تــارا ❤️

9

🦋

غريب جدا ذلك الكبرياء ...
الذي يمنع الإنسان من السؤال عن من يُحــــب ...
ولكن يُجبره على مراقبتـــه من بعيــــد ...

___________________________________🦋

زي العصر كدة تارا صحت بصدااااع شديييد...قامت من الارض دخلت اخدت ليها شاور وغيرت هدومها وبعدها طلعت قعدت في السرير عاينت لنفسها في المراية...ودموعها نزلت بس مسحتهم بسرعة وقالت:لا يا تارا انتي اقوى من كدة...اقوي من انك تنكسري عشان ولد...عشان شخص انتي كنتي مجرد نزوة في حياتو..ولو ما كدة ما كان جاوب بالبرود العجيب دا...خلاص يا تارا انسيهو وركزي في امتحاناتك احسن ليك...بقة بعدين ما ح ينفعك خلاص ركزي في قرايتك وختي هدفك قدامك وبس...

سكتت بمجرد ما سمعت صوت الباب بضرب...فتحتو وكانت امها:صحيتي يا توتة...خلاص يلا انزلي الغدا من جيتي من المدرسة ما اكلتي حاجة.

ابتسمت ابتسامة باهتة وقالت ليها:طيب جاية.

امها لاحظت ليها ختت يدها في كتف تارا بحنان وقالت:مالك يا بتي...شكلك تعبانة 😧.

تارا:لالا مافي حاجة بس الامتحان جا شوية صعب.

ابتسمت بحنان وقالت:مافي مشكلة يا بتي امتحان دنيا وان شاء الله ح تتفوقي...يلا انزلي سرييع.

تارا هزت راسها ونزلت ورا امها...دخلوا غرفة الطعام وكان محمد قاعد....
محمد:توتة الامورة اشتغلتي كيف؟!

تارا ابتسمت:كويس الحمد لله.

محمد:ما تتملي شديد عازمك مكان تاني بعد الغدا 😉.

حنان:شنو عازمها..انت ناسي انووهي ممتحنة رياضيات بعد بكرة 😤.

تارا:خلاص يا ماما...انتي قلتيها بعد بكرة ما بكرة.

محمد:يلا يا حجة ياخ...خلي روحك رياضية 😁.

تارا:الدخل الروح الرياضيه شنو هنا 😕.

محمد حك راسو وقال:انا عارف المهم نقنعها 😅.

حنان:خلاص طيب امشو بس ما تتأخروا.

تارا:اصلا انا شبعانة يلا يا محمد 😀.

محمد قام:يلا.

تارا اتوجهت على الباب بس وقفت بصوت امها:وين يا بتي..ماشة كدة؟!!

تارا عاينت لنفسها كانت لابسة بنطلون كافاهو من تحت وتيشيرت عادي:ايوة فيها شنو؟!

امها عاينت ليها وتارا قالت بملل:ماما خلاص ياخ.

حنان بحزم:يا تغيري هدومك دي يا تلبسي ليك عباية.

تارا:بس ما عندي عباية.

حنان:انا عندي...امشي شيلي من دولابي فوق.

تارا طلعت فوق بملل..لقت عباية سوداء قاعدة في الشماعة...شالتها وكانت معاها طرحة شالتها ونزلت...العباية كانت مفتوحة من قدام كلها....امها شافتها وقالت:دي حقت ترتيل المفتحة دي!