
١- محبه الله التائب.. الله سبحانه وتعالى يحبك لأن الله يحب التوابين ويحب المتطهرين.
٢-تزكيه النفس.. يعني نفسنا تتطهر من الذنوب والخطايا والآثام
٣-وسعه الرزق.. ربنا يوسع علينا من رزقه في مختلف الارزاق
٤-التوبة تجلب الراحة النفسية التائب.

طب سؤال تانى معلش.. هل ممكن اتوب مره واحده بس ولا لازم كل مره؟
- لو توبت عن كل ذنوبك يكفي توبه وحده بشرط عدم الرجوع.. لو عند ذنب بعينه يجب التوبة عن باقي الذنوب.

طب لما ارجع لله ايه اللي هيحصل؟
- في حقله للداعيه مصطفي حسني قال : الرجوع لله مره اخري له ٣ كنوز وهما..
١- البداية من جديد.. بمعني إن العبد إذا تاب رجع نضيف وجديد لان قال رسول الله صلى الله عليه وسلم ((التائب من الذنب كمن لا ذنب له)).. يعني كأنك اصلا معملتش الذنب
٢- تبديل السيئات حسنات.. ازاى ده يعني سيئاتي تتحول حسنات لوحدها كده.. اقولك ايوه.. لأن الله سبحانه وتعالى يقول في سوره الفرقان ((إلا من تاب وآمن وعمل عملاً صالحا فأولئك يبدل الله سيئاتهم حسنات))
٣- البعث في وسط أهل النور.. يعني ايه الكلام ده إحنا يوم القيامه هيبقي معانا نور وكل واحده وعلى حسب اعماله تكون نسبه وقوة نوره إلا التائب.. طب ايه الدليل.. الدليل هو قول الله تعالى ((يا إليها الناس توبوا إلى الله توبة نصوحة عسي ربكم أن يكفر سيئاتكم ويدخلكم جنات تجري من تحتها الأنهار يوم لا يغزى الله النبي والذين آمنوا معه نورهم يسعي بين أيديهم وبأيمانهم يقولون ربنا أتمم لنا نورنا واغفر لنا إنك علي كل شئ قدير))
إذا فالتأئب يحبه الله و يبدل سيئاته حسنات و كمان يبعث بنوره كامل يوم القيامة يبقي عاوز ايه تااانى!

طب جالي سؤال في بالي حالا.. هو عادي أتوب من نفس الذنب اللي عملته ألف مره؟
- اقولك ببساطه إن الله لا يمل حتى تملوا.. يعني لو يتقع فى ذنب كل مره قوم صلي صلاه توبة واعزم إنك مترجعش تاني وهكذا أفضل جاهد نفسك و خليك علي إصرار إنك تغلب الذنب وتغلب نفسك وشهوتك.

طب دلوقتي أنا بعد ما أقع في ذنب واصلي واتوب اعمل ايه تاني؟
- أعمل حاجه اسمها استثمار الذنب.. زى البورصه كده.. بمعني إنك ارتكبت ذنب دلوقتي مثلا خدت عليه سيئه.. استثمرها بقي يعني قوم استغفر الله وسبح و قول لا إله إلا الله كده يعني وأقرأ قرآن وصلي ركعتين قيام شوف بقي كم الحسنات وخد بالك الحسنة بعشر أمثالها.. يعني قدام سيئه واحده عملت مثلا ١٠ الف حسنه.. ومش بس كده السيئه كمان ربنا يغفرها ليك شوف يعني مفيش احسن من كده.

طب فيه وقت مقدرش اتوب فيه؟
- فيه وقتين من موانع التوبة متقدرش تتوب فيهم ولا تتقبل التوبة وهما..
١- إذا بلغت الروح الحلقوم..عند الموت مفيش توبة
٢-إذا طلعت الشمس من مغربها برضو مفيش توبة

إذا فأحنا علينا إننا نتوب ونرجع لله سبحانه وتعالى مش بس للكم الهائل من الحسنات والاستفادة إللي هتيجي لينا لا كمان علشان نفسنا علشان نكون ناس سوية من جوانا وحب الله متغلغل في قلوبنا جميعا.

نتوب قبل رمضان علشان ندخل عليه بإذن الله عندنا طاقه كبيره للتقرب من الله ونطلع منه كمان واحنا حابين القرب من الله ومش عاوزين نبعد تاني ولا نكرر الذنوب لأن القرب من الله جميل جدا ومريح ومش بس غلشان رمضان علشان محدش فينا يعرف قدره ولا يعرف موته امتى فلازم نكون دايما بنتوب أول بأول.. علشان كمان تقربنا من الله يتقبل من الجميع ويرفع عنا الوباء والبلاء ده..

فاللهم أرزقنا قبل الموت توبة وعند الموت شهاده وبعد الموت جنة ونعيم.. اللهم إنا ندمنا ورجعنا عن كل ذنب اقترفتاه ونعاهدك على ألا نعود له مرة أخري اللهم اغفر لنا واعفو عنك وأنت العفو الغفور.. سبحانك الله وبحمدك اشهد ان لا اله الا انت استغفرك واتوب اليك. ❤️
#فرح_هانى.