حلقة7
لحق فهد طيارة وهبط للدزاير للعاصمة راح ديغاكت للقصر وين يسكنو عائلتو المهم غي وصل فتحلو شيفور لباب
شيفور :مرحبا بيك ميسيو فهد
فهد: مرسي اغسل طوموبيل خاصها نطوياج
شيفور:اوك ميسيو فهد
دخل فهد اول مشاف شاف يماه جاتو تجري باسك عندها3شهور مشافتوش
فهد:يما العزيزة شحال توحشتك
نوال:ااه ياوليدي عيب عليك طول علينا هاك
فهد: علابالك بالخدمة
نوال:علابالي وليدي المهم اطلع تغسل وريح روحك دوك يجي باباك راه توحشتك مام هو
فهد: اوك يما يحكي في قلبو (ايه باين عليه توحشني هو عيطلي على موضوع ان شاء الله خير )
نوال: دوك نبعثلك فطيمة تجيبلك قهوة وليدي
افهد:اوك..
نوال: فطيمة فطيمة
فطيمة:وي مدام نوال
نوال: اطلعي ادي قهوة لوليدي راه لفوق
فطيمة: اوك مدام
طلع فهد لفوق لشمنبرتو لقاها كيما راها متبدل فيها ولو شمنبرتو لونها نواغ وابيض باسك فهد يحب كولاغ هاك بزاف المهم جات فطيمة جبتلو القهوة
فطيمة : فهد وليدي هاك قهوتك
فهد:يعيشك طاطا فطيمة(فهد يعامل الخادمة فطيمة كافرد من العائلة باسك كبر في تربيتها مام هي المهم شرب فهد قهوتو ولبسو سيروفات اديداس ڨري 😍وهبط لقا باباه في صالة سلم عليه
محمد: كي راها لخدمة في تركيا
فهد: صافا لاباس
محمد:اوك __المهم انا منطولش عليك علابالي حاب تعرف موضوع شنو (هههه وحنا ثاني حابين عمو محمد)
فهد:وي مدابيا نعرف بالمختسر
محمد :اوك شوف وليدي جامي نهار نقصت عليك حاجة ملي كنت صغير وانا لي حبيتها نجيبهالك ودوك راح نطلب منك طلب الا رفضت انا راح ننسا بلي انت وليدي
فهد :ااف اوك واش هو
محمد :تتزوج ومكاش نقاش وراح تبدل تولي تخدم هنا في شريكة تاعي تولي مديرها ياوليدي انا كبرت ويماك كبرت نخيل نموتو وحنا حلمنا نشوفو بنتك ولا ولدك
فهد:بابا راح نخمم في سوجي ونقولك ..
محمد :اوك وليدي دوك منزيد نطلب لو منك
فهد طلع مقلق من هدرة بوه شغل ملقاش تبرير مرة هادي عرف كفاه يسكتو ملقا ميدير غي يوافق
______
عند حور راحت لسارة وحكاو وقصرو ونفس روتينها كيما لعادة
نوال تحكي انا منيش راح نسكت الا اذا زوجتك وبالي نحبها انا ..
فهد قعد يخمم في الموضوع وافق وقال راح نقول ليماه تخطبلو اميرة بنت خالتو هي طفلة من مستواه وشقراء زينة لكن اكيد مش كي حور جمال طبيعي
راح فهد حكا ليماه وقالها
فهد :يما جيت نحكي معاك
نوال:اوك ياوليدي
فهد:حاب نخطب اميرة
نوال:اففففف ملقيت في هاديك فهد راك من نيتك
فهد:وي من نيتي طفلة شابة وعاقلة وزينة وزيد من مستوايا ياك حابين نزوج
نوال:غي هاديك مستحيل تدخل داري اوك فهد مستحيل
فهد: راح تهبلوني ياك حبيتو زوج راني وفقت قتلك خطبيلي محبيتش متخلينيش نحلف يما على زواج يحكي بالعياط
حتى طاحت نوال تغشات .
فهد:يما يما نوضي الله يسترك يما يما 🚑🚑🚑🚑 حتى داها لسبيطار فهد ومحمد يروحو ويجة مخلوعين فهد ندم بزاف لانة رفع صوتو
خرج طبيب راحلو يجري فهد
فهد:دكتور قولي بليز يما مليحة
طبيب:وي حالتها ماشي خطيرة مي سكر تعبها متضغطوهاش دوك تقدر تشوفها
محمد: الحمدلله ياربي مصرالها ولو
دخلو محمد وفهد وفطيمة
محمد :يامراء خوفتني عليك
نوال:الحمدلله محمد متخافش
فطيمة: الحمدلله عى سلامتك مدام والله خوفتينا
فهد :يما سمحلي وتفجر بالبكاء كي لبيبي صغير حط راسو في حظنها خاف انو يخسر امو لي تحبو بزاف (الله يرحم جميع الامهات دنيا صعيبة بلا ام) طلب منها سماح
نوال:نسامحك بشرط
فهد:واش هو يما تطلبي عينيا نمدهملك
نوال:تتزوج بحور
فهد:😐😯 شكون هادي حور
نوال:ياوليدي وحد طفلة قمر بمعنى كلمة نهار تغاشيت في طريق جات تجري عونتني
فهد: يسمع في امو كفاه تشكر فيها دين زين ووو
فهد:اوك يما ديري رايك راني موافق غي سامحني
نوال: ياعمري هذا هو وليدي هذا هو كبدتي قاعدة غ تبوس فيه
فهد:كاره باسك حكاتلو بلي باين عليها فقيرة وهو ميحبش هذا نوع يبغي طفلة مستواه المهم كرها قبل ميشوفها ومش ناوي حتى يروح باسك كان حاب يزوج باميرة ميحبهاش مي مع الوقت تعرفو
يتبع👇
