#قاسي_ولكن_حبيته البارت التالت
تفتكرو لو كنا ف عالم تاني .... عالم ديزني مثلا ، كان ممكن نعيش قصه السندريلا والامير ، الجميله والوحش ، كان ممكن نتحب بدون حاجز ، بدون ماحد يبص ع عيوبنا ، حد يحب روحنا وقلبنا ويعافر عشان يصلح مننا مش عشان يوجعنا ، هل ممكن النهايه تكون سعيده ..... ولكن احنا هنا فكيف ستكون النهايه ؟
_بتعملي ايه
=بكتب بوست ع الفيس
_اممم
=مالك
_متخانقه مع وليد
=وايه الجديد ، مهو ده الطبيعي ، وليد مش شبهك ولا يستاهلك
_مش شبهي ، بس واخد روحي ، هو كويس والله ياليل كويس .... هو افضل حد ف حياتي وبيحبني
=بتكدبي ع مين ، عليا ولا ع نفسك ..... وليد عمره ماحبك
_لا بدليل انه بيحاول يخليني احسن
=انتي مبتبقيش احسن ، انتي بتتحولي للاسوء ، كل مدا بتكوني اسيره وليد اكتر ، بتنطفئ ياايه والحب اللي مينورش العتمه ميبقاش حب
_مش هينفع اسيبه ، مينفعش ابيع كل السنين دي وامشي
=طب مهو ف لحظه بيبيع ده كله ويمشي ، كل خلق الله شافت عيوبه قلبك مغمض ليه!
_عشان بكل بساطه....حبيته
الحب مش دايما لطيف ، مش دايما بيكون قلوب زرقا ، مش فاهمه ليه احنا بندوس ع روحنا وكرامتنا عشان "الحب" ، مش مشكله نضحي الحب عاوز تضحيه، لكن ياتري هل اللي بنضحي عشانه ده يستحق !
...........
_كنت هتسيب ليل يامحمد !
=اه يابابا عشان مش مرتاح
_مش هغصب عليك ، براحتك ، بس هقولك جمله وخليك فاكرها
اللي عين ليل مخبياه ليك عمرك ماهتلاقيه ولا هتشوفه ف عين اي ست تانيه
مكنتش فاهم الجمله ، انا عارف انها انسانه كويسه ، تستاهل تتحب ، بس انا خارج من علاقه خدت كتير من مشاعري ، وهي برضو اكيد محبتنيش ف يومين ، واكيد نسيت زمان
زمان !! طب ماانا فاكره كل موقف وكل حرف من زمان ، طب هو انا فاكر مواقفي معاها ليه
اكيد عشان ذكريات طفولتي ومحدش بينسي ذكرياته
_لو طلبت منك تيجي معايا فرح هتيجي
=الناس بتقول ازيك الاول
_طب ازيك
=فُل اهو وهروح معاك فرح
_البس ازرق ولا اسود
=انا هلبس اسود
_اتفقنا يبقا انا هلبس ازرق
=وهو كدا اتفاق
_اومال فاكرني هلبس زيك وتقول بغير منك لا لا طبعا
"ضحك"
ايه دا ! دا بيضحك ، اجرو كلمولي بنات دندشه وقوليلهم محمد مش خاين وبيضحكلي ، ياايه نادي ع الجيران وقوليلهم محمد بيضحك ، ياام ...
=ايه يابنتي فيينك
_ها.... معاك اهو
=كان في بوست ليكي بتقولي فيه "ولكن نحن هنا ف كيف ستكون النهايه "
_اه .... كاتبه بقي متاخدش ع كلامي
=لا كلامك حلو ، انا فخور بيكي ، هتوصلي لحلمك
_تفتكر هتكون نهايه سعيده
=لو روايتك فاانتي دايما نهاياتك سعيده لكن الواقع مختلف وبيحب المفاجاءت
_يعني انا هتفاجاء!
=هتنبهري
"ضحكت"
_بس ممكن تكون نهايه لطيفه لو اخرها الضحكه دي ، تصبحي ع خير
او ع جنه
ع جنه !! ده معناه انه فاكر زمان ، هو عارف اني بحب اقول تصبح ع جنه ، وبعدين ده بيتشكر ف ضحكتي
الحب حلو .... حلو اوي ، حسه اني طير سافر ياما لحد ما اجنحته كلها طارت ف الهوا ، ربنا رحيم وبعتلي محمد يخلقلي اجنحه تاني !! طيري كان لاجل لُقاه يارب متجعلش الفُرقه نصيبي
...............
_داليا انتي مبسوطه
=اه طبعا ياروان ، راجل غني وهيعيشني عيشه كويسه وهيطلعني من الفقر
_طب ما محمد غني
=فارس اغني ، بعدين محمد ذكي مش هعرف اضحك عليه واخد فلوسه
_لكن محمد حبك
=الحب مش هياكلني ، مش هيسافرني باريس ، مش هيخليني نازله كل اسبوع اعمل شوبينج ، الحب للي زيك اللي شايفين العالم شبه الروايات
_خايفه ياداليا تندمي بعد فوات الاوان
=اندم !! اللي عايش ف العز مبيندمش ياروان
انجزي يلا وتعالي ننزل نشتري شويه حاجات
بعد ساعه
_هو احنا هندخل المول ده
=اه طبعا
_بس ده غالي اوي
=مش غالي ع حرم فارس الشناوي
استني هدخل اجيب حاجه من المحل ده
