حكاوينا

الحلقة الثالث(الثانويه العامه)

حلقه النهارده فريده من نوعها لانها عن أجمل وأصعب فتره عليا يمكن مش ليا أنا بس لا ليا ولغيري.
فتره الثانوي هي أجن فتره عدت علينا كلها ضحك وهزار ومصايب ومغامرات.
مليانه حجات كنَ بنقول مش هتكون موجوده غير فالأفلام الهندي واحنا منعرفش إننا هنعشها فيوم من الأيام فتره اتعلمنا منها حجات كتير عرفنا الصح من الغلط حددت الناس ال هتفضل وال هتمشي حددت مصيرك مش مصيرك المهني لا مصيرك الحياتي مصيرك المعنوي بس دا طبعا بوجود صحاب معاك.
سواء المدرسه الدروس المذاكره الخروج حتى الزوغان من الدروس فرحك حزنك اوقات صعبه مشاكلك دي فتره بيسموها مراهقه مع من رأي دي فتره تعلم وإدراك
هبدأ المدرسه مش هقول إني كنت طالبه شاطره لدرجه التفوق وهاديه بالعكس انا كنت مشاغبه جدا وكنت مودايه نفسي فداهيه انا وصحابي بس هم كانوا زي السند ليا كانوا بيحموني حتى من نفسي كانوا فهمني وحفظني.
كنا فالمدرسه نعمل كل مصيبه ومصيبه المدرسه مكنش مكان وحش زي م الكل فاكر بالعكس كان المكان ال بيجمعنا كان المكان ال بنضحك فيه من قلبنا كنا مهما كان في حزن مجرد اما ادخل المدرسه اضحك تلقائيا حتى لما ابكي كنت الاقي فصلي كله يتجمع ويحضونني ويواسوني ويضحكوني وكل حاجه مكنتش انا لوحدي كدا لا كنَ كلنا مكنش فيه حاجه اسمها دي شنطه كذا او إزازه كذا او كشكول كذا لا كان في حاجه الكل واحد فعلا المدرسه مكنتش بالسوء دا اه الحصص كانت رخمه شويه وكنَ شلين المدرسين بس عادي لدرجه إنه المدرسين كانوا بيخافوا يدخلوا فصلنا😹💔 بس كان في المدرسه والفصل دفئ غريب كدا محدش هيعرف قيمته غير ال يفهموا
مش بس المدرسه والدروس كمان مهما كنَ بزهق بس بارضوا كنَ بنحب نروح كنا بناخد ذكريات حلوه وكنَ ديما بنضحك مش معنى كدا إن مش هتعدي أوقات صعبة لا هتعدي أوقات صعبه بس كل حاجه كانت بتتحل كان في حزن بس كان في سند وكان في حضن بيواسي كنَ برضوا بنذاكر الأخص ٣ ثانوي كنَ بنشتغل بإيدنا وسننا زي ما بيقولوا لو اتكلمت عن نفسي دي فتره مستحيل أقدر أرجعها مره تانيه إتعلمت منها كتير لان الفتره دي بنكون كلنا شبه عايشين فالشارع .
ال هيحلي ثانوي أكتر وجود صحاب جدعه صحاب يسدوا وقت المشاكل ال هو انت فخناءه يجي يدافع من غير مايعرف انت بتعمل إي تعملوا مصايب وتكونوا تقولوا هتعملوا اي وهتخرجوا ازاي طبعا موضوع التزويغ هو مش حلو اوووي بس برضوا كان في ذكريات حلوه فكل لحظه ف ثانوي كان جواه فرح كان جواه ذكره مش هتتعوض وهتفضل تفتكر تقول ياريت الزمن يرجع تاني ياريت أرجع لضحكه من ضحكات زمان أيام م كنَ سوا مع بعض اه الكليه هتفرقوا بس ذكريات الثانوي هتجمعكوا تاني ببساطه هتفضل تفتكر التفاصيل وتضحك بكل هدوء هي دي ثانوي...

دي كانت الحلقه الثالثه لينا النهارده اتكلمت فيها عن ثانوي وذكريتها ملحوظه الامتحانات ٣ ثانوي مكنتش بالرهبه ال كنَ فكرنها ثانوي ذكريات حلوه خليها فقلبك...