الجنه غايتنا 🌸

استغلال رمضان...)🌸

السلام عليكم ورحمه الله وبركاته 💞

اخباركم ايه يا بنات ورمضان عامل معاكو ايه ؟؟؟؟؟

كيف حالكم مع الله ؟؟؟

في مواضيع كتيييره اوووي عايزه اتكلم فيها بس هأجلها لبعد رمضان تعالو بقا نعرف هنستغل رمضان ازاي احنا عاوزين نطلع من رمضان متغيرين مش متأثرين والكلمه دي مهما عايزه ادخل رمضان انسان واطلع انسان جديد عايزه اذود عباادات عايزه اقرب اكتر من ربنا

-اهم حاجه في رمضان
1- الصلاه في وقتها + النوافل
قال النبي صلى الله عليه وسلم: " إن الله قال: من عادى لي ولياً فقد آذنته بالحرب، وما تقرب إلي عبدي بشيء أحب إلي مما افترضت عليه، وما يزال عبدي يتقرب إلي بالنوافل حتى أحبه، فإذا أحببته كنت سمعه الذي يسمع به، وبصره الذي يبصر به، ويده التي يبطش بها، ورجله التي يمشي بها، وإن سألني لأعطينه، ولئن استعاذني لأعيذنه " رواه البخاري.

2-القرءآن
قراءه القرءان بيقربك من ربنا بيعرفك النهواهي والاوامر
بيعرفك كل حاجه وانتي بتقرأي حسي انك عايشه جوا الاحداث اقرأي بقلبك مش بعينيكي احنا بنقرأ قرآن مش جرنال

3- التسبيح والتهليل والتكبييير
دول بقا حاجه تانيه خلي لسانك ميتوقفش عن ذكر ربنا دايما اذكري ربنا متقفيش عل الاقل خاااااالص يبقي ليكي 5000 ذكر في اليوم دا اقل حاجه ونوعي بقا

4- الدعاء
استغلي رمضان في الدعاء الساعه اللي قبل الفجر والساعه اللي قبل الفطار استغليهم وادعي لزميلاتك واصحابك

في نقطه كنت عاوزه اتكلم فيها معظمنا بيتلغبط فيها الفرق بين التروايح وقيام الليل والتهجد؟؟

اللي بيتلخبطوا بين التهجد والقيام والتراويح ومش عارفين الفرق بينهم ❤

س/ ايه الفرق بين صلاة التراويح ، التهجد ، قيام الليل ؟!
ج/ كلهم واحد .. مفيييش فرق بين التلاته
كلهم #مسميات تطلق علي صلاة #التطوع_من_بعد_العشاء ..
بس الفرق كله في #توقيت صلاتك !
■ يعني لو صليت بعد العشاء مباشرة من غير ما تناملك حبة = تبقي #تراويح ❤
■ لكن لو صليت العشاء ونمت شوية وصحيت في الثلث الأخير من الليل = يبقي #تهجد ❤
■ #والقيام ده مسمي عام معناه = انك تقوم ليلك او جزء منه بين يدي ربك ❤

س/ يعني نصلي انهي واحدة فيهم .. وبأنهي نية ؟!
ج/ صلي التراويح بعد العشاء ..
وناملك شوية مثلا واصحي في الثلث الاخير صليلك ركعتين او اكتر تهجد ❤
يعني مش هتخسر حاجة لو صليت الاتنين 😃

س/ طب هيا كام ركعة التراويح ؟!
ج/ هيا علي الأرجح ١١ ركعة [ ده السنه وممكن تزود ، المهم تكون عدد زوجي ٨ مثلا وبعدها ركعتين شفع وركعة وتر فتصبح عددا فردياً اللي هو ١١ ] . ❤

س/ بنصليهم ازاي ؟!
ج/ ركعتين ركعتين .. بنصليهم [ مثني مثني ] .
- بين كل اتنين ناخد راحة نذكر الله دقيقتين كده ومنها نستريح [ عشان كده سموها التراويح ] 😆❤ .

س/ طب ينفع نقرأ فيها من المصحف ؟!
ج/ اه ينفع نقرأ من المصحف فيها [ لانها صلاة نافلة مش فرض ] . ☺

س/طب انا معنديش حامل للمصحف ؟!
ج/ ولا يهمك .. ينفع نشيل المصحف بإيدنا [ لو مش متوفر حامل للمصحف ] . 🌸

س/ الناس بتصلي بجزء في اليوم بس انا طاقتي علي أدها ومش هقدر .. ينفع اصلي بسور قصيرة ؟!
ج/ ايوه ينفع نصليها بقصار السور [ لغير القادر علي حمل المصحف او قراءة اجزاء كبيرة ] . 💙

س/ طب انا بصراحة مش هقدر أصلي 11 ركعة ؟!
ج/ لغير القادر علي اتمام الـ ١١ ركعة يصلي ركعتين .. صلي اي حاجة المهم تصلي ماتبخلش علي نفسكككككك 😸 .

س/ بالنسبة للبنات .. المسجد ولا البيت افضل ؟!
ج/ للمرأة صلاة التراويح في [ بيتها] أفضل ويجوز تصليها طبعا في [ مصلي للنساء ] اذا أمنت الفتنة . 😉

مقتبس

وفي دلوقتي مسابقه للقرآن (تحدي) هنزلها حالا في البارت الجاي هعرفكو هيبقي ازاي بالتفصيل انا عاوزه بس تشجيع منكو اكمل ولا لأ ؟؟؟؟؟
انا المسابقه دي المفروض كنت نزلتها امبارح بس حصل خير هااا رايكو ايه اكمل ؟؟؟؟
#احبكم في الله 💞