سلام عليكم اليوم جبتلكم كرونيك أقل ميقال عليها روعة فيها حب 💟 حزن 💔 عذاب
في قرية تعيش بطلتنا حور تعيش هي وأمها برك باباها توفا ملي كانت هي صغيرة حور طفلة فقيرة وامها خياطة وهي ثاني تخدم عند ناس باه تعاون يماها ويلحقو لقمة العيش بون راح نوصفلكم حور
هي طفلة شابة بمعنى الكلمة عمرها 19 سنة عينيها ماغو وشعرها اسود ليل وبشرتها بيضةصافية حليب نبشة مفيها إيطايها يهبل تقولش عليها خادماتو وهو طبيعي من ربي وجاية قصيرة اما عينيها لي يسحرو كبار ومشافرين المهم هادي هي بطلتنا حور هي نسخة على امها بنت طيوبة تحب الخير رغم مشاكل لي تعيش فيها الا انها متبينش وتضحك ومهبولة تحب تنسي روحها عندها صحبتها سارة ختها لي مجبتهاش امها هما من نفس المستوى مام سارة موصفاتها مهيش بعيدة من حور لي يشوفهم يقول عليهم خوتات ___،_______،____
رانا عرفنا بطلة
أم حور اسمها زينب 💟✌
زينب: حوووور يعيش بنتي نوضي مبقاش حال
حور:اااف ماما خلي اموا نرقد شوي اليوم جمعة مكاين ولو
زينب: علبالي بنتي مي نوضي عونيني في شغل دار
حور:اوك ماما يلاه ني جيت
فاقت حور كيما عويدها تلعب وتنقز تقول مشافت من دنيا شيئ اما هي في قلبها خذلان حزن بزاف حوايج ربي عالم بيهم ...
حور شربت قهوتها وعونت ماماها
وكملت فتحت تيلي تتفرج
شافت حصة تتفرج قالت في قلبها اي حنا علاه ميعطيناش ربي نولو كيما هاناس نلبسو ونتقلشو منبعد ضربت راسها اافف واش راني نخلط
حتى تدخل عليها سارة
وتغمضلها عينيها
حور: بسم الله شكون
سارة: ههه معرفتنيش
حور:يما خيتي هادي نتي خلعتني بقرة
سارة:شكون يجيك من غيري بغلة ايا قوليلي واش راكي عاملة
حور:كيما تعرفني ميناج دار وخلاص اليوم ويكند مخرجتش نخدم (كيما قتلكم حور تعاون في يماها يعني تنظف عند ناس وتبيع مطلوع الخ..)
سارة: معليش حبيبتي فتحتي fb, اليوم
حور: اععع ديجا كرهت منو مفيه حتى جديد
