رمضان يوم الجمعة إن شاء الله .. و رمضان هذا العام قد يكون مختلف ..فنركز فى أهم ١٠ حاجات ممكن تاخد بالك منهم السنادى :
.
١- ماتتكلمش كتير وإنت صايم...ماتهزرش كتير..ماتعليش صوتك..
ليه..؟
حديث النبى.. فإن كان صوم أحدكم فلا يرفث ولا يصخب..
.
٢- لو حد ضايقك فى أى حاجه...ماتردش عليه..
قول : إنى صائم
.
٣- رمضان مش من الفجر للمغرب .. رمضان ٣٠ يوم ليل ونهار..فلو الصيام بالجوارح بالنهار..فالصيام بالقلب بالليل والنهار
.
٤- كل الناس ممكن تصلى وتصوم وتقرا قرآن...بس مايعرفوش إن الهدف من ده كله هو التقوى..فركز إن سلوكك يتعدل ويتحسن..ركز إن قلبك يتعدل...ركز إن العبادات تغير فى المعاملات..لو بتكذب بطل..لو بتغتاب كفاية كده..لو بترتشى توب. اتغير سلوكيا بجد ..!!
.
٥- جهز ٣٠ دعوة..اكتبهم على الموبايل عندك فى أى مكان...وكل يوم ادعى بواحدة عند فطرك.. لأن ليك كل يوم على الأقل دعوة مستجابة...خلى الدعوات منوعة مابين الدنيا والآخرة..
.
٦- هات السبحة الإلكترونية وخليها فى جيبك على طول...وحط هدف إن كل يوم على الأقل تذكر ربنا ١٠ آلاف مره...نوع فى الذكر..مابين تحميد وتسبيح وتكبير ...الخ
.
٧ - ماتعديش يوم من غير صدقة...حتى لو جنية واحد..هتلاقى كرم مابعده كرم فى الدنيا قبل الآخرة...مانقص مالا من صدقة...فيضاعفه الله اضعاف كثيره..
.
٨- لو المساجد ماتفتحتش صلى التراويح مع أهلك بالبيت.
.
٩- كل يوم ربنا ليه عتقاء من النار.... أطلب من ربنا من كل قلبك كل ليلة إن ماكنش اعتقك قبل كده فيعتقك انهاردة..والله عتقاء من النار وذلك فى كل ليلة.
.
١٠ - خلى ختمة السنادى مش قراءة بس..العبرة مش بالكم...هات المصحف اللى فيه المعانى... وأقرأ معانى كل صفحة تقرأها...وشوف أنت فين منها.
..
كل عام وانتم بخير.. ربنا يرفع عنا البلاء.
