قاسي ولكن حبيته

روايه قاسي ولكن حبيته

#قاسي_ولكن_حبيته البارت الاول

يمكن العالم مش مُنصف ، بياخد احلامنا لغيرنا ويبعت لنا حلم عمرنا ماحلمناه
ولع اخر سيجاره ف العلبه ، مكنش بياخد نفس ويخرج دخان ... كان بياخد دخان ويخرج وجع
_كان نفسي ابويا يفهم ان الحب مش باايدينا ، انه شئ اجباري مش مخير عليه ، كان نفسي يسبني اختار
مش يختارلي بنت صاحبه .... مهو مش عشان يجامل صاحبه البس انا
=كفايه ياصاحبي بقي ، سلمت قلبك للي مش عوزاك .... طب مش يمكن تحب البنت اللي اختارها ابوك
_مش هحبها ، لاني دخلت حياتي بالغصب واللي بيجي غصب بيفضل طول عمره مكروه
..................
يااااه ..... معقوله الطفل اللي كان ف عيني راجل ، اللي ياما اتمنيته هيكون نصيبي !
عارفه انك جبته ليا بدعواتي يارب ، 16 سنه بحلم بلقاه ، ياتري ملامحه اتغيرت ، طول ... لسه عيونه عسلي وبتخطف القلوب ، لسه صاحبي ولا الزمن غيره
_ ممكن تنامي ياليل بقي الفجر اذن صلي ونامي
=هشوفه بكرا ياايه
_لسه بتحبيه !
=ده حلمي ، حلمي اللي مع كل سنه كان بيكبر ف قلبي ، 16 سنه وكل سنه حبه ف قلبي ربحان وواخدني من العالم
_وادي حلمك هيتحقق ياستي ويتقري فاتحتك بكرا ، صلي ونامي بقي
ياربنا !! اد ايه انت رحيم بقلوبنا ، عمري مافقد الامل وكان عندي يقين ان دعواتي هتجيبه ، محمد هيكون ل ليل يارب ... هيكونلي

ف فرق بين انك تنام لاني السهر هدك ، وانك تنام لانك مطمن .....وانا نمت لاني مطمنه ، كاني عشت طول عمري بحلم المس السما وحان وقت ان المسها باايدي
...........
حلوتي جهزت
=شكلي حلو ياابيه يوسف
_فراشه ياليلي
*حضنته ....هو مش مجرد اخ ، هو صاحبي وسندي ، هو قوتي اللي جعلتني استني محمد 16 سنه
_سكتي ليه
=فاكر ياابيه كنت بتقولي
_قولتلك ان الحلم مهما بعد ومهما غاب وخدته السنين منك هيرجعلك بدعوه ويقين
=رجعلي بدعوه تفتكر هقدر اخد قلبه كمان بدعوه
_وتاخدي العالم كله طول ماثقتك ف الله موجوده
يلا بقي عشان هما مستنين برا

خرجت وايه مسكت ايدي ، مكنتش محتاجه ابص عليهم عشان اعرف هو فين ، ريحتها خطفتني ....اه ريحته ، سالته مره اشمعنا البرفان ده يامحمد اللي تملي تحطه قالي عشان لو معرفتيش تشوفيني بعينك تقدري تشوفني بااحساسك
سلمت ع كل اللي قاعدين
مامته =وحشتيني ياليل
_وانتي جدا ياطنط
ازيك ياعمو
=انا بخير ياليل انتي عامله ايه
_انا بخير
خوفت اسلم عليه .... 16 سنه بحلم اطُل بس ع السما فجاءه كدا المسها بكفوفي .... قلبي ضعيف لو مهما بان قوي ، مش هقدر المس حلمي .... اخاف اصحي ..... لو ده حلم يارب ف اتمني افضل نايمه
قعد ، كنت ماسكه ف ايد ايه اوي ، ايه مش مجرد صاحبه ، ايه رفيقه العمر ، شريكتي ف الوجع والانتظار ، كان دايما تقولي دعواتك هتجيب لك محمد مكفي ع قلبه ، مش عوزاه يتكفي ع قلبه ... عوزاه يتكفي ف حضني ، يتكفي ويستكفي ويكونلي .... يكونلي يارب

باباه =طب يامحمود انا جاي النهارده وطالب ايد الانسه ليل لمحمد ابني
بابا =وانا يشرفني ان محمد يكون زوج ل ليل
الكوبايه وقعت من ايدي ، اه كنت عارفه انها بدايه ارتباط ، بس رعشه الفرحه غلابه ياسيدنا
بصلي لما الكوبايه وقعت ، عينه جت ف عيني "رصاص النظره يابيقتل ياياخد قلبك من الفرحه لسابع سما"

