( الڪاتـبـةة ژوژو الطـشـهـه 💕 )
( مـفـتـاح قـلبـي 🤤❤️🔐 )
الحلقه13💗
علا:انا عارفه💁🏻♀️
أريج بصدمه:شن😳
علا:انا عارفه انه يحبك بس مابيتش انخبرك قلت خليه هوا يعترفلك
أريج:تي كيف يخبرني تي نحنا خوت رانا كنك انتي😡
علا:لا نحنا مش خوت هوا ولد عمي شوفي معتصم وهناء يحبو بعض عليش ماقالو خوت🙂
أريج:انا وامجد خوت خوت خوت ماحد يناقشني اصلا انا وقعدت تبكي😭
مروه جت حضنتها:هدي ياروحي انا فاهمه قصدك وفاهمتك انتي قصدك انا امجد ديما معاك وبينكم دلاله كبيره بكل والعيله كلها عارفه وانتي معتبرتيه صديقك المقرب وخوك صح وانتي انصدمتي لما اعترفلك بانه يحبك صح؟☹️💗
أريج:والله صح الي قلتيه كله ياميرو انتي بس الي فاهمتيني😭💔
علا:حرام عليك تكسريله قلبه امجد يحبك واجد ☹️❤
أريج:علا اطلعي برا🙂
علا:طالعه بس فكري كويس حرام عطيه فرصه💗
طلعت علا💗
أريج:مروه بكرا عندي جامعه نبي نعدي عادي محتاجه لي هبه ضروري؟❤☹️(طبعا اريج غايبه من الجامعه لها4ايام وبكرا عندها بتعدي💗)
مروه:شن تقولي ياكلبه عدي انا مش برانيه💗
أريج:توا انقول لي هبه بكرا جايه
رنت أريج ع هبه💗
أريج بصوت حزين:الو هبوش شن جوك
هبه:تمام وأنتي
أريج:بكرا بنجي الجامعه
هبه بفرحه:واخيرا❤☹️
أريج:هبه في موضوع نبي نقولا لك بكرا ونا محتاجتك واجد😔♥️
هبه:حاضر ياقلبي♥️
هدروت اريج شويا هيا وهيه بعدها سكرت منها💗
أريج:ميرو نطلب منك طلب؟🥺
مروه:ادللي
أريج:ماعنديش نيه نوتي دبشي متاع الجامعه نبيك توتي ليا ع ذوقك واكويه ليا نبي نرقد شويا🥺❤
مروه :حاضر💗
عدت أريج تبي ترقد 💗
ومروه وتتلها سروال حني واسع ومعاه قميص تركوازي ووشاح اسود وكندره سوده وكوتلهن لها وعدت تكسد معا علا لوطه.....طبعا هدا كله كان الساعه 11💗
نزلت مروه لوطه قالت لي خالتها انه أريج ماشيه...وطبعا الشباب كيف ماقلت معزومين برا ويروحو متأخر وبات اريج وعبدالرحمن راجل خالتها روحوا وقاعدين يهدرزوا في المربوعه❤
طبعا الاحداث من لما جت اريج شافت خالتها لعند توا صارن في يوم واحد❤
الساعه7 الصبح أريج تغير ماشيه للجامعه غيرت ودارت ميكب خفيف نزلت لوطا💗
أريج:صباحو ماما💗
سالمه:اهلين تعالي افطري
أريج:من واعي
سالمه:خالتك ناضت في الحمام والبنات مرقدات وباتك وراجل خالتك يفكروا قاعدين والشباب مرقدين قالك باتك وتي روحك💗
أريج:تمام
فطرت واريج وشالها باتها للجامعه💗
عند محمد ناض وعدا للمستشفى 👨🏻⚕️❤
عند اريج خشت للجامعه شافت هبه عدتلها💗
أريج:صباح الخير شن جوك
هبه:تمام وانتي تغالي احكيلي امس رعشتيتي في الليل
أريج: امجد بعد روحت منك .....حكت لي هبه كل شي💗
هبه انصدمت:حيييي ماتوقعتش عنجد امجد يحبك❤🥺
أريج عيونها دمعت:والمشكله ماحد فاهمني😭
هبه:ماتبكيش ياقلبي نا فاهمتك وعارفه انك تعتبري فيه اكتر من خوه ☹️❤
أريج:يعني هوا طول هالسنين يشوف فيا مش بنت عمه واخته بس يشوف فيا ك وحده يحبها😔
