قاسي ولكن حبيته

الجزء السادس من روايه "قاسي ولكن حبيته "

#قاسي_ولكن_حبيته الجزء السادس

كلنا عوض لبعض ، رسايل من ربنا بتقولنا رجعو الامل فيكم ، الناس بتتعوض بناس ، والقلوب بتتعوض بالحب
النهارده فرحي ع محمد ، مش عارفه اذا كنت مبسوطه ولا حزينه ، لقيت حب عمري ولا كل شئ هيتهد ويتكشف ع الحقيقه الليله دي
_تملي ياليل بتقولي ياوعدي لكن النهارده ياوعدي انا ع جمالك
=شكلي حلو ياايه
_احلي من كل شئ ف العالم
=دايما المظاهر خداعه
_ليه حزينه ! محمد بقي مهتم بيكي جدا وشكله حبك
ضحكت بكسره =حبني!
_مخبيه ايه ياليل
=مش مخبيه حاجه ، انا جهزت خلاص
صوت من ورا= ايييه دا
ليل=ف ايه يامحمد
_ايه الجمال دا ، فين ليل ياجماعه متهزروش
ايه=اه انت قصدك اني ليل ف الاول كانت وحشه
ليل بغضب=نعم
محمد =بتحبي تهدي النفوس اوي هي ، ملناش دعوه بيها ، خدي تعالي هنا
ايه بغمزه =امشي انا بقي خلاص مبقاش ليا مكان
ليل=عاوز ايه
_عاوز اقولك سر
=امممم ، اسرارك كتير انت
_اها فعلا ، بس دا اكبرهم
ليل بخوف =قول
الباب بيخبط =ايه ياعم محمد هتنزل بعد الفرح مايخلص
_مروان هادم اللحظات ، انا نازل اهو
............
_عارفه ياايه
=هعملك فرح اجمل من ده
_ان شاء الله
=وهتكوني طبعا اجمل عروسه
_تسلم
=وانا هكون عريسك
دموع ايه نزلت غصب عنها
=مالك ياايه
_مفيش حاجه ، بعد اذنك عشان ليل نازله

والده محمد=عاوزه اقولك اني ياما اتمنيت تكوني مرات محمد ، من وانتو عيال وانا بدعي يجعلك نصيبه
محمد =واهي دعواتك استجابت اهي ..... لحظه ياليل ورجعلك
ليل =ماشي
والده محمد =بصي ياليل ... انا عارفه اني محمد قاسي ، وتقيل ، والمعامله معاه صعبه ، بس صدقيني طيب وانتي اكتر واحده فهماه ، ابني حبك ياليل
_حبني!
=صدقيني حبك ، واتغير عشان حبك ، ساعديه يكون افضل
محمد =كفايه رغي بقي مع بعض ويلا
بدا الجميع يرقص واصحاب محمد ضافو روح للفرح
..........
_واحنا هنتجوز امتي بقي
=بعد سنه
_لسه هستني سنه
=بفكر اخليهم سنتين
_نعم
=ايه يامروان بديلك فرصه تحبني
_طب ماانا اصلا ...
=انت اصلا ايه
_هااا ... بقول انا اصلا هخليهم 3 سنين
=مستفز
_عارف
=بكرهك
_مش اكتر مني
=ياابني لو واخدني تخليص حق قولي
_تخليص حق ايه بس ، قومي نرقص

_عارفه ياليل
=لا مش عارفه بس انت ممكن تعرفني
_لسه رخمه زي زمان
=وهو انت فاكر زمان
_فاكره وحفظه
=وده ليه بقي
_عشان ب
=ف ايه يامحمد !

مروان=يانهار مش فايت
روان =ف ايه
_داليا اهي ، الفرح باظ خلاص

داليا شدت محمد وهو بيرقص مع ليل =ازيك يامحمد
_اهلا ياداليا
=هي دي العروسه بقي
_اه ، ست البنات مش كدا
=عادي مش بطاله
ليل = سوري اصلي مش بحط الميك اب بالكيلو عشان اطلع واو اوفر
داليا=لا اتعليمي حطي بقي احسن .... احسن جوزك يطير منك
_وعد هسمع بنصيحتك
=هتحطي ميك اب
_لا هعلم جوزي ميطرش
*محمد وقع ع الارض من الضحك
داليا=ايه يامحمد عجبتك اوي
ليل=سيبك من محمد وخليكي معايا ، البوفيه فتح روحي كلي وانا ومحمد هنخلص رقص ولو شوفناكي بعد الشر يعني نبقي نكمل كلامنا
*خرجت داليا من الفرح وهي مولعه
محمد=تسمحيلي اعمل حاجه
_حاجه ايه
*شالها وفضل يلف بيها وكانه اخيرا فاز ، فاز بقلبه وحطه ف المكان الصح ، فاز بزوجه عارفه يعني ايه بيت وحب ، فاز بمرات ابن لاهله ، فاز ببنت فيها كل المواصفات الحلوه
_اقولك سر
=قول
_بح..
مروان =ممكن نشاركم الرقصه
_يااخي اولع ، خد الاستيدج كله ، ابوس ايدك سبني ف حالي مش عارف اقول ام الكلمه
=خلاص ياعم في ايه
_اقولك حاجه .... والله مااحنا رقصين ، يلا ياليل يلا
*ليل ومروان هيموتو من الضحك عليه

............
_ترقصي
=لا ياعلاء مش عاوزه
_ايه انتي مبتحبنيش صح
=هو لازم اقول كلام مايع يعني
_قلبك مش ملكك وانا عارف
ايه بااستغراب=عارف ايه
_عارف انه ملك وليد ، بس حاولت .... كان نفسي تحبيني ، كان عندي ذره امل انك تقسي عليه بعد ماوجعك وترجعي قلبك
ايه بدموع=مش عارفه ابطل احبه
_متعيطيش ، هو ميستهلش دموعك ولا اي حد ف العالم يستاهلها
فوقي ياايه ، وليد محبكيش ولا عمره حبك ، زرع ف حياتك مواقف حلوه عشان كنتي حد جديد ف حياته ، الراجل لو حب بيضحي بكل حاجه ، بيدخل البيت من بابه ، بيعافر عشان يوصل
الراجل لو حب مبيوجعش ولا يكسر وهو كسرك
=بس هو ...
_متتكلميش عنه ، انا ماشي .... ماشي بس ده مش معناه اني بطلت احبك ، انا هفضل احبك بس همشي عشان ترتاحي ، عارف انك بتعافري عشان بس تردي عليا ، فهريحك مني
بس خليكي عارفه اني هكون دايما موجود ، ف اي وقت ياايه

.............
_استني ياليل
=ف ايه
_المفروض اشيلك وادخلك الشقه والحو الرومانسي ده صح؟!
ليل بنبره متغيره =الكلام ده لما يكونو اتنين بيحبو بعض ، لكن احنا ..... هدخل عادي
_ف ايه ياليل ، اتعيرتي فجاءه ليه هو انا عملت حاجه تزعلك
=وهي حاجه واحده !

#قاسي_ولكن_حبيته الجزء السادس

#فرحه_محمد