العشق الممنوع

البارت الثامن

ياسين: واكف بلباب ولابس قاط بحجه اشوف اهلي شيحتاجون شعاوزهم  هو اني انتضر نور عل احر من الجمر..

اجت ورا ساعه من لاانتضر وكل خطوه التمشها كلبي ينبض وياها...

من شافتني كلشي محجت لان امها وياها

نور: سلام عليكم

ياسين: هلا وعليكم سلام

نور: تعاي ماما هذا بيت صديقتي

ام نور: لعد شعندا هذا الولد بلباب

نور: ماما هذا اخوها

ام نور: اها بس ميصير هيج يوكف والبنات دايجون مايصير غلط

نور: يلله ندخل

ياسين: هيه تباوع من جوا الجوا واني اباوعلها

وحيل فرحان بشوفتها

صح وكفتي غلط بس اني متستعد كلشي اسوي  من ورا نور

هدى: اني كاعدا والابسه بدله وخواتي يغنن ويركصن محتفلين بعرسي

جان تجي نور اني مااعرفها منو بس شايفته من مرا اجت عل ماما..

نور: مبروك حبيبتي شايفه كل الخير شنو هل جمال ماشاء الله تخبلين

هدى: انتي لااحلى يعمري كلج ذوق

نور: هاي هديه من الج وعذريني من التقصير

هدى: لا حياتي  ليش كلفتي نفسج مشكوره ماتقصرين

الهديه مغلفه بكارتون جايبتلي سيت جنطه وحذاء بس الحذاء جبير عليه لان متعرف قياسي

كعدت يمي وامي يمها بصفها تسولف وياها ماما كامت وشاورتني كالت تعرفي عليها وبوكي لسانها شوفي شنو تحب دخلي بمواضيع

هدى: ليش

فرح: عود اني اكلج بس سوي الكتلج عليه

هدى: صار ماما راحت من يمي....
شسمج انتي ههه والله اجيتي وباركتيلي ونطيتيني هديه بس لساتني مااعرفج لاصغرا بيج

نور: اي حقج متعرفيني اني نور صديقه اخوج ياسين وهو عزمني

هدى: استغربت من جرائتها

حياتي كل الهله بيج...

كعدنه ساعه تقريبا اني ويها سوالف واسلوبها كلش عجبني ورقيقه كلامها ناعم من تحجي فاهيه...

نور يلله كلبي اني اترخص 

هدى وين بعد وكت ابقي عدنه عليج الله

نور: لا هم هاهيه ماما كالت بس ساعه بلكوه قبلت اجي قنعتها واجيت انشاء الله عل غير مره

هدى: شوكت متجين هلا بيج الباب مفتوح الج..

راحت واني عرفت امي كعدتها يمي علمود ياسين يعني داتخطبليا