تذكير:
عند ريم:
دخلوا للكلاس و دخل وراهم الأستاذ ياخي ٱقتحم الكلاس المدير
الأستاذ:
قفواااا
وقفوا الناس الكل
المدير:
ٱجلسوااا
ريم بصوت واطي:
شنوا عاد ولات لعبة توا تزعبين متاع وذني
المدير:
فيبالكم بالمسابقة؟
الناس الكلها سكتت كان ريم
ريم:
اي فيبالي
المدير:
فما مسابقة تع تايكوندو و اللي يحب يشارك فيها كان ربح يمشي ل كوريا الجنوبيه و يهز معاه واحد عزيز عليه و كان ما ربحش الله غالب علينا و عليه ايا في أمان الله
__________
في الوقت الحالي:
خرجت ريم فرحانة تبرطع تلعب في عينيها تلقاش هيلم
و إسراء ياخي لقاتهم شادين الصف على بياعة الملاوي اللي في وسط الكولاج
ريم:
لبنااااات
إسراء:
أهلا ريم لاباس؟جاكم المدير؟
ريم:
ااااا تحكي على عم بڤور؟اي اي جانا و حكى معانا و انا ماني مركزة كان مع كرشو😂
هيلم:
ياخي انا عرصة ما بيناتكم؟حتى احنا جانا المدير و حكى معانا و مفما حتى حد باش يشارك😢
ريم:
اسكتي بركة هيلم ماو قلنا توا نهزوك...
هيلم:
باهي باهي هاني سكتت...
ريم:
لبنات جاتني فكرة
هيلم:
تفضلي احكي
ريم:
شقولكم نمشوا لهاك القيمة شسمها هي والله نسيتها تي هاك القيمة اللي صابغة شعرها بالأحمر و نتشحتوها بلش تحطلنا غناية Kill This Love
هيلم:
اااا تحكي ع مدام صبرين
ريم:
اي أي صبرين و الا اللي هو شقولكم في الفكرة
إسراء:
والله فكرة علاش لا
مشينا عاد لمدام صبرين و قعدنا نتشحتوا فيها
مدام صبرين:
لا البنات ننجمش البروفات قالوا الغناية موش كالم معناها قوية على وذنيهم
ريم:
سامحني مدام ياخي التلامذة هما اللي باش يسمعوا الغنا و الا البروفات؟و على حسب علمي البروفات جايين باش يقرِّيو موش باش يسمعوا الغنا و كان باش تقولي لي حتى التلامذة جايين باش يقراو انتوما حاطين الغنا للتلامذة بلش يرفهوا على رواحهم
مدام صبرين:
لا لبنات والله لا ننجمها شوفوا غناية اخرى كالم
قعدت ريم تخمم و مبعد قالت
ريم:
لبنات شقولكم في Euphoria متاع جونغكوك؟
إسراء و هيلم:
اي والله فكرة
مدام صبرين:
سمعوهالي الغناية توا نقوللكم اي و الا لا
سمعوها الغناية ياخي وافقت و خدمت الغناية بعد ما وفات الريكري جات ريم و هزت تليفونها و دخلت للكلاس
يظهرلي الجو في الكولاج ماسط لذا خلّونا نسرعوا في الأحداث شوي...
روحت ريم للدار لقات أمها في الكوجينة و الباقي في الصالة
بدلت دبشها و مشات حذا أمها
الأم: ريم طلبتني ملاك قبل بشوي تسأل عليك و كي ما لقاتكش قاتلك اطلبني مبعد
ريم بصوت واطي:اللطف شتحب هاذي
ريم:باهي ماما هاتي ماشية نطلبها
😈😈😈😈😈😈😈😈
📞📞📞📞📞📞📞📞📞📞
Votre correspondant n'est pas joignable pour le moment veuillez laisser un message si vous raccrocher maintenant L'appel sera terminé
ريم:اش بعزاها هاذي تو
و فجأة و من حيث لا تدري
You're The cause of my euphoria
صونا تليفونها🙂
و ملاك هي اللي تطلب
ملاك:رييييييييييييييييييم
ريم:يراه صاكك بهيييييييييييييييييييييييييييم
ملاك:امااان امان براص امك براص ماما براص اللي يعز عليك
ريم:🙂شبعزاك تكلمي
ملاك:☺️تهزيني معاك
ريم:وين نشالله خير؟
ملاك:يا بهيمة و المسابقة
ريم:اااا تذكرتها نشالله نربح
ملاك:المهم كي تربحي تهزيني معاك🌚
ريم:مهأه🐸شكون اللي قاللي بهيم قبل بشوي
ملاك:والله نفدلك
ريم:زيد لحلح بيا شوي
ملاك:نعن******(ملاك راو رمضان وخيتي🐻)
يتبع...
