"وأشتهي التَعَطُرَ بِكَ.. عِناقًا"
__
جالس بين أصحابه هذا يضحك مع ذا وذاك يسولف مع الثاني واللي يلعب واللي على جواله واللي نايم بركن لحاله
لكن باله مو معهم ابد ولاهو منتبه للي يناديه له مده
الين ماضرب كتفه بخفه مخليه يوعى على نفسه: ولد وشبه حالك قالب! لايكون عشان ذاك اللي مايتسمى
مسح ع وجه بضيق وتنهيده ثقيله طلعت منه: لايخسي، بس زي ماانت عارف ضاقت علي الدنيا ولاني قادر الاقي لي شغله زينه امشي حالي فيها
ربت ع كتفه يهون عليه: وش نوع الوظيفه اللي تبيها؟ صارلك مده كذا وراك ماتكلمت
رد بهدوء واليأس بدأ يغلفه: واذا تكلمت بيتغير شي مثلاً يا رسيل؟.. اي شي راضي فيه المهم تكون حلال وراتبها زين
رسيل دقه بقوه مخليه يتزحزح من مكانه: خير وش هالدراما ماتعودت عليك كذا بعدين ايه اكيد بيتغير شي لو قايل يمكن اي احد يساعدك ويدبرها لك
مسح ع ظهره يدلك دقته الموجعه وتكلم بعصبيه: وجع يالدفش انت لو مكاني بتقلب دراما غصب، وبعدين من بيساعدني؟ تعرف احد انت؟
ابتسم وبنبرة غرور مصطنع: هه انا رسيل ولد محمد اكيد عندي وواجد بعد
كشر من حركاته: والزق فيك اخلص بس لاتحرق اعصابي وشف لي من الواجدين حقينك شغله تستاهل
شمق فيه: انت هيه تكلم بأدب ولا مابنفذ طلبك
سحبه من ياقته والثاني طاح من المركى اللي كان جالس فوقه وصار تحته
رفع قبضة يده على اساس بيضربه بينما الآخر على طول غطى وجهه بيدينه الثنتين: خلاص خلاص يالكلب امزح شدعوه
بعد ماكان كل واحد بحاله فزو وهم يحسبونهم يتعاركون وبدو يبعدون القابع فوق رسيل: استهدي بالله ردين وش صابك!!
ردين رفع يده دلالة الاستسلام: عوذه يالربع ترا بس نلاعب بعض
قام وهو يضبط ياقة ثوبه اللي تعفط: لعنبوها من ملاعبه
ضحك عليه: تستاهل عشان تعرف كيف تمن علي يالحيوان
رسيل بتجاهل: اقول بس الوظيفه بدبرها لك ان شاءالله من بكره راح اشغل اتصالاتي
قرب منه بسرعه بنية انه يضمه لكن الاخر ابتعد منزوي على نفسه وهو يناظره من فوق لتحت: خير وش ناوي عليه بعد قلتلك تم خلاص
أنت تقرأ
العَزِيف.
Mystery / Thriller- لَمِحتُ في شَفَتيهُ طَيف مَقبرتي، تروي الحِكايات أن الثِغر معصية. "عامية"
