تذكير:
عند ملاك:
خالتي:
ملاك...ملاك فز بدل دبشك و افطر باش تلقى روحك حاظرة وقت تجي التسعة
ملاك:
اوووووه نعمبوه هالليسي الخرى وقتاه يتحرق و نرتاحوا منو
"تهني ملاك هانا رتحنا في البيريود تاع كورونا😢🙂💔"
خالتي:
هيا ملاك فزي عاد لازمني نهبط نقضي و ما عنديش وقت ليك
ملاك:
باهي ها ماما وخيتي هاني فزيت هاكي تشوفي فيا فايقة
"فايقة و عينيها محلولة نص ب نص 😂🤦"
فجأة تتفجع و تتحل عينيها على مصراعيهما جراير خالتي اللي سكرت الباب وراها بالقوي
ملاك:
هاهي بالشوي الباب باش تهديه ها عزايا
و مشات بدلت دبشها
∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆∆
عند ريم:
دخلت للكولاج روتار تلقى المدير شاد الباب يبلّط في التلامذة
دخلت تجري
هبطت للبلوك اللوطاني وين تلقى ولاد كلاسها شادين الصف يحاسّوا و القيم الأجاشي(الشايب)يبخص فيهم
ريم:
رتحت من البخص تع أمي جاني هالخرى هذا بالك ناقصاتو توا
و فجأة تتعدى إسراء و هيلم من قدام كلاس ريم
ياخي ريم باش م يلاحظهاش عمي العساس طبست لوطا(قصرت في روحها) و بدات تتسلهب بين الصفوف للي خلطت عليهم
ريم:
اااااا بنات ستنّوااااا
هيلم:
ياخي هذا موش صوت ريم؟
إسراء:
يي والله هيّ شوفي
و تلتفت الفتاتان لتريا تلك الفتاة التي تصيح كالنعجة لدرجة انو العباد الكل قعدو يخزرولها
إسراء:
هاهي بالشوي العباد تخزرلك
ريم:
يمشوا يشيطوا لاهية بيهم أنا المهم مانيش جايتكم على هذاكا
هيلم:
على شنوا
ريم:
على شنوا؟
إسراء:
يا ربي صبرك ملا بهايم نعاني فيهم
(قول حشاكم ها إسراء وخيتي خيرلك)
ريم:
اااااااااااا تفكرت حاجة
هيلم&إسراء:
نشالله خير🙄😒
ريم:
ف
يبالكم فما مسابقة تع تايكوندو💖💖
و اللي باش يربحوا باش يمشوا ل كوريا الجنوبيه
إسراء:
يااااا جو نحب نمشي والله...
هيلم:
خسارة مانيش نترانا أنا💔💔
ريم:
أصبر نكمللك هاو جايك الحديث اللي تربح تهز معاها وحدة
و الا واحد عزيز عليها
هيلم:
هزوني معاكم أمان
إسراء:
كان سهل ربي و ربحنا صار
ريم:
جو ملاك اون لاين توا نبعثلها ميساج و نتشمت فيها أما خايفة
يدڨني ربي و ما نربحش محسوب نبدوها على طيبة
_________
عند ملاك:
ملاك:
عاااااااا امبوسيبل
عبير:
شبيك شفما هااا مصيبة
ملاك:
يميمتي يميمتي شنموت
و حطت إيدها على قلبها و غمضت عينيها
ياخي عبير بدات تشد فيها و تعيط
عبير:
وووووو الطفلة ماتت ماتت و ما ممشاتش ل كوريا ووووووه شكون باش يمشيلها كان ما مشاتلهاش هي
ملاك:
سكر فمك عمى قايلوا ماهيش باش تمشي ل كوريا فال الله
و لا فالك
عبير:
مالا شبيك
ملاك:
حتى شي جيست بنت خالتي بعثتلي ميساج و قاتلي فما مسابقة تع تايكوندو و اللي تربح تهز معاها واحد
_____________
عند ريم:
دخلوا للكلاس و دخل وراهم الأستاذ ياخي ٱقتحم الكلاس المدير
الأستاذ:
قفواااا
وقفوا الناس الكل
المدير:
ٱجلسوااا
ريم بصوت واطي:
شنوا عاد ولات لعبة توا تزعبين متاع وذني
المدير:
فيبالكم بالمسابقة؟
الناس الكلها سكتت كان ريم
ريم:
اي فيبالي
المدير:
فما مسابقة تع تايكوندو و اللي يحب يشارك فيها كان ربح يمشي ل كوريا الجنوبيه و يهز معاه واحد عزيز عليه و كان ما ربحش الله غالب علينا و عليه ايا في أمان الله
_________
ستوب🗣️
البارت يوفا لهنا✋
