✨🌙رمضان يجمعنا🌙🥰

اول اجزاء الروايه🥰🎉

اشارككم هذه الروايه الجميله التي ارجو من الجميع قراءتها.. كتبت هذه الروايه اختي فالله ومعلمتي التي طالما شكرت الله على معرفتي لها وقربي منها 🥰🥰 الاستاذه رميصاء ✨.. جزاها الله خيراً عن كل من انتفع بها 🥰💗...

قراءه ممتعه 🥺🌠..

*رواية هي عفة*❣

🍃الفصل الأول :- 🍃

~و مع صلاه التراويح فى أول أيام رمضان و من داخل المسجد تقف فتاة بالعفاف تزينت بعد أن كادت تُهلكها ذنوبها و يأسرها شيطانها تُصلى و تبكى وتسأل الله المغفره وتسأله سبحانه النجاة .
تقف رقيه تصلى وبعد أن أنتهت شردت بعقلها كثيراً حيث الخلود فى جنات النعيم وما أيقظها عن هذا إلا يد تربت على كتفها فتُدير رأسها بفزع فإذا بها ترى ما يُذهلها ..
إنهـــا عُلا !!!
رقيه : علا ماذا ترتدين ..؟!
عُلا بعد أن علت ضحكاتها بإستهزاء : إيه رأيك فى النيولوك مش كده احسن بردوا من الإسدال اللى كنت بلبسه واللعبكه اللى كنت فيها !!
تم تنهدت وأردفت قائله : هيــــــــح رجعنا تانى للبنطالونات أهوت يا ستى وماشيه فى الشارع وكل العيون عليا وعلى جمالى و حلاوتى ياسلام عليا و أنا أصلًا حتت بت عثل مفيش منى اتنين أصلاً ..
آه يا روقه بجد مفيش أجمل من أنك تمشى و العيون عليكى و كلمات الغزل يمين وشمال بس لأنك ماشيه ، وبعدين ما أنتى عارفه ماما فضلت ورايا لغيت ما رجعت للبنطلونات تانى بقا 🍂
رقيه : ليه كده حرام عليكِ انتى ماشيه تاخدى جبال من الذنوب نسيتى ربنا لما قال
" وَلَيَحْمِلُنَّ أَثْقَالَهُمْ وَأَثْقَالًا مَعَ أَثْقَالِهِمْ ۖ وَلَيُسْأَلُنَّ يَوْمَ الْقِيَامَةِ عَمَّا كَانُوا يَفْتَرُونَ "
للأسف انتى مسؤولة عن كل اللي فتنتيهم بالنظر إليكِ و بملابسك اللى تُظهرك وكأنك عاريه ، مالك كده يا عُلا كأنك نسيتى الحجاب اللى ربنا أمرنا بيه اللى اضعف الإيمان فيه إن يكون لبسك واسع و الحجاب يُغطى صدرك على الأقل ، وزى ما أنتى عارفه فضل النقاب .

يااااه فاكره يا لولتى لما قررنا نلبس النقاب و قلنا جملتنا العذبه الرقيقه  《إن يكُن فرض فسألتزم به وإن يكن فضل فلا حُرمنا أجره 》♡؟!
تنهدت تنهيده كبيره أخرجت حنينها وشوقها لهذا الرداء وتلك الأيام ثم نظرت لها ، أنا بحبك وعشان ربنا بيحبك سمعك هذه الكلمات على لسانى و هذا فضل الله فأرجعى و إلزمى ما أمرك به ربك .

علا وقد انتشلتها من حاله السكينه و الراحه بلهجتها الساخره : ههيهيه مالك يا حجه رقيه قلبتى فيها ست الشيخه ليه كده و لا يكونشى ده من تأثير أول يوم رمضان وكده !!
وأكملت سخريتها أه أه هو أكيد كده ، على العموم يا ستى متنسيش إنتى كنتى إيه ولا أحب أفكرك ؟؟ بكره ترجعى تانى للى كنت فيه أصل عيشه التدين دى معقده وصعب تتحمليها أنا عزراكى هما فى الأول كده بتبقي الدنيا حلوه بس بعد كده بتبرد هههه قصدى هترجعى لبلاويكى تانى! ، أنا رايحه أصلى يا محترمه هانم .
رقيه قد وقعت عليها الكلمات وقع الصاعقه و خرت قواها و أغرقتها أنهار الدموع😭 ، و بلهجتها الباكيه تُردد : أيوه أيوه يارب أنا غلطت فى حقك أوى و أستاهل كل اللى يجرالى يمكن حتى ما استهلش إنى أقف قدامك وأكلمك كده أيووه مستاهلش .
تتقطع منها الكلمات بسبب نحيبها وبُكائها : أ نـ ا أنا صحيح كنت ضحيه يمكن وكنت غبيه أكتر، أصحابي سيطروا عليا أوى ، وطبعاً أهلى وقتها كانوا فى الطراوه مش واخدين بالهم منى ولا من بلاوى الزمن بدل ما ألاقى اللى ينصحنى و ياخدنى فى حضنه كنت بلاقى الزعيق والشخط و كأنى مُجرمه من مفيش 💔
قرفت من حياتهم يارب وحاولت أستمتع بحياتى مع أصحابي ، آآه واللى أهلى كانوا فاكرينهم كويسين وسايبنى وسطهم عادى ، فجأه مشيت فى طريقهم ، طريق مش مألوف عليا حبيته لأنى معرفوش !!
و عملت كتير أوى بس طبعًا بحافظ على رونق البنت الشرقيه المحترمه ، اللى محدش يتجرأ و ينطق عليها كلمه وحشه ، أهو أتنطق عليكى الوحش يا ست رقيه و أديكى سمعتى بنفسك 💔
ها يا أبله هتسيبى ربنا زى ما هى بتتمنى و لا هتفوقى من التبعيه لشويه المُتخلفين دول و تعقلى و تاخدى بالك من نفسك و دينك و دراستك ؟!
مش نفسك فى زوج صالح ونقاب ، مش هيجوا ببلاش يا أبله دا ليهم ثمن زوج صالح معناه انتى كمان لازم تبقي صالحه !!
"الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ ۖ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ " .
. هتبقى نعمه ولا نقمه فى الزمن ده يا هانم ..؟!
لا لا يارب أنا بحبك و انت عارف خلقتنى لهدف و أنا مش هسيبه أبدًا و لا هيأس أبدًا حتى لا يعبس الشيطان بي ، تذكرت آية الله ..
" وَلَا تَيْأَسُوا مِن رَّوْحِ اللَّهِ ۖ إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ "
و تنهدت تنهيده كبيره أخرجت بها كل الآلم و الغيظ و قالت : اللهم و لا تجعلنا منهم ، و أرتسمت على وجهها بسمه ناصعه وقررت أن تتحدى الشيطان و تقتله فى مهده ، قررت أن لا تترك طريق الله أبداً ♡
و عزمت على نُصح صديقتها حتى تنول الأجر و كذلك هدايه رفيقتها ، ثم شرعت فى صلاتها و انتهت بنفس راضيه مُطمئنه و أخذت تبحث عن عُلا حولها لكنها لم تجدها !!
و خرجت من المسجد لتجد ...!!!
☘☘☘☘☘☘☘