حلقة20
رجع فهد لدار دخل لقاها نظفت حالة وقاعدة في صالو تتفرج في تيلي
فهد: حطيلي نتغدا
حور فاتت عليه وهازة شنوفة
حور:اوك 😒
فهد: شطورة
حطت ليه لغذاء
فهد: قعد ياكل ويحكي في نفسو(والله وطلعت شاطرة تعرف طيب الفرخة)
حور رجعت تتفرج
فهد: ايا رفدي لماعن ووجدي روحك باه نروحو لعند يما
حور:صح اوك اوك فرحت كي لبيبي صغير ولات تنقز باسك فطتت روحها
فهد: علاه توحشتيها قد هاك
حور راح نوجد روحي😒
فهد: امشي امشي ديري بليزير مطوليش لا نبطل
وجدت حور لبست سروال نواغ وفوقو فاست بيضة
فهد: واش هادي لبسة
حور :هذا واش لقيت نلبس مستورين علة لي عندي
(فهم بلي معندهاش هنا لبسة)
فهد:اوك يلاه ركبي
ركبت حور راحو مشاو حتى حبس حذا فترين تاع لبسة باين عنها
فهد:اهبطي
حور :لوين
فهد :شحال تسقسي هبطي وسمعينا سكاتك
حور:اففف سامط
فهد:😒😒
دخلو فترين شرالها حجبات ولبسة دار ووو
قالها دخلي بدلي دخلت بدلت لبست حجاب نواغ خرج عليها يقتل زاد بين زينها
خرجت
حور:يلاه ني لبست قعد باهت فيها يشوف شحال خرج عليها لحجاب
المهم راحو وصلو للقصر دخلت حور سلمت على امو وباباه وبركولهم بعتبار هم عرسان
حور:طاطا نوال خلي نعاونك نوجد معاك
نوال:بنتي انا وليت امك نديلي يما
حور: اوك يما باست راسها وقالت في قلبها (ياريت ولدك جاء حنين كيفك)
عونت حور نوال وخرجو وجدو سفرة قعدو وقصرو وكلاو وكملو
ناض فهد يلاه مدام حور
خرجو راحو لبيتهم
دنيا بدات تمسي ويطيح ليل
حور فطت روحها ملقات شادير كلمت سارة في تليفون حكاو وقصرو ..
كوبات حور على سارة راحت طيب في لعشاء
حتى يدخل فهد ومعاه طفلة
حور:قعدت ساكتة ومصدومة شويا من وجيعة قلبها وشوي من تصرفات فهد
فهد:هادي اميرة راح تقعد معانا ايامات اوك وإياك تشكيلي منك مراحش يصرا خير
حور: مرحبا بيك واش نظيفك
فهد فات عليها وهمس في وذنها شاطرة
اميرة : بعد مطلع فهد قالت لحور حايرة غي خالتي واش هي لحاجة لي عجبتها فيك مام فهد ميحبكش وانتي لاصقة كي سكوتش
حور: ههه انا ولا انتي لاصقة على لاقل انا خيرتني يماه وجاني من باب الواسع منيش نطايح على بيت مزوجين كي انتي راحت حور وخلات سارة تغلي لكن مننسوش مام حور راحت ودمعة محجرة في عينها لانو الانسان لي تحبو جاب حبيبتو قدامها (هو ميحبش اميرة لكن وعدها وفهد صعيب الاا وعد عبد يوفي بوعدو)
اما حور كان علابالها تحبو ويحبها
دخلت حور للكوزينا تحضر في الاكل وكانت تبكي بساكت حتى يدخل عليها فهد بصدفة شاف عينيها كبار حمورة ونيفها صغير واقف احمر شافها هاك تصدم
حور: ااا كنت نقطع في بصلة وكفاه تدخل تقول سراب لطف ياربي سكتلي قلبي
(حور دارت هاك باه ميفيقش اما هو فهم بلي محبتش تبين بلي كانت تبكي حب يشيخ عليها)
فهد :نظن راني في داري نسحقش ناخذ منك راي اوك وخرج قعد عقلو معاها يشوف غي في دموع لي شافهم قبيل
يتبع👇👇
