Quantum Leap (Short Stories)

9: Family Day

"Family Day"

When I was a child si Grandma(Mother side) na ang nag-alaga sa akin. Sabi niya na iniwan daw ako ng parents ko sa kaniya dahil hindi nila ako kayang palakihin. Tatlo raw kaming magkakapatid at ako ang bunso. Ace at tsaka Alice daw ang pangalan ng kuya at ate ko. Buti pa sila eh kasama nila sina Mama at Papa, ang swerte nila. Hindi tulad ko na si Lola palagi ang kasama ko. Naiinggit ako sa ibang kaklase ko dahil meron silang nanay at tatay na umaattend kapag may meeting sa school. Si Lola ang laging pumupunta kapag may meeting kami, kung nandito lang yung parents ko eh baka sila yung aattend ng meeting kaso iniwan nila ako. Ang unfair nila. Minsan nag-aaway kami ni Lola pero nagkakabati rin kami.

"Lola, pasok na po ako sa school."

"Sige! Mag-ingat ka Andrea. Heto oh baon mo." sabi niya tapos binigyan niya ako ng 50 pesos. "Pagpasensyahan mo na kung yan lang ang naibibigay kong baon sayo ah." saad niya.

"Okay na okay na 'to, Lola. Atleast meron po kesa naman po sa wala. Malapit lang naman po ang school namin dito sa bahay eh. Lalakarin ko na lang po. Thank you, Lola." sabi ko tapos niyakap ko siya ng mahigpit na mahigpit.

"Sige. Mag-iingat ka ha."

"Opo, Lola."

Naglakad na ako papunta sa school namin.

----
After 15 minutes...

Finally, nakarating na rin ako sa school namin tapos pumunta na ako sa Classroom namin. Lima pa lang yung mga Classmates kong nandito sa room.
Umupo na ako sa upuan ko. Habang tumatagal eh marami ng pumapasok na estudyante dito sa room. Kompleto na pala kaming lahat. Pumasok na rin yung teacher namin.

"Okay, Class! I have a special announcement to all of you."

"Ano po yun, ma'am?" tanong naming lahat.

"May magaganap na Family Day next week. Dapat kasama niyo yung Mama at Papa niya. Understood?"

"Opo ma'am. Pero paano po si Andrea? Di ba wala po siyang nanay at tatay?" sabi nung isa kong kaklase.

"Panget at pasaway po kasi siya kaya siguro iniwan ng nanay at tatay niya." sabi naman nung isa ko pang kaklase.

"Hindi siya mahal ng parents niya kaya siguro iniwan." sabi pa nung isa.

"Class, quiet! Pwede namang yung Lola niya ang isama niya sa Family Day eh." sabi ni ma'am. Buti pa si ma'am ang bait, hindi tulad nitong mga kaklase ko. Ang sasama ng ugali nila kaya ni isa eh wala akong kaibigan dito sa room. They are not my big damn lost. Tumahimik na pala silang lahat. Speechless!

----
"Apo, may problema ka ba?"

"Wala po, Lola. Iniisip ko lang po sina Mama at Papa. Kung kasama siguro natin sila eh mas masaya 'tong family natin. Tapos idagdag pa natin sina ate at kuya. Sana one big happy family tayo. Kaso ang unfair nila, iniwan nila ako. Hindi nila ako love." sabi ko.

"Huwag mong sabihin yan, apo. Alam mo bang mahal na mahal ka nila? Iniwan ka nila sa akin dahil kailangan nilang magtrabaho para magkaroon kayo ng magandang buhay in the future. Nag-promise sila sa akin na babalikan ka nila kapag medyo nakaipon na sila. Mahal na mahal ka nila, apo." sabi ni Lola.

"Hindi nila ako mahal, Lola. 10 years old na po ako pero hindi pa rin nila ako binabalikan. Kinalimutan na nila ako, selfish sila."

"Babalikan ka nila. Hindi man ngayon pero darating yung araw na nasa harapan mo na pala sila."

"Kailan po? Kapag matapos na yung Family Day namin sa school?" saad ko.

"Ano? May Family Day kayo?" tanong ni Lola.