العشق الممنوع

بارت 11

زينب: انته متحس بيه

ياسين: شتقصدين زينب بشنو احس

زينب: اني مالي احد وانته تعرف بهذا الشي وحنيت
عليه وجبتني عدكم وهذا فضلك ماانسى طول عمري بس اني ردتك تصير الي

ياسين: اصير الج زينب احجي عدل عيب يطلع منج هيج كلام

زينب: الحب ميعرف العيب واي اني احبك

ياسين: والمطلوب شنو مني

زينب: اني سمعت بأهلك من رادوني الك اني بذاك اليوم طرت من الفرح كلت هسه يوافقك بسرعه وبدون تردد بس الصار عكس خلتني بذيج ليله اني نوم مشايفته بعيني واكعدت ابجي بسببك ليش اني شبيه شناقصني

ياسين: اول مره اشوفج بهل اسلوب ماتوقعتج هيج اني باجر خطوبتي وارجوج طلعيني من حياتج

زينب: بهل بساطه لك انته من تمشي بلبيت احسك تمشي بدامي

ياسين: ترى مصار شهر من عطلت شلحكتي حبيتيني شهل الكلام الفارغ مال مراهقين كبري عقلج

زينب: اني مو طفله انته سامع بلحب اول نضره اي اني حبيتك من اول نضره وخاصتا من كمت اشوف حنيتك ويه اهلك ويايه هم واباوع تصرفاتك وثقافتك

ياسين: لاتكملين زينب بعد صغيره عل هل كلام

زينب: لاتكول صغيره راح يصير عمري 17الي بكدي مزوجه ترى

ياسين: هسه انتي شتردين مني

زينب: اريدك

ياسين: ونور

زينب: اني اقرب منك لاتفضلها عني بنت غريبه لانعرف اصلها ولا من ثوبنا

ياسين: مااسمحلج تحجين عليها بهاي طريقه وشنو مو من ثوبنا هذا كلام مال مزعكه مااريده مفهوم هاي بجر راح صير مرتي وماعندي بعد اي كلام وخلي حبج يفيدج الج

زينب: ياسين اريدك تفهمني اني احبك حس بيه احبك داتعذب من وراك
ولو حتى اكون ضره النور عادي

ياسين: ههههههه عيدي الي كلتي بله مفهمت ضره شبيج ارجعي العقلج هاي عود اني لااك ل عليج عاقله ومؤادبه

زينب: وهسه وبعد بس بسبب حبك تخبلت

ياسين: تصبحين عل خير اروح انام احسلي لو ادري ماجاي ابركلي كومي غسلي وجهج وكافي بجي نامي لاتحلمين

زينب: هيج بساطه راح تعوفني وبدون اي كلام يطيب خاطري

ياسين: يازنوبه يابت خالتي اني حاسبج مثل اختي والله شاهد اعزج بمعزت اخواتي واكثر واني برجلي جبتج هنا حتى تاخذين راحتج ماعدنه احد واني جنت بداومي وحاليا عطلت اني 
وبقدر لاامكان احاول ابتعد عنج حتى مااحسسح متقيدا بحجاب والبس دائما اكول خل تاخذ راحتها ويه خواتي
لاتصرفين هيج  اني بعد رف كلبي لنور وانشاء الله صير قسمتنه ونزوج وانتي هم مراح ضلين هيج انشاء الله يجيج احسن مني وتزوجين وتعيشين حياتج لاضلين بأمل مني