تــارا ❤️

31

🦋

الدنيـــــا غيــــرك ما بتكــون والكون بلاك ناقــص ..
عــــــــــــــــــدد 🌸...

___________________________________🦋

المهم مضى اليوم بطريقة حلوة واليوم دا بالذات كان عندو نكهة خااصة عند تارا يعني نتيجتها المشرفة وظهور الحق...(الآن حصحص الحق) المهم في نص الونسة..بكري سحب الجد وآسر ومشو المكتب وقفلوا الباب...بعد شوية جو طالعين والجد مبتسم من الاضان للأضان وشوية ويطير وآسر نفس الشئ..

مشو قعدوا والجد قال:احم احم اسمعوني.

فاطمة بهمس:يا ليييل اها المصيبة التانية شنو 🙄.

الجد حمر ليها:سمعتك 😒.

سكتت باحراج والجد قال لعوض ابو نور:طبعاً يا ابو نور بتك ما شاء الله عليها خلقة واخلاق مؤدبة ومحترمة وما حصل يوم بالغلط شفت منها تصرف ما كويس.

عوض:الحمد لله.

الجد:يلا يا ولدي انا ما بحب اللف والدوران...والله بكري ولد بتي دا طالب يد بتك نور اها أنت رايك شنو؟!

نور اتجمدت بصدمة وتارا نفس الشي...اما البنات فكانوا متحمسيين شدييد العجب جنى قربت تطير 😂😂❤️...

الجد:اها يا ابو نور رايك شنو؟!

عوض بابتسامة:والله دي الساعة المباركة...وانتو ناس تنشروا بالدهب ونسبكم يشرف...بس في الاول والاخير الراي راي البنت.

الجد وهو بتكلم مع نور:اسمعي يا بتي قولي جوابك وما تخجلي..ومهما كان جوابك صدقيني ما ح يأثر في علاقتنا.

خلال ثواني ملامحها المصدومة اكتست بالخجل لدرجة انو وشها بقا احمر (ما حلبية وكدا 😂😂❤️)...امها مسكت يدها وقالت ليها:صدقيني ما ح تلقي زيو يا بتي.

عاينت لبكري بطرف عينها ولقتو مبتسم واول ما لاحظ ليها غمز ليها...غمضت عيونها بقووة وهمست لابوها:الراي رايك يا بابا.

عوض:لا يا بابا الراي رايك انتي دي...لانو انتي الح تسكني معاهو ما انا صاح.

هزت راسها بخجل شدييد...اما ابوها ابتسم وقال:افهم من كلامك انك موافقة.

مسكت يد تارا لدرجة تارا حست انو يدها ح تتكسر...وهزت راسها بأي...بكري ابتسامتو زادت شدييد لدرجة قلبت ضحكة...ابوها هز راسو براحة وابتسم للجد وقال ليهو:موافقين.

الجد ابتسم ابتسامة عرييضة وقال ليهو خلاص:نعمل الخطوبة نهاية الاسبوع رايك شنو؟!والعرس بعد ما الولد يخلص جامعة.

عوض:خلاص تمام..
اخدوا ونستهم وطلعوا...نسيت اقول ليكم انو ناس نور وضعهم اتحسن شدييييد...عثمان بقاهو مدير تنفيذي للشركة واداهو عربية وشقة وقال ليهو عشان تكون قريب من الشركة وكدا...ونور منتظرة التقديم بتاع الجامعات يفتح عشان تقدم برغبة من ابوها...وهي علمية شايلة احياء..