كذاب ولكن ❤

اول مره اصعد طياره جنت خايفه بس خوفي من قراري الي اخذته قبل شهر كان اكبر حياة جديده بلد جديد وناس جديده و...زوج...شخص بحكم الشرع والقانون وبعرف العالم هو شريك حياتي اختاريته او هو اختارني او القدر اختارنه مااعرف بس اعرف هو جان الحل الامثل الي هو الشخص الصح بلوقت الصح لو يمكن غلط ماعرف بشنو افكر او شنو احجي لان هسه يله حسيت اني شسويت.... 

احمد:ود...ود وين وصلتي صارلي ساعه احجي...
ود: اسفه مجنت منتبهة ،خير
احمد: بشنو دتفكرين وهيج ممنتبهة؟
ود:بقراري الي اتخذته...
احمد:جايه تفكرين بقرارج واحنه مسافرين ود وين جنتي صارلج شهر هذه اولاً اما ثانياً فمستحيل اسمحلج تتراجعين هسه .
ود: الشهر الي فات جنت اقنع العالم كلها بقرار اهلي وصديقاتي واهللك هم ام سالفة اتراجع فوقت التراجع فات مستحيل ارجع الاهلي بعد عرسي بيومين حتى اذا همة محجو فلناس مراح تقصر بس هذه ميمنع انو اني بعدني ممتعوده على  وضع الجديد .

احمد:عندج وقت طويل حتى تتعودين ود اني واني متفقين على شكل حياتنا فلتشيلين هم واستمتعي بلرحله وشوفي الجو خليتج تكعدين يم الشباك .

ود: محسسني صاعده كيه هههههههههه 

احمد: شسويلج اريدج شويه تهدين
ود: هههههه اوكي
نداريت على الشباك وشفت الغيوم الساعة ب7طرنه من بغداد شفت الغيم ولاضويه جوانه تذكرت قبل شهر من كعدت ويه اهلي...

(

ود: هلوو بابا اريد احجي وياك بموضوع مدام كلكم مجتمعين
ابو سيف: كولي بابا
ود: اكو شخص يريد يجيكم
ابو سيف: منو وشيريد.
ود: بفتره التدريب شافني جان ديودع فلوس بلمصرف وقبل سبوع اجه للجامعه وتشاوفنه صدفه وطلب يقابلكم.
سيف: شنو كدامج هنود ود
ود: ليش.
سيف: شافج مرتين ويريد يخطبج.
ام سيف: شمدريك يخطبها يمه.
سيف: مبينه يمه بس اريد افتهم شلون
ود: تشك بيه سيف
سيف: موشك ود بس شوفي الموضوع من وجهة نظرنه وشوفي نفسج تقتنعين.
ود: والله متجاوزت اي حد ويا ولا صار اي شي يخل بتربيتي او سمعتي مجرد بفترة تدريبي اجه وصار تعامله ويايه وبقه يتردد على المصرف شكله ملفت والكل محترمه ومقدره فلفت انتباهي بس من بعيد كلامه جان ويايه بحدود شغلة بس وانتهى التدريب ورجعت للدوام واول بارحه اجه للكافتريا وطلب ياخذ موعد حتى يشوفك حتى اني تفاجأت بوجوده.
ابو سيف: خوش خل يجي السبت وانشوف شيريد.
سيف: وانتي شلون راح تكوليله تعال السبت.
ود: انطاني كارته حتى ابلغه بلموعد.
سيف: كومي جيبي الكارت خل اشوفه
ود: كمت واني اتشاهد بحياتي ممحطوطه بهيج موقف ولا تصورت سيف هيج راح يسوي من يعرف بس همزين احمد انطاني الكارت مالته ولافكرت بهلموضوع
ود: تفضل هذه الكرت
عفتهم وكمت لغرفتي نمت على جربايتي واني افكر بلي ديصير دقايق وانفتحت الباب نور مرت سيف اخوي وايه اختي
ايه: كومي هذه منين وشنو قصته؟
ود: اعتقد حجيت برى وكلت شنو قصته.
نور: بس سيف مقتنع واني هم من شوفتين يخطبج.
ود: ليش شبيه قابل الحمدلله ادب واخلاق وعائله وشكلي هم مقبول .
ايه: نور تقصد ماكو واحد يتزوج هيج هسه
ود: الي عند كلته صدكتو كان بها مصدكتو مو مشكلتي طفن الضوه وسدن الباب اريد انام)
حسيت باحمد يكعدني
احمد: اربطي الحزام ود راح نهبط

معقوله وصلنه الظاهر نمت بدون مااحس ساعتين و45 دقيقه نزلنه بااسطنبول كمل احمد الاجراءات وطلعنه لكينه سياره وبيها سايق فتحلي احمد الباب و صعدت مشت بينه ازدحامات ذكرتني بشوارع العراق وكفنه كدام مكتب مكتوب عليه بلتركي مفتهمت الكتابه نزل احمد الجنط مالتنه جنطه الي وجنطه لاحمد لا كلي لتشترين شي منريد غراض هواي مناك نشتري صعدنه للشقه فتح احمد الباب وطبينه شغل الضوه المكان وصخ لان متروك وممرتب فزيت على صوت قفل الباب
احمد: لج بنتي شبيج مرعوبه ود مراح اكلج والله رجاءاً بطلي هلخوف صدك بديت اضوج
ود: عادي يعني شخص غريب ودوله غريبه
من حقي اخاف واستغرب شويه واتعود لتركز ويايه

احمد: خوش باعي اعرف المكان وصخ وممرتب اصلا جنه بس انام هنا من يجي احد منعدنه لان المكتب جوه فااقرب
ب

س اذا تردين ناخذ بيت او شقه بغير مكان عادي. 
ود: لاخلينه هنا بس يرادله تنظيف وغراض جديده يصير يجنن.
احمد: اوكي نرتاح من السفر وشوكت ميعبج نطلع وانتي رتبي على ذوقج.
ود: كم غرفه اكو.
احمد: غرفتين ومطبخ وغرفة كعده يعني استقبال.
ود: غرفه الي وغرفه الك مو صح.

يتبع.....

مساء الور🥀د لاحلى متابعين بقصه (كذاب ولكن) واتمنى انو تعجبكم وراح تعيشون معي اجواء منوعه ولتنسون القفلات😁
انتظروني ❤
تحياتي لكم ومشاهدة ممتعه للجميع.