اها رايكم شنو بتتجازف؟!🇸🇩😃بسم الله نبدا 💪🏼🌚اشرقت شمس السودان (التي لا تغيب 😂)لتعلن بدايه يوم جديد ومدافره جديده ومرمرطه جديده صاحبتنا قامت بعد سبع منبهات 🙂💔 وكِفيت وخبيطت من امها 😂😂ونقاش طويل مع الذات انه ليه العذاب دا كلو وهل ضروري امشي الجامعه 💔 استغفرت ربها وقامت بي تكاسل مشت ع الحمام والدمعه في عيونها (دا الروتين اليومي 💔) سرحانه وماسكه فرشت اسنانها ويدها ع خدها -ي ربيي متين انتهي من المعاناه دي انا فترتا شديد 💔😭ياااخ انا بحس اني بجاهد ما بمشي جامعه 😭💔يربي كدا مع بركه الصباح سفرا ذهابا بدون عودا لي اي مكان انا راضيه ي ربب 😣جاتها خبطه من امها خلتها تفوووووق 😂😂 ⁃ شهدددد انا مش قلتا ليك خلي السرحان دا اتحركي ي بت ،بتحصلي كيفن محاضراتك بي برودك دا ⁃ بي صوت واطي ردت يااخ ما دايره احصلها زاتو ✋🏼🙂ع اساس قاعده افهم شي ي بت انتي بتقولي في شنو خلصي وتعالي اشربي الشاي مسافه اصحي حمودي خلصت وصلت ولبست ليها اي شي من طرف الدولاب عاينت لي نفسها في المرايا ⁃ عليك الله دي خلقه ليك مع بنات الجامعه 😒لكن طوززز ما فاضيه اسوي شي زاتو كفايه اني بمشي 🙂💔 وشالت شنطتها وحاجاتها وطلعت شربت شايها ومشت لي ابوها في الغرفه باستو في راسو وقالت ليهو ⁃ عايز شي ي ابويي انا طالعه ⁃ سلامتك ي بتي وربنا يوفقك ⁃ طيب يلا مع السلامه ملاحظه: ابوها زول كبير ومريض مرقد في السرير في الحوش قبل تطلع امها بتناديها ⁃ ي بت هوي شفتي تخلصي تجي دقري البيت ما تتحاومي فاهمه ؟! ⁃ ي امي عليك اتحاوم شنو ومع منو اصلا ⁃ اااي عافيه عليك خليك مفتحه وما تتغشي ⁃ امي 😂😭😂مع السلامه. ⁃ درب السلامه ي بتي ☺️_______________في مكان تاني ما بعيد شديد 🌚✋🏼كان برضو نفس الحكايه بس بطريقه مختلفه والنفسيات مختلفه 😌 كان بعدل اخر زرار من القميص قبل ما يرش عطر ويعاين لي نفسو بإعجاب ،مشا يدو ع شعرو وهو بدقق النظر ويقول ⁃ مشالله سماحه مبالغه ع قوله فضيل 😂😂(تحيه للناس البتحب فضيل 👌✋🏼😂) ⁃ هسه الزول قشر عدييل ⁃ ي زفتتتت طفي اللمبه دي 😡 ⁃ يااخ مالك ما تصبر شويه ، جاتو مخده طايره ⁃ يااخخ ما تطلع لي عفاريتي قلتا لك اغفلها😠 ⁃ طيب طيب اها غفلناها 😒زاتو تعكرو لي الزول مزاجو ، هسه الساعه بتاعتك وينها خلني اكمل قشرتي ااا !؟ وين خاتيها ⁃ في الضرفه التانيه شيلها واتخارج ⁃ زابططط ، شالها وبقى يلبس فيها بالمناسبه قميصك دا لونو غريب بس زابططط والله😌 ⁃ خلاااص يااخ ما تتونس معاي اتخارج استوعب وقال وهو برفع راسو ثواني ياتو قميص ؟! لقى صحبو مكتححححح 😂😂😂😂 ⁃ بقى يصرخ ،ي زفتتتتت دا الليله انا ماشي بيهو وبنط من السرير ولحقو بس ويين عمك كبرا زمااان 😂😂 وقف في نص الحوش ومسك راسو بعصبيه وهو بقول ابو شكلك زاتو 😠 امو جات لقتو واقف 😂😭 ⁃ اصبحنا واصبح الملك لله مالك واقف كدا ⁃ هو خلو فيهو صباح 😠 ⁃ انت ومازن تاني مشش 😭😂😭 ⁃ اايي في غيرو مزهجني كل يوم 😒 ⁃ والله شفتو جاري ناديتو ما ردا 😂😭😂 ⁃ تاني عليك الله ما تفتحو ليهو الباب من الصباح ⁃ اجييي ي ولدي دا كلام دا امشي امشي غسل وشك وتعال اشرب الشاي ⁃ امي اغسل وشي شنو هو انا نمتا علشان اصحى 🙂💔ومشى كمل نومو 😂😭_______________في الموصلات 🙂💔 ⁃ يلا يولدنا ،النااس الورا ،ي شااب يلا يلا حرك حرك ي اصليي نزلو الناس وبدا يعبي مره تانيه الناس ركبت واتملت الحافله واتحركت ،في كرسي جنب الشباك ومتحمس لي اللقاء وبفكر ⁃ هسه انا اقول ليها شنو بس اشوفها انا بريدك يااخ !؟ لالا شكلي ح يكون وهمي شديد اااا؟!طيب بحبك ي نور عيوني 😏استغفرالله كلام بجيب الطمام 😣احسن اسكت واحاول اشيل رقمها بعدين اشوف الحنك شنو، ايي كدا احسن😌 "وصل الجامعه وتوترو زاد واقف قدام البوابه ⁃ ١،٢،٣ يلا ي وحشش الليله يومك 😌 ⁃ دا مالو دا ؟! قالتها قبل ما تكمل طريقها شافت صحبتها جايها مندفعه وتتبسم ⁃ الله يستر نهايي ما بحب ابتساماتك دي ⁃ شهددد 😍ما بتصدقي حصل شنو ⁃ اهااا 😒 ⁃ ايمن امسس كلمني بليل وقالي خلاااص انا قريب ح اجي اطلب يدك 😍😍😭😭😭ياااخ انا ما مصدقه بالجد فرحانه شديد ⁃ ي بت كدي ابردي و دي المره الديليشون القال فيها بجي لو حمار كان فهم انه ماسك بيك زمن بس انتي عويره ⁃ شهد انتي مالك كدا محبطه 🙂ي بت خلي النكد الانتي فيهو دا ⁃ ي بت اختيني الليله بالذات ما فايقه ليك زهجانه الفف والله 😣 ⁃ هي بسم الله في شنو ،ارح نفطر يمكن يتعدل مزاجك😍 ⁃ اااي قولي كدا من الاول بلا ايمن بلا زفت ⁃ مسكتها صحبتها من يدها وقالت ليها مالك انتي معاهو ايمن دا راجلي المستقبلي 😌😍_______________واقف ورا بت انيقه قبل ما يقول احم احم التفت عليهو وابتسمت ابتسامه صغيره _ ترتيل ازيكك ⁃ تمام الحمدالله وانت كيفك ⁃ هه كويس من شفتك 😍 ⁃ تسلم اها عايز حاجه ول شنو ⁃ لالا بسس اااي ابصراحه عايز ⁃ اتفضل ⁃ ااا ..اممم.. يعني لو ممكن نتواصل وكدا ⁃ ولي؟! ⁃ علشن...علشاااان ن..نقرا نقرا ⁃ نقرا كيفن يعني ؟! ⁃ يعني مرات بكون ما فاهم شي فاسالك وكدا ⁃ ايوااا خلااص اوكي جداً ثواني اكتبو ليك طلعت ورقه وكتبت فيها وادتها ليهو هو فرح طبعا وقبل ما يفتحها قال شكرا يااا ⁃ ولو 😊 ومشت مع صحبتها الكانت مستنيها ،طبعا هو متحمس ومبسوط فتح الورقه اتلاشت ابتسامته شويه شويه لمن لقى مكتوب" حنكك قديم حاول مره اخرى😉" طبعا اتغاظ شديد وبقي يحمر ليها وهي وصحبتها بضحكو بصوت عالي 😒مشى قعد في الكفتيريا بزهجج لقى اتصالات كتيره من عبودي رجع ليهو بصوت مكسور 😔 ⁃ يااااخ والله بتبالغ عديييل دا القميص من امس مجهزو علشان طلعه مع الشباب الليله ⁃ ياااخ ما تشغلها لي برجع بغسلو وبديك ليهو ⁃ دقيقه دقيقه انت مالك 😂ادوك شاكوش شكلو مشش؟!😂😂😭😭 ⁃ ااي اشمت اشمت دا الفالح ليهو 😒 ⁃ 😂😭😂😭😭احسن تستاهل اصلا شينه والله العاجبك فيها شنو ما عارف ⁃ ياااخ هي مفتريه قال شنو حنكك قديم 😒🙂قديمه انتي ي وش ال... ⁃ 😂😭😂😭😭😂😭😭يااخخ هلاااص معليش ارح نضرب بووش طيب ؟!الوحيد البعدل المزاج ⁃ والله جبتها عصافير بطني بتكورك ⁃ 😂😭😂😭بتكورك عديل كدا كرعلينا (يلا صراحه صراحه ماف احلى من صحبه الاولاد 😂😭😭😂😂بسيطه ومفيده )
يتبع.....
