بعد مماطله طويله من شهد وخوفها من الارتباط وعلاقه جديده جا يوم الجمعه كان بعد اسبوعين تقريبا من زيارتهم لي بيت شهد طبعا ابو مازن جا من الكويت وانبسط شديد من مطعم مازن الشغال كويس وانه بدا يكون نفسو وخلي الطيش بتاعو وعايز يكون اسره كان متاثر شديد وفرحان في نفس الللحظه المهم جوهم لي ناس شهد ع اساس خطوبه 😂😭😂😭لكن حدث ما حدث وبقى عقد عديل طبعا شهد بقت تصرخ وتقول شنوو عقد كييف لالا 😂😂😭😭😂😂واتجننت فيهم وامها بعد كف حتي سكتت مرام كانت معها وتشيل وتبارك ليها وتقول ليها خلاااص ح تتزوجي 😭😂😂😭😭وشهد بقت تبكي 😭💔كيفن يعني هسه عروسه انا 😂😭😂😭😂واخوات مازن وامها يضحكو قوليها ي مجنونه دا يوم كل البنات بتمنوهو وطلعو خلوها ،وزي ما بقولو الايام الحلوه بتمر بي سرعه كانت ايام الحبس بتاعها كلو درامات ومواقف وضحك غايتو الناس قالو اول مره يشوفو عروسه شكالا وهي شغاله ليهم انا ما عروسه 😂😭وكل زول يقول من احلى الاعراس ح يكون 😂😭😭ومازن مع الجرجره والتجهيزات وحاقد ع شهد تكون مرتاحه ويخدموها الوقت دا وهو من محل لي محل وبقى متحير داير يحجز صاله وكلهم غاليات قال خلاص بس عرس بيوت وانه شي بسيط وانتهينا ع كدا سبحان الله في نفس اليوم اتصل عليهو واحد صحبو قاليهم احنا والشباب فتحنا شركه بنظم اعراس انا دايرك اول واحد ننظم ليهو ومجاني ويكون اعلان لي الشركه 😊 طبعا فرح شديد وقال بالجد شهد دي وشها خير علي امورو كلها وحده ورا التانيه تتسهل لحدي ما تم كل شي وجاء اليوم الموعود 😭😍 المساء والناس كلها قاشره ومبسوطه وقف بسياره قدام الكوفير الناس كلهم بتصفق والنسوان بزغرتو مرام واقفه جنب صحبتها والفرحه ما ساعيها كانت عارفه ومتاكده انه شهد بتحبو ومبسوطه بس بتسوي حركات ساي 😂😭🌚 جاء مازن وقف قدامها بالبدله كانت قريب الشهر وحاجه ما شافتو لمن ملامحو متغير ووجيهه حبتين عاينت ليهو مسافه مسك يدها لمرتجفه وقاليها مبروك علينا 😂😭😂ي بقرتي. الناس كلهم بقو يضحكو قاليها قصدي مرتي 😍😭 قالت ليهو بتتظارف يعنيي 🌚 ساقها بعد ما باسها في راسها ركبو العربيه ومشو ع الصاله كانت منظمه بطريقه خرافيه والدخله كانت بي ( فاقدنك لي احمد امين )طبعا طوالي شهد بقت تتبسم بعرف انها بتحبها شديد وكان طوالي في المطعم مزهجه الناس بيها 😂😭😂 ومازن شغال ليها تصدق ي شريك الروح 😍👏🏽💃🏻 وهي تتبسم قاليها عاد الخجله ما جايه 😂😭😂لكن علشان البرستيج وكدا طبعا دا كلو بهمس ليها وهي تحمر ليهو بعدين تبتسم وتطقط بي اصابعها مع الغنيه 😂😭😂 وصلو الكوشه وقعدو وبدت الناس تجي تبارك ليهو ومازن ما قعد كل شوي غنيه يقوم طوالي يتراقص 😂😭😂😂 وشهد تقول ليهو كفاك تعال وهو ولا شغال 😂😭😂😭يرقص قدرتو والناس مبسوطه شهد كانت بتعاين لي الناس حست بي عبره بتاعت الفرح ديك لمن تشوف الناس مبسوط وتحسي انك ح تبكي فجاه جاها ليك مازن يعمل حركات مع عبودي 😂😭😂😭 خلاها تضحك غصبا عنها وهو ببشر ليها قالت ليهو ي مجنون للناس ما لي انا 😂😭بعد شويه جاتها مرام وساعدتها تقوم تغير علشان الجرتق كانت طالعه بالتوب بتجنن مع الحنه والدهب ( نكون واضحين الجرتق احلى شي 😍)دخلو بغنيه تانيه ومازن يبشر وشهد تقول ليهو خلاااصص ثبت يدك 😂😭😂😭عولقتني وهو ولا سامعها قعدو شويه بقت تقول ليهو يويلك تكب فيني اللبن بقوم فيك زي المجنونه 😂😭😂 قاليها مادا المطلوب 😂😭 قام داير يكشحو فيها وهي تحمر ليهو وتبتسم للناس شربو طوالي الناس بقت تتضحك 😂😭😂 هي ابتسم بي خبااثه وكشحت فيهو اللبن 😂😭😂😭 وهو عاين ليها نظام انا حرام علي وانتي لا 😂😭قام والباقي الحبه كشحو فيها قالت ليهو عادي شويه 🌚✋🏼 قاليها اصبري بوريك تاني ما خلااص ادبستي معاي ،قالت ليهو اوكيي نشوف طبعا هم بتونسو ونص يتشاكلو 😂😭😂 قالو بصوت واحد ياخ انا جعان/ه عاينو لي بعض وعاينو للبوفي كشفو كدا لقو الناس مندمجه بالرقص والونسه مشو ع البوفي طبعا هي طلعت كعبها مازن قاليها لي؟! ⁃ اجيي تعبتني ووجعت لي رجلي ⁃ اووكي ماعلينا ارح ناكل ونرجع بهدو زابط ⁃ زابط 🌚😊وصلو وبقو يشلو صحن ويختو فيهو هو قاليها افتحي خشمك قالت ليهو باكل براي قاليها افتح خشمك قبل ما يشوفونا 😂😭😂فتح خشمها وبقو ياكلو مره ياكل وياكلها الناس فجاه بقت تقول العرسان وينهم 😂😭😂الاضواء اتوجهت عليهم وهم في البوفي والناس كلهم ماتو ضحك عليهم ام مازن قالت ليهو دا شنو قاليها شنو جعنا انتو شبعتو واحنا جعانين 😂😭😂😂 جايبن لينا حته كيكه لينا الاتنين كيف بتكفينا 😂😭😂😭امو قالت ليهو خلاص اسكت فضحتنا وشهد طبعا مكمله وهو قاليها طيب انتظري كملتي الصحن ابو شكلك 😂😭😂😭 قالت ليهو هدا الاكل راقد قاليها ااي ما جايبهو انتي قالت ليهو جايبو راجلي قاليها ايواا هسه راجلك ي مصلحنجيه 😂😭😂 كملو اكل وشالو بارد وهم راجعين اشتغلت (اغنيه بتتجازف ) وبقو يرقصو معها وورواها اغاني الثوره مازن عاين ليها وقال وهو بقرب منها "حبيت زي حب الوطن لي شعبو 😍) شهد قالت ليهو قصدك حب الشعب لي وطنو 😂😭😂 بقى يضحك وقاليها بس سااك يلا اها اتجازفت ول ما اتجازفت ابتسمت قبل ما تهمس ليهو "لسا ما اتجازفت 😌قاليها والله غصبا عنك اتجازفت 😂😂انا غايتو بما انو عرستك معناها بتتجازف وح نبني امو زاتو للسودان 😂😭✋🏼🇸🇩✌🏼The end💕 " تمت بحمدالله ، حبيت بس اكتب ليكم روايه خفيفه وظريفه وبرضو اوصل ليكم انه ان شاء الله ح نبنيهو وما تفقدو الامل والخلق السموات والارض في سته ايام قادر انه يخلق السعاده والفرح في ايامنا ثقو بالله وكونو بخير 😊🇸🇩✌🏼" رحاب 🌚💕 (صلو ع الحبيب صلى الله عليه وسلم )