طول شويه .... لا طول كتير ، وعينه لسه عسلي ، لسه بيرفع حاجبه لما يشوف حاجه مش نظيفه او حاجه اتبهدلت ، بقي حلو .... زي ليله رجوع الضئ بعد ضلمه سنين
_قولتيلي انك مركزتيش فيه
=انا .... انا مركزتش فيه خاالص اصلا ولا بصتله ، هو بس شوفت طوله وعينه و
_بسسس امال لو ركزتي كنتي شوفتي ايه تاني
=كنت شوفته قلبه ياايه
كنت مثلا شوفت مشهد لسندريلا وهي ماسكه ف الامير ، او بنت علشت تجري وصلت لحضن الجنه
كنت شوفت نفسي بلمس السما مثلا
نمت .... نمت مطمنه ومبسوطه وشايفه بكرا مليان قلوب زرقا
...............
_شوفتها
=اه
_اتغيرت
=لا زي ماسبته من 16 سنه .... لسه كفوفه بتترعش لما تتوتر
_كنت بتعمل ايه زمان
=كنت بطمنها
_مطمنتهاش ليه المره دي
=عشان لا انا محمد اللي عنده 12سنه ولا هي ليل اللي عندها  9سنين
ف حاجات كتير اتغيرت ، اكيد حبت ، اكيد شافت وعرفت وكان ليها صحاب بعدي ، وانا حبيت .... السنين بتغير ، زمان كنا عيال والعيال ياصاحبي كبرت ، كبرنا من غير بعض ومبقناش زي زمان
_وانت فاكر ان داليا كانت تستاهلك ، تستاهل انك تضم ايدها وتطمنها
=لما بنحب مبنفكرش ف مين يستهل ومين ميستاهلش
_بس دي سبتك .... سبتك عشان ادفع فيها ازيد
=عاوز انام ، تصبح ع خير

انا عارف ان ليل تستاهل اكتر من داليا ، بس هو مش ميزان هيتحط فيه العيوب واللي عيوبه ازيد نكرهه
عارف ان داليا سبتني ، واختارت اللي معاه اكتر ، بس ليه انا كنت هسعدها

النوم غلب الاتنين ، واحد الفرحه غلبت جفونه وغمضتها ، وواحد الوجع غلب قلبه وهده

............
بس دا فات اسبوع ومكلمنيش ولا مره
=مش مكسوفه وانتي عاوزه تكلميه كدا ادامي
_مهو ياابيه يوسف محمد لسه مستفز وبيخليني .....
=بيخليكي تقولي كلام تلقائي عارف
متقلقيش اكيد هيكلمك ..... اهو ياستي الفون بيرن يمكن هو انا هخرج

_الو
=اممم مين مزعلك
_مش زعلانه
=ليل مبتقولش الو غير وهي زعلانه .... هو لسه مكلمكيش
_لا ويكلمني ليه اصلا .... حتي لو رن انا مش هرد
=بس ....
_ايه اقفلي بسرعه ف رقم بيرن يمكن هو

=الو..... ليل .... ليل
_ن نعم
=ازيك
_الحمد لله ... ازيك انت
=بخير الحمد لله .... كنت عاوز نتقابل ونتكلم شويه ع الاقل نتعرف ع بعض
_حاضر هستاذن بابا واقولك
=تمام .... سلام

_ف حد يتكلم بالطريقه دي ... هو اي اللي تمام بتكلم صاحبك
=بابا انا خطبتها عشانك ... وكلمتها عشانك ..وهخرج معاها علشانك ارجوك بقي متضغطش عليا اكتر من كدا
_ماشي يامحمد براحتك
........
شكلي حلو ياايه
=اه حلو جدااا ، هتاخدي قلب محمد
_تفتكري
=لا يباشا انا متاكده

نزلت لمحمد وركبنا العربيه ، هادي لييه ! هو مكنش كدا ، كان مرح وع طول بيضحك
لسه حلوه بالاسود .... لسه بيخطف قلبي ببرفانه
دخلنا محل شيك جدااا
_انتي عندك كام سنه
25=
_وانا...
=وانت 28
_امم .. فعلا ، تاكلي ايه
=اطلبلي ع زوقك
زمان كان دايما يختارلي الاكل ، عارف انا بحب ايه ومبحبش ايه ، هو عرفني وقادر يختارلي
_مبتاكليش ليه
=هاا... هاكل اهو
بدات اكل ، لكن ضربات قلبي بتزيد جامد ، حسه ان حراره جسمي عدت ال 45°
_ليل .... هو وشك احمر كدا ليه
=اصليي .... محمد انا
قررت استسلم واقع وكل اللي حسيت بيه ان محمد لحقني قبل مااقع ع الارض

يتبع.....
#قاسي_ولكن_حبيته البارت الاول

#فرحه_محمد