فالمغرب و بالضبط فواحد الدار من الديور العادية المغربية كانو جالسين جوج بنات فواحد البيت باينة من الشكل ديالو ديال البنات...حاطين بيسي بورتابل فوق الناموسية و كل وحدة ناعسة على كرشها و الثانية تدوز بصبعها حتى نطقات...
زكية:واش مزال ملقيتي لي بغيتي وا حفاو عينيا اساطة
لجين:واا الساطة وا الحيبان خصنا شي حاجة ناضية مطرطقة
زكية:وراه ساعة ا لجين و حنا قدام لبيسي و شاي ملقيتيه
لجين ناضت جلسات و حطات لبيسي فوق فخادها مقوسة ضهرها و مصغرة عينيها و صبعها خدام تيقلب...
زكية تگعدات و جلسات حداها تكمل معاها صبرها...
زكية:دابا ا لجين واش بصاح شمس المعارف الكبرى فيه الجنون؟
لجين عينيها تيبريو بالضو ديال لبيسي مفيكسية فالشاشة و صبعها تيشهد فوق لبيسي:انا بغيت شي حاجة ناضية قريت واحد القصة فلفايسبوك قالو ليك داكشي غير كدوب طالقينها و صافي
زكية تقادات فالجلسة و طلات على الشاشة:عرفتي شنو داك النهار تفرجت فواحد الگاوري...
لجين:احح گاوري نموت فلگور انا
زكية:وا خليني نكمل تفرجت فيه شرا مونيكة مسكونة من واحد السيت شبان ليك نجربو زهرنا؟
لجين شافت فيها:عاقلة على سمييتو؟
زكية:لگاوري؟؟
لجين:ا ااه ولكن خليه من بعد دابا عطينا سمية السيت هو الأول
زكية:سميتو Ebay
لجين طابات السمية خرج ليها هو الاول كليكات عليه و اراك لفراجة مكاين غير لبياسات من جميع لحوايج لي يخطرو على بالك لبنات نساو غراضهوم و داوهوم لحوايج و لماكياج حتى بدا التعياط...
لطيفة(ام لجين):وااا لبنياااات وا لجييين وا تي عييطي على زكية راه مها بغاتها
لجين حركات غير عنقها بحال النعامة:واخااا موووي تي نوضي موك بغاتك
زكية ناضت تتقاد فحوايجها:بيناتنا واتساب اساطة
لجين:ا تي زيدي قدامي راه غنهبط معاك
حطات لجين لبيسي و هبطو لتحت كانو واقفين جوج عيالات وحدة ب بيجامة د الدار عاقدة زيف حاياتي و الثانية بجلابتها و زيفها و هازة صاك...
فاطمة(ام زكية):يالاه ا بنيتي نسيتي الخياطة معامن درنا
زكية:وااايه السموحات ا لوليدة يالاه ا خالتي لطيفة لجين طهلاو
أنت تقرأ
اللــــيــــلــــة المــــرعــــبــــة👹🌃|🇲🇦
Terror⛔ممنوووووع الإقتباااس جميع الأفكاار و الأحداااث من مخييلتي الخاصة⛔ ___________________________________________ 👹🌃الــــلــــيـــــــلــــة المــــرعــــبـــــــة🌃👹 ✑𝓥𝓲𝓬𝓽𝓸𝓻𝓲𝓪 𝓚𝓪𝓮𝓵𝓲𝓷 ___________________________________________ شغادي...