هبه:المره الجايه وضحيله كل شي توا هوا يتفهمك مداما يحبك
أريج :اصلا هدا الي بنديره..خب تك صح بكرا بنعوا لي حوش عمتوا مريم
هبه:اها خبرتيني وشن تلبسي(هبه تغير في الموضوع❤☹️)
اريج:مش عارف مزال ماقررت اصلا هيا لمه عادي توا بعدين انقرر ونقولك❤😚
قعدن يهدرزن بعدها حضرن المحاضره وكل وحده جاها باتها وروحت❤
عند محمد روح من المستشفى الساعه2💗
محمد:السلام عليكم
امه:وعليكم السلام
محمد:وين ألاء
امه:قاعده في جارها هيا وحواء
محمد:شن جابها حواء
امه:جايه تساعدنا عشان لمة بكرا 💗
محمد:اها🙂
عند اريج الساعه 3 تهدرز هيا وخالتها وامها وأختها وبنت خالتها💗
سالمه:وتيتن رواحكن يابنات
مروه واريج وعلا:مزال توا نعدوا الدار نوتوا💗
عدن البنات يوتن ارواحهن💗
أريج:يابنات شن نلبس سروال ولا افرول؟💁🏻♀️❤
مروه:اي جاحه تهبل عليك ياروجي🥺❤
أريج:نجك ليا حبي❤🥺
علا:البسي الافرول احلى🤤❤
توا نقوللكن شن وتن البنات❤
أريج=افرول( هوا نفسه جمبسوت❤) اسود ومعاه كندره حنيه وطبعا تلبس العبايه بكرا والوشاح وتت ميكب يمشي مع اللبسه وتبي ادير شعرها من لاورا مطلوق ومن قدام كعكه ❤(ياخيا كيوت☹️💗💗💗💗💗)
علا=سروال ابيض واسع ومعاه قميص بنفسجي محشي في السىروال وكندره سوده وتت ميكب يمشي مع اللبسه وطبعا عبايه وتبي ادير شعرها فوق واطلع خصلات عشوائيه❤🤤
مروه=سروال بوي فريند أزرق لون فاتح ومعاه تيشيرت ابيض وجاكه حنيه ومعاه كويش ابيض وطبعا العبايه ووشاح وطلعت ميكب يناسب البسه وتبي ادير شعرها ديل حصان(كل حد وعنده اسم لها😂💗)
وتن البنات رواحن ونزلن يهدرزن لوطا❤
مافيش احدات لعند الساعه10في حوش محمد💗
حواء ادير في الموالح هيا والاء ومريم عشان بكرا يبن يسخنن بس ويديرن الحاجات البسيطه❤(طبعا اكيده ح تقولن عشان محمد لالا حواء تحب عيت عمها وتحب ألاء وهيا دحناسه ع محمد وخبيثه في نفس الوقت بس مش مع عيت عمها ❤🙂)
حواء جت لي محمد هوا قاعد في الصاله يحظر في التلفزيون💁🏻♀️💗
حواء:حمادي😍
محمد:نعم🙂
حواء:ذوق وعطيني رايك انا درتها🤤❤
محمد:ماعنديش نيه😊
حواء:ماتكسرش بخاطري ذوق منها كسره بس مافيش احلا من التارت المالح الي ندير فيه انا☹️❤
محمد خدا منها وذاق منه:سمح
حواء فرحت قريب ماتت من الفرحه:صحه ع قلبك😍😍
عدت حواء للمطبخ....محمد هزا راسه يمين ويسار🙂
عند أريج💗
أريج:بنات من خاطرها في ايس كريم☹️❤
علا ومروه:انا😍
أريج:علا عدي كلميلي معتصم☹️💗
علا:باه
شوي وجاهن معتصم💗
معتصم:ها كنك
اريج:نبو ايس كريم يااخي العزيز☹️❤
معتصم:باه كالعاده انتي شوكلاطه وعلا فرواله ومروه انتي شن😂❤
مروه:شوكلاطه😂❤
عدا معتصم جابلهن وقعدن ياكلن💗
عند محمد جاه جلال مكسد هوا وياه في مربوعتهم❤
جلال:يا بو رفيق نبي نقولك حاجه
محمد:تفضل
جلال:.....💗
يتبع...💗
درتلكن حلقه طوييييله❤🙈
حلقة بكرا سمحه بكل❤🤤🔥
( الڪاتـبـةة ژوژو الطـشـهـه 💕 )
